طبعاً يومي صغيره يوم تجيب امي ساره اختي بغيت اموووت من الغيره كلن طاير بها ويستملحها ذا الزقه قلت لازم لازم اسوي حركه تخلي الناس يهتمون فيني
قلت مالي الا اسوي نفسي داخلني جني وانا مسكونه الله يرحم ضعفي ، عاد جدتي كانت جايه من سدير عشان امي نفاس تعرفون وصدق كانت ماتبلعني وانا صغيره عشاني كذابه وعوبا ?
المهم كذا فجأه قعدت انتفض واطلع لساني عليهم واضحك واصيح وابوي جعله بالجنه عارفتي اني تسذوب قاعد يشوفني يقول ابد الله يعافي ذا الجني يابنتي اللي بيخليك تجلسين بغرفه لحالك
قلت لازم اغير الخطه واستنزل عندهم وادخل للصاله واسوي حركات وتجي امي بسم الله عليتس وش فيتس و ازود الحركات وتنادي جدتي وتشوفني جدتي قالت بلاها القشاره يابنيتي موذيه موذيه ذا السودا ? وامي تقول لالا ناضلينها بنات ال***يسى وهه شوي شوي جدتي تحرمني وتجلسني بسريرها
مابقى تفله ماجتني طبعًا جدتي تتفل تفله على الجني وتفله علي من زود المحبه
طول الموضوع وصرت اذا شفتهم شوي ماعاد يهتمون بموضوع الجني سويت نفسي مااعرف منهي امي واصيح ابي امي وامي تتأثر يابعدهم والزقه الجديده ساره منطوله بسريرها محد يمها كل الاهتمام لي لحالي
ومشت السالفه وكنت غايبه تعرفون فيني جني مااقدر اروح للمدرسه ? لين فقدتني وحده من المعلمات وجت لبيتنا وهي تقرب لجدتي وشفيها عسى ماشر وش بلاها قالت جدتي الله يرحم ضعفها ذا المقروده فيها جني ونقراء عليها وكذا
قالت معلمتي نادوها لي ابيها ويوم جيتها امشي مكسوره يعنني فيني جني? وهي تقبصني ذيك القبصه وقالت اجل فيك جني هاهه !!! وانا انحاش واسمعها تقول كذابه مافيها الا العافيه انتم اللي فيكم جني والله
وتجي جدتي تجلدني وامي تجلدني وخالي المطوع جلدني ومرت خالي شافتهم يجلدوني وقالت بجلدها بعد وعيال خوالي ينادويني السعلوه والحمدلله على كل حال?? وبس والله لايك شير سسكراب اذا اعجبتكم السالفه
@Rattibha رتب سالفتي لوسمحت
جاري تحميل الاقتراحات...