موضوع طويل شويه بس لازم والله حتكلم عن الخرافات عن رياضه كمال الاجسام او الحديد عندنا هنا عن الخرافات عن اللعبه وهي كتيره لدرجه مرات بتسمع معلومات بتفقعك ضحك بس والشي البحير الناس مصدقاها وماشه بيها حتكلم عن الاشهر منها طبعا هي كتيره شديد 😂☝️بس الناس تركز في كلامي
اول حاجه لو لعبت حديد وخليتو جسمي بترهل كلمه ترهل دي جايه من دهون يعني معناهاانت لمن لعبت حديد وخليتو واترهلت معنا زدت دهون ما عضل لانو ماف عضل بترهل ف ماف كلام بشكل دا.
كترت العرق اثناء التمرين ما عندها علاقه مع حرق الدهون لانو لو كدا كان ندخل جوا فرن ولا ساونه والقصه انتهت ناقشني وبقنعك
لو لعبت حديد طولك بقيف او بتقصر ماف اي علاقه الطول ما عندو علاقه بي الحديد
البنات مفهوم لو رفعتي اوزان او اتمرنتي تمارين مقاومه ولله العظيم ما حتعضلي بلعكس كدا يادوب جسمك بترتب انتي جسمك ما فيهو هرومون تستيرون هو احنا الرجال الفينا الهرمون عالي دا ميتينا بطلع عشان نعمل لينا حبه عضيلات فما بالك انتي نسبه بسيطه منو عندك البتشوفوهم معضلات ديل بياخدو هرمون
ماف تمارين بتزيد الطول يا اخوانا في تمارين بتخلي الظهر مستقيم عشان كده بتحس طولت كم سنت لانو في ناس عندهم انحناء في الضهر
لمن تشرب بيض بي لبن القيمه الغذايئه ما حتتضاعف كانك اكلت بيض وبعديهو لبن ناس اللخبطه ارحمونا البيض بيض واللبن لبن ماف اي شي ممكن تخلطو معا بعض قيمتو بتضاعف ياها نفس القيمه عشان ما تجبرو نفسكم تلخبطو حاجات وتقربو ترجعو وقع ليكم
المويه البارده بتعمل كرش ماف كلام بشكل دا. برضو ناقشني بقنعك
التخسيس الموضعي يعني انك تخسر دهون في منطقه معينه ماف كلام بشكل دا لمن تخسر دهون جسمك كلو بخسر بعداك حسب جيناتك بالنسبه لي المنطقه. وكذلك الزياده ما ممكن داير تزيد في حته وداير بطنك تكون في محلها وباقي الجسم في محلو
جيب لي الزول البقول ليك البرفع حديد دا ما عندو قوي جنسيه بس بالمنطق كدا زول بياكل اقل شي ٦ وجبات وبتمرن يومي وقوي قلبيه وجسمانيه ومتغذي صاح كيف ما يكون عندو قوي جنسيه دي جاتكم من وين الفكره دي ياخ ما تعزبونا عليكم الله وما تتفلسفو تمام 😡
موضوع البروتين يا جماعه البروتين مكمل غذائي ما بعمل عضلات زابط البروتين بشتغل علي الجسم المتغذي بمعني بتاكل كويس وتاخد بروتين بشوف نواقص الجسم من الغذاء ماف اكل ماف فايده من البروتين زابط ما مشروب سحري يعني هو
الخرافات كتيييره انا دا المتزكرو ريتويت عشان نستفيد من بعض وتوريني الخرافات السمعتها شنو 😂😂😂😂😂
مالك 😂
جاري تحميل الاقتراحات...