طيب خلونا الحين نتكلم عن زبدة الموضوع وهو عن قرار ميجان وهاري بالتخلي عن مهامهم الملكية، والمقصود بهالشي انهم يعيشون حياة طبيعية مثل أي ناس من خارج العائلة الملكية البريطانية.
- طبعا هذا معناه انهم راح يفقدون كثير من مزايا العائلة الملكية، ومن ضمنها الألقاب، و الحصول على الأموال العامة، أو اللي تسمى أموال دافعي الضرائب، وبيكون عليهم أنهم يتولون مسؤوليتهم المالية بشكل كامل.
وبالتأكيد راح يخرجون من القصر الملكي ويعيشون في المكان اللي يشوفونه مناسب لهم، ومع هذا الشي راح يفقدون نمط حياة يعد في غاية الارستقراطية والعراقة والتميز.
- اغلب الناس كانوا يقولون ان الحب هو اللي خلاهم يتخلون عن كل هالمزايا، وتحديدا حب الأمير هاري لميغان، اللي ماقدرت تكمل في القصر أكثر من 20 شهر فقط، وقبل لا يدخل طفلهم عامه الأول!
مافي شك ان الحب هنا كان دافع قوي ، وقد يكون هو احد اهم الدروس في هالقصة، الكل يقول ان ميغان اختارت تغادر القصر وترجع تعيش شابة طبيعية مثل ماكانت، وهنا قرر زوجها يغادره معها عشان يكملون حياتهم زي ما يبون، ويضحي بفرصته انه يكون ملك بريطانيا في يوم من الايام!
الحب تضحية، والعلاقة الزوجية السعيدة نعمة، قد تكون هذي هي المملكة اللي يبحث عنها هاري اكثر من تولي العرش البريطاني، في المقابل..
كانوا صحفيين يتهمون ميغان بأنها ورطت هاري بهالعلاقة عشان تعيش في القصر، اللي حصل انها اثبتت لهم العكس تماما وبان ان فعلًا مايهمها القصر ، ان القصر ما يهمها..وانها واثقة من قوة وصدق هالعلاقة، ومن وقوف زوجها معها.
الدرس اللي اشوفه انا لا يقل أهمية عن الحب، هو (الحرية) وقيمتها في حياة الانسان، الحرية كانت سبب اقوى من الحب، وراح اشرح لكم كيف صار هالشي، شفتوا كيف ممكن الناس تتخلى عن افخم المظاهر والثروات، عشان تعيش حياتها بكل حرية واستقلالية؟
ليش نقول حرية واستقلالية، لأن التقاليد الملكية في بريطانيا كانت تفرض قيود كثيرة عليهم، على الحركة واللبس والتواصل مع الجمهور والتعبير عن الراي وغيرها، وهذا أمر له احترامه اكيد كونه شي متوارث ومتفق عليه وفي ناس تطبقه بكل امتنان، لكن في المقابل محد يقدر يفرضه على شخص مايبغاه .
وبالتالي يكون الاتفاق بكل بساطة ( بتنازل عن المزايا = اعفيني من القيود )
القيود ماكانت المشكلة الوحيدة، الانضمام للعائلة الملكية البريطانية معناه ان الشخص صار هدف يومي للصحافة والمصورين وخذلك اشاعات وقروشة وانتهاك خصوصية ..
القيود ماكانت المشكلة الوحيدة، الانضمام للعائلة الملكية البريطانية معناه ان الشخص صار هدف يومي للصحافة والمصورين وخذلك اشاعات وقروشة وانتهاك خصوصية ..
الصحافية تلاحقهم في أي مكان وينشرون عنهم أشياء تتدخل في خصوصياتهم بشكل مقرف جدا واحيانا تخلو من المصداقية..وهذا اللي صار مؤخرا مع ميغان اللي ماسلمت من تنمر الصحفيين عليها بشكل كبير !
هاري تأثر بشكل كبير جدا بوفاة والدته الأميرة ديانا، وكان يتهم الصحافة بشكل رئيسي في هذي الحادثة، ولما بدأت مشاكل ميجان مع الصحافة البريطانية اللي ما رحمتها حتى في فترة الحمل بحفيد الملكة، كان له تصريح شهير قال فيه "فقدتُ أمي، وها أنا ذا أشاهد زوجتي تسقط ضحية لنفس القوى الجبارة"
نرجع لمقولة ان الحرية دافع اقوى حتى من الحب، اللي ما يعرفونه الكثيرين ان هاري كان يرغب من سنوات انه يتخلى عن الحياة الملكية بسبب قيودها عليه، بل انه وصف السنوات اللي قضاها في العسكرية بأنها "أفضل هروب على الاطلاق"..
لاحظوا اني اكلمكم عن سنوات تضمنت ظروف معيشية بعيدة عن بلده والمشاركة في حروب ، ومع ذلك يفضلها على القصر والخدم والحشم، ليش؟ لأنه كان حر!
وفي كثير تصريحات بيان شغف هاري للحرية ✅
وفي كثير تصريحات بيان شغف هاري للحرية ✅
- وحدة من تصريحاته كان ينتقد حالة الظهور أمام الناس بشكل لا يعكس الحالة النفسية الحقيقية للإنسان، قال من الصعب "رسم وجه شجاع بينما نعاني من أشياء مؤلمة"، هذي النقطة بالذات، تذكره بوالدته الراحلة، اللي كان وجهها يعكس الكثير من ألمها النفسي الناتج عن تحولها لشخصية عامة،
غير معاناتها ومشاكلها مع الأمير تشارلز اللي انتهت بالطلاق وباقي القصة اللي تعرفونها كلكم ،،
طبعاً يشبه هاري أمه بنفس النقطة حب الحرية والتمرد على القيود ،
طبعاً يشبه هاري أمه بنفس النقطة حب الحرية والتمرد على القيود ،
قبل اقل من أسبوعين، وصل هاري الى كندا وانضم الى زوجته هناك، واضح انهم اسعد الناس بهالقرار، بترجع ميجان تمارس هواياتها وتستعيد حياتها الاجتماعية الأولى وممكن تعود للتمثيل، وبيكون معها زوجها اللي بيواصل اهتماماته الخيرية والرياضية،
بيستلقون مادياً، وكل الخسائر اللي تربت عليهم ممكن تتعوض لأنهم الحين حصلوا على محبة اكبر من الناس اللي احترموا قرارهم وبإمكانهم يفتتحون أي مشاريع او مؤسسات يبغونها، طبعا هالشي ماكان ممكن بدون الحصول على موافقة القصر .
بالمناسبة خلوني اقولكم بعض التقاليد في العائلة الملكية البريطانية، وفقاً للي قريته في الأيام الماضية، يمنع على أعضاءها التوقيع للمعجبين او التقاط صور سيلفي، ويمنعون من انه يكون لهم حسابات شخصية على مواقع التواصل،
هذا غير اللبس اللي لازم يكون ملائم للتقاليد الملكية، ولازم مايكون هاللبس يحمل أي دلالات غامضة او ممكن الناس تفسرها غلط،(عاد تعال حلها) وطبعا اشتهرت القبعة بالنسبة للأميرات، وبالنسبة لتصميم فساتين الزفاف فهذي تحتاج موافقة شخصية من الملكة، اكتفيتوا والا اعلمكم أشياء ثانية؟
- طيب ..يقول لكم انهم لازم يجتمعون كل سبت مع الملكة لمشاهدة فيلم، وممنوعين من لعب المونوبولي لأنها ممكن تسبب مشاكل وضغينة بينهم، (هالقانون شكلي بسويه في بيتنا) ..اذا وقفت الملكة لازم كلهم يوقفون، واذا بطلت اكل ممنوع احد ياكل بعدها (يعني حاول تضبط نفسك من بدري ? )
من القوانين اللي قريتها ..يمنعون وجبات المحار والقواقع البحرية في المطبخ الملكي ..ليش ؟ لأنها من الأطعمة الأكثر عرضة لتسبيب الحساسية والتسمم الغذائي، ويمنعون أيضا دخول الثوم لقائمة الطعام ؟ ليش ؟ سبب ما تتخيلونه، يقولك لأن الملكة ما تحبه..!
المهم وزي ماقلنا هذي تقاليد وهم أحرار، مع العلم ان هالقوانين كسرت في بعض الأحيان لكن كانت حالات نادرة، ومع العلم أيضا ان هاري وميجان ماطلعوا عشانهم يحبون المونوبولي أو حابين يقلطون على محار مثلا، لكن زي ماقلنا الموضوع كان أكبر من كذا بكثير.
اللي بنقوله في نهاية هالموضوع، استمتعوا بكونكم تتصرفون وفق مسؤوليتكم الخاصة، باستقلاليتكم، انتم تملكون نعمة تعادل قصور وألقاب ووجاهة، لا تنظرون لكل غني بانه سعيد، قد تكون سعادته في تخليه عن كل هاللي تشوفونه عنده، واستمتعوا بالحب الحقيقي من أشخاص يربطون مصيرهم فيكم بشجاعة،
ابحثوا دائما عن بيئة تحترم انسانيتكم وخصوصيتكم ..العمر مرة ، عيشوها صح!
في النهاية انتصرت الحرية على المال ، والسلطة ، والجاه ??
في النهاية انتصرت الحرية على المال ، والسلطة ، والجاه ??
جاري تحميل الاقتراحات...