نبدأ سلسلة تغريدات متعلق بالعلا كيف الوصول ؟ وهل تحتاج تشتري باكج ولا لا ؟ يلا بينا ..اول شي رحنا للعلا بالسيارة مشاور ٧ ساعات من طريق المدينة ممكن توقفو بالمدينة المنورة يوم تستريحو ومنها تزورو الحرم وبعدين تكملو طريقكم حيكون جدا اريح .. وياهلا ياهلا احنا ب #العلا #شتاء_طنطورة
اول ماوصلنا رحنا نتعشا في مطعم القرية التراثية الأكل طعم والأسعار جداا مقبولة وبرضو فيه كافية وألعاب يعني منتزه مصغر ،، طبعا ماصورت الاكل لانو مو كنا ميتين جوع بس ?
بعدها رحنا لمنتجع الشلال حجزناه مسبقا عن طريق صفحتهم بالانستقرام .. المكان عبارة عن تجربة لعيش حياة المزارع بين الصخور شئ ممتع جدا واصحاب المنتجع عم ابو عادل وام عادل وبناتها موجودين بالمكان ناس لطيفة جدا❤️*تنوية موبايلي مافية شبكة ولو زيرو ..رابط المنتجع instagram.com
رحنا اليوم التاني لمنتزه العلا الشتوي الشمالي متوفر فيه مطاعم وجلسات خارجية وكشك لبيع تذاكر مدائن صالح ودادان وجبل عكمه الاسعار 170 ريال للباص والمرشد السياحي الزاميه ولكل موقع اثري 50 ريال * مايحتاج ناخذ بكج سياحي نقدر نحجز الفعاليات لحالها
بعدها رحنا جبل الفيل وسط الاسبوع يكون الدخول مجاني الويكند والخميس يكون 35 ريال فيه حوليه جلسات ومطاعم كافيهات عند بوابة الدخول ركبنا الخيول برضو مجاننا
بعدها رحنا منتزه وادي برزان الدخول 10 ريال للفرد حلو للي حاب يجلس ويتونس بالأجواء غنائية وطربية فيه مطعم يطبخ اكل العلا الشعبي ومقهى
اليوم كان اخر يوم لنا في #العلا الجميلة زرنا #مدائن_صالح مااحكيكم قد ايش كان ممتعة الزيارة شئ يأخذ العقل من استقبال لطيف ومرافق نظيفة لاماكن اثرية مبهره وماانسا اشكر مرشدتنا امل اللطيفة اللي زيادة متعة الرحلة نصيحة مني تستاهل الزيارة #شتاء_طنطورة ❤️
وأخيرا انا ممتنه لمدينة #العلا الجميلة واهلها اصحاب القلوب الطيبة من يوم وصلنا وحنا حاسين اننا وسط اهلنا ،، شكرا على التنظيم الأكثر من رائع للاماكن الأثرية ..حقيقي ماكان ودنا نمشي لكن لنا رجعه أخرى بإذن الله ❤️?
جاري تحميل الاقتراحات...