حذفت السناب قبل سنة وشهرين كان فقط عشان الاختبارات النهائية بوقتها، بعدين يوم عجبن الوضع خليته للإجازة وهكذا لين تعودت وانسبطت على الوضع، وعدم حذفي لحسابي دليل إني كنت ناوية أرجع، الغريب والعجيب شيء صار قبل كم يوم...
كانت أختي تورين (الستوري) لكم وحدة وأخذت الجوال وكملت، انصدمت وذُهلت شلون صار المحتوى اللي كنت عادي متعودة عليه قبل سنة وشهرين صار تافه وسطحي وفيه من التعلق بالماديات والاستهلاك ما الله به عليم، وشيء مهم قبل القفز لأي استنتاج...
هالحكم اللي جا ببالي مو كمال ومثالية ورجاحة عقل لا والله، فقط لأني ابتعدت (لفترة) وشفت الأمر من زواية أبعد (بشكل بسيط جدًا)، وهالشيء هذا هو السبب اللي خلان أتمسك بفكرة "الابتعاد ولو لوقت يسير"، مواقع التواصل جالسة تفتك فينا.
بالذات سناب شات، صحيح بدونه حسيت إني بعيدة عن الناس اللي أحبهم ويومياتهم إلا إني لاحظت ورثّني عدة أمور بدون أي جهد:تقدير الأشياء اللي عندك والقناعة، تحقيق سعادتك بالأشياء البسيطة، عدم النظر لما في أيدي الناس، خف عندي التعلق بالماديات والأشياء الجديدة (والهبَّات) ومحاولة المواكبة.
فيه عادة جميلة اكتسبتها بعد ماحذفته، طريقة التوثيق عندي اختلفت للأحسن -مقارنة بقبل بالنسبة لي- ، صرت أوثق لنفسي فقط، كل شيء، الحين أقارن بينها وبين صور أيام السناب، أحس فيها طابع مختلف❤️
تحديث: بسبب أيام الحجر رجّعت سناب لمدة شهرين وانطباعي بعد العودة عطلت حسابي للأبد هههههههههه
جاري تحميل الاقتراحات...