رتبها

بما ان في ناس كثير يجون الشرقيه و تحديدآ الخبر راح احط لكم ثريد افضل المطاعم و المقاهي و المجمعات اللي تكون فيها جلسات خارجيه حلوه ، و بالسناب اصور كثير المطاعم و المقاهي اللي ازورها

Mizo eatery
مطعم ايطالي في شارع الامير فيصل بن فهد ( شارع البيبسي ) بتتلذذ بكل طبق تاكل منه فعليآ

Brisket
تخصصهم اللحم اهم شي بعد ماتخلص من الاكل لازم تجرب الحلا اللي بالصور
📍الخبر - العليا

Burger site
اذا انت من اللي يحبون البرجر انصحك تجرب هالمطعم
📍الخبر - العليا

سولت البحر
المطعم معروف لاكن اللي يميز هالفرع مكانه الرائع و الفعاليات الموجوده فيه
📍كورنيش الخبر

شاهي بو سيف
ومن عادات اهل الخبر لازم ياخذون من شاهي بوسيف صاحب الروح الحلوه

Food truck area
هالمكان كان سوق الخضار من زمان وبعد ماصار مهجور استغلته بلدية الخبر بأنها تخلي اصحاب عربات الطعام يتجمعون فيه بس مو اي عربات طعام ، فيه ناس منهم ينافسون مطاعم مثل :
- ارمي برجر
- ذا اكيزت
- ذا بيك
وغيرهم كثيييير

اجدان ووك
مجمع تجاري جديد في كورنيش الخبر فيه اقوى المطاعم و المقاهي العالميه

فيلاجيو
مجمع خارجي فيه مطاعم و مقاهي حلوه كثير

Nine
واذا كنت قريب من الكورنيش لا تنسى تمرهم و تاخذ من عندهم ايس كريم

Lark
على انغام محمد عبده و انت تتقهوى لاتنسى تجرب الدونات اللي عندهم

Seven
ولا تنسى تقوم الصباح وتجهز نفسك للفطور عند سفن

Goya
الذ تشكن برجر بتذوقه عندهم ، ولا تنسى تجرب برجر الدونات

Flow pop-up
بما اننا بالشتاء و المكان مفتوح جرب تمر من عنده وتاخذ قهوه و تستمتع بالجو

سقيفة او THE SHED كوفي جديد في الخبر فكرته حلوه مره تتقهوى فيه وتلعب 🎮

قرية الدغيثر
كان ودك تتقهوى او تاكل وانت تشوف البحر ، قرية الدغيثر فيها مجموعة مطاعم تطل على البحر

ارمين
يقدم المطعم الاكلات الارمينيه ، وفوقها جوه الجميل

Organico
عرفتوا المقاهي الصغيره الموجوده بالاحياء هذا نفسها رايق بشكل كبير وهادي

Balance
جلسته الشتويه الجديده مره رايقه و حلوه وقهوته حلوه بعد

فورإقزامبل
اذا قالوا لك محل فطور يبرد الكبد و رايق هذا هو ، بتذوق احلى بيض عندهم
📍العقربيه

Tulum
مقهى و بيكري جلساته الداخليه و الخارجيه جميله مره

Cofféa
بالنسبه لي من افضل المقاهي اللي يقدم قهوه بارده وحاره ، توه فاتح في الخبر و المكان جلساته جميله

Xtra life
مكان ترفيهي جديد لألعاب الواقع الافتراضي ، روح و استمتع بالالعاب الموجوده

Milky
واحد من العربات اللي تقدم الايس كريم بطريقة جميله موجود بشارع الامير تركي بجانب نيويورك كافيه

شيكوا على مسيرة العيد بالسناب

The breakfast club
من اجمل اماكن الفطور بالخبر ، فطوره رايق لدرجة عاليه 😍

Toast & tonic
واحد من اجمل اماكن الفطور و المقاهي في الخبر موجود بقرية فلاجيو

RFLCT
مقهى هادي و جميل و يقدم اجمل انواع القهوه و ديكوره البسيط اجمل مافيه ، و ايضآ في قسم خاص للملابس بتصاميم خاصه 😍😍
الموقع : قرية فلاجيو

Crowd
مطعم قوي وجديد بالخبر مكانه بمجمع باڤيليون

Takara
مطعم ياباني رايق لأبعد درجه و لذيذ

10° Coffee House
بالنسبه لي من احلى الاماكن كان محل صغير يبيع حلا وقام يبيع الشبانيش لاتيه وانشهر جدآ في الخبر لين فتح كوفي كبير ، جربوا من عنده لاتيه التمر 😍

MELONATION - ميلونيشن
مع الحر وتبي شي يسرسح مالك الا تاخذ منهم عصير جح ، وهذا اللي خلاه ينشهر كثير عندنا ، مكانهم في منطقة تجمع الفود تركس بالعليا

Tropical cafe
هالمكان له اجواء خاصه وخاصة الاشياء اللي يقدمها من قهوه و مشروبات صيفيه

🍕 L’Antica Pizzeria da Michele
من نابولي الى عدة مدن عالميه ومن ثم الى الخبر ، مطعم ايطالي قوي جدآ والتوصيه و الترشيح كان على الترفل بيتزا و المارجريتا