كل ماحسيت انك ورثت شي زق من اهلك احمد ربك انك مو مثلي ورثت الحساسيه وربي هبال كل ماطفشت جت صفقتني بدون اي سبب
اذكر قبل سبع سنين اول مره اكتشف ان عندي حساسيه من الحنا السودا يالله ايام زق يدي انتفخت زي الصور اللي تخرع ذيك وكنت ماده دسمه بالمدرسه والاماكن العامه لمدة شهرين تقريبا لين قررت تختفي
طبعا ماختقت لان باقي اثارها بس ستل ثم بعدها بخمس سنين قررت استحضر الانثه بداخلي واصبغ شعري صبغته الليل قمت الصبح وانا ابو نوره ههه امزح استغفرالله بس قمت مافيه اي شي يدل اني ريما وجهي ماتدري هو جاي ولا رايح صدق مامزح حتى الصبغه كانت زق بني فاتح كنها لون وجهي
يعني فعلا من ابشع المشاهد اللي ممكن تشوفها بحياتك اذكر قعدت اطالع بالمرايه استوقفني وجهي مدري كم المده اللي قعدت اطالع فيها نفسي لين قاطعني اخوي وهو يضحك سيدة جزره قلت له حرك حرك بس ثم راح وجمع اهلي وكلهم اذكر كنت منسدحه على سريري وكلهم متحلقين حولي يطالعون واسمع همهمات
ثم قررو يشيلوني للمستشفى والحمدلله كنت اعتقد اني راح اقعد كذا طول عمري بس الوضع اخذ مني اسبوعين وراح الانتفاخ وكل شي رجع لوضعه السابق ثم الحين بعد سنتين رجعت المعاناه جسمي كله متنفخ من كل جهه والسبب مجهول حتى اهلي ماذبو ولاقالو شي ولادرو خلاص الموضوع صار ممل وروتيني
على طاري انا وجهي عانى بحياتي اكثر مني انا شخصيا لدرجه صرت اسال نفسي هذا متى راح يعيش عمره مسكين انا عالاقل ممكن اعيش لين تسعين بس هو بيعجز بدري متى بتهنى فيه
جاري تحميل الاقتراحات...