الميديا،و السوشيال ميديا،و الكُتب،و التاريخ ، بيصدروا في عقولنا من غير ما نحس فكرة إنك لازم تكون شخص استثنائي عظيم،و ليك إنجاز مؤثر في العالم ، لأنها ببساطة مش هتكلمك عن شخص " عادي " ، عاش حياته في سلام اشتغل وخلف ولدين وبنت، رباهم كويس وسبلهم فلوس بسيطة يبدأوا بيها حياتهم ,ثريد
هي بتكلمك عن الأشخاص الموهوبة ، العباقرة ، الأقوياء بشكل استثنائي .. دا ولّد جواك هاجس إنك لازم تكون عبقري بردو ، لازم تغير العالم و يحكي عنك ، و في نفس الوقت بتلاقي إن دا غير متماشي مع قدراتك ، و ظروفك ، بالتالي بتضايق ، أو تكتئب .. أو تبص لحياتك بسخرية إنك شخص ملكش قيمة
خاصة و أنت ف فترة العشرينات،الي مليانة شباب و طاقة،و بواقي أحلام طفولية عن الأبطال الخارقين .. بس أنا اكتشفت مؤخرًا ، إن عادي إنك تكون شخص " عادي " ،حياتك هادية و بسيطة ، طموحاتك إنك تعيش حياة كريمة و تكون أسرة سعيدة ، تشتغل شغل كويس ، تتعلم علم أنت بتحبه وتقطع فيه شوط لا بأس به
من غير يعني ما تخترع اختراع يغير البشرية .. العادي أكبر بكتير مما نتخيل ..العادي مليان عدد لا نهائي من النعم .. صحة و أهل و صحاب و أكل موجود في التلاجة ، و سقف تنام تحته..و " العادي " مش بس عظيم عشان كدا..
في مقولة لاسحاق نيوتن كان بيقول فيها أنا أقف على أكتاف العمالقة ..
في مقولة لاسحاق نيوتن كان بيقول فيها أنا أقف على أكتاف العمالقة ..
لما جيت أتأمل المقولة جيه في بالي السيناريو دا مثلا أنت ممكن تقول كلمة عابرة لشخص،توحي له بفكرة معينة،تغيرله حياته، فيغير حياة شخص تاني ، و التاني يكتب مقال ، أو كتاب , والكتاب يقرأه واحد عاشر ،هو وشوية كتب كمان ، فيكتب كتاب تاني، يقوم يجي واحد بعد ١٠٠ سنة يطلع من كل الأفكار دي
فكرة تكون بداية لإحداث تغيير عظيم بس هو حظه ، إنه جيه في الوقت المناسب بالقدرات المناسبة عشان يطلع من كم سلسلة الأفكار الي بناها مجموعة من البشر قبله ، شيء واضح يغير العالم فعلا بس الشخص الي في الأول خالص الي قال الكلمة دا ، كان شخص عادي ، عاش و مات عادي محدش عرفه
بس ساهم في تغيير العالم ..
في ناس موهوبة و عباقرة و استثنائية ، بس عملية تغيير العالم و جعله مكان أفضل ، السبب فيها هيا الحضارة البشرية كلها ، ككتلة واحدة مش مجرد شخص واحد .
يعني وجودك في حد ذاته كشخص " عادي " ليه حكمة ، و ليه تأثير ، و التأثير دا عظيم
في ناس موهوبة و عباقرة و استثنائية ، بس عملية تغيير العالم و جعله مكان أفضل ، السبب فيها هيا الحضارة البشرية كلها ، ككتلة واحدة مش مجرد شخص واحد .
يعني وجودك في حد ذاته كشخص " عادي " ليه حكمة ، و ليه تأثير ، و التأثير دا عظيم
زي الفراشة الي بتحرك جناحها في لندن ، و تعمل إعصار في أستراليا .. شبكة كبيرة ، و معقدة و كلنا لينا دور فيها .. تروس صغيرة جنب بعض ، بتحرك دبابة كبيرة ، و لو غاب ترس منهم ، هتحصل مشكلة ..
مهما كنت فاكر إنك عادي ، و أنك مجرد ترس عديم النفع ، خليك عارف إن لوجودك قيمة عظيمه
مهما كنت فاكر إنك عادي ، و أنك مجرد ترس عديم النفع ، خليك عارف إن لوجودك قيمة عظيمه
و إن الصورة الكبيرة " الي عقلك مش هيقدر يشوفها " ، أنت دورك فيها أساسي ، و لازم تعمله على أتم وجه ، عشان الرواية العظيمة الي مكتوبة من الأزل تكتمل .
جاري تحميل الاقتراحات...