اسعد الله اوقاتكم بكل خير
في نقاش عابر بين الاصدقاء، واحد منهم كان يفكر يشتري سيارة لولده، ويقارن بين السيارات، وقال إن السيارة الفلانية اعجبته لأن قسطها كذا .. ويقول فكرت بالسيارة الثانية لكن قسطها ماناسبني
في نقاش عابر بين الاصدقاء، واحد منهم كان يفكر يشتري سيارة لولده، ويقارن بين السيارات، وقال إن السيارة الفلانية اعجبته لأن قسطها كذا .. ويقول فكرت بالسيارة الثانية لكن قسطها ماناسبني
انا وقفت عند معيار المفاضلة بين الأقساط كاسلوب مقارنة بين السيارات ودخلت ضمن النقاش، وحاب اشارككم بوجهة نظري :
أولاً: لا تدخل بأي التزام تمويلي إلا وانت راسم صورة واضحة لوضعك المالي خلال مدة التمويل الجديد اللي بتاخذه، مع تقدير للظروف اللي ممكن تستجد عليك بهالفترة، مثل ايجارات، مناسبات وأعياد، حالات طوارئ، أو احتمالية تفكيرك بخطة تملك او انك تفكر بزوجة ثانية مثلاً ?
ثانياً: عند الرغبة بالتمويل فكر بنسبة الارباح أولاً .. ولا تفكر بالقسط، بمعنى لازم تعرف كم مبلغ الارباح اللي بياخذه الممول منك .. لانه بافتراض ان التمويل لسيارة، يمكن تكتشف ان قيمة الارباح عبارة عن قيمة سيارة ثانية !
لايعني ان القسط غير مهم !
لكن حجم الارباح اللي بتدفعها أهم?
لايعني ان القسط غير مهم !
لكن حجم الارباح اللي بتدفعها أهم?
ثالثا: ويفترض إن هالنقطة تجي قبل كل شي .. حاول قدر المستطاع انك ماتطلب أي تمويل لشراء سلعة إهلاكها عالي .. يعني قيمتها تنقص بسرعه، والسيارات خير مثال.
رابعاً : اذا كنت موظف فانت لست مملوك للبنك اللي راتبك محول عليه، يعني اذا بغيت تحصل على تمويل اتصل بكل جهات التمويل الي تعرفها، وعطهم وضعك المالي بشكل واضح ودقيق، يمكن تلاقي عندهم حلول تمويلية أفضل من بنكك الحالي.
وارجوك لاتتصل على الأفراد اللي يمولون سيارات نهائياً?
وارجوك لاتتصل على الأفراد اللي يمولون سيارات نهائياً?
خامساً: انتبه واحذر ثم احذر بان تاخذ قرض على قرض، ترى لذة الحصول على الكاش لحظتها قصيرة، بعدها تجيك الحسرة والندامة والتعب طوال فترة التمويل.
سادساً: لا تقبل التمويل الا بعد ماتقرأ بنود عقد التمويل بند بند وتفهمها حرف حرف، حتى وإن اضطريت تلجأ لشخص قانوني يشرح لك.
سابعاً: حاول انك ما تاخذ تمويل أصلاً، وفكر كيف تكون أنت جهة التمويل الذاتية ( ادري هذا كلام كبير ومعقد ) لكن الادخار هو الحل غالباً، إن لم يكن دائماً.
ثامناً: وبعيداً عن كل النقاط السابقة، أرجوك .. لاتستخدم بطاقة الفيزاً أبداً .. خصوصاً بعد توفر مزايا الشراء الالكتروني في بطاقات مدى حالياً.
غير هذا وش فيها بطاقات الفيزا المدفوعة مسبقاً؟
ترى تقوم بنفس الغرض.
غير هذا وش فيها بطاقات الفيزا المدفوعة مسبقاً؟
ترى تقوم بنفس الغرض.
هذا ماجاء في خاطري .. ويمكن إن لقيت قبول وتفاعل مع هالنصايح السريعة أعطيكم لاحقاً الخطوات الأولى لعملية الادخار الناجح بإذن الله.
جاري تحميل الاقتراحات...