في هدا ال #ثريد حعلمك كيف تخلّص مهامك المتعلقة عليك منذ أبد الآبدين و اللي ما عندي أي فكرة ليش حضرتك مو راضي تخلصها عشان تشتغل على حلمك...
1- جيب قلم و ورقة من دول اللي مرميين حوليك في كل البيت و المكتب...
إن شاء الله تجيب دفتر أبو 40 ورقة و وجه إيوا و وجه لا...
المهم ورق يتكتب عليه و قلم..
و أكتب كل دي المهام اللي شاغلة عقلك و آخدة حيز من حياتك و عاملة لك قلق.
إن شاء الله تجيب دفتر أبو 40 ورقة و وجه إيوا و وجه لا...
المهم ورق يتكتب عليه و قلم..
و أكتب كل دي المهام اللي شاغلة عقلك و آخدة حيز من حياتك و عاملة لك قلق.
2- طالع كدا نظرة في الليستة دي و قيّم قد إيش الحياة محتاجة منك تخلّص دي المهام؟ حتموت لو ما خلصتها؟ حيموت أحد؟ الكوكب حينتهي؟ إذا ولا وحدة معناها يمكن يمكن مو مهمة اشطبها واعتبر نفسك خلصتها. و إذا مهمّة مرة مرة مرة فحط عليها دائرة.
3- الآن المهام اللي عليها دائرة جرب تفصفصها لمهام صغيرة جدا من اللي تخلّص ب 5 و عشرة دقايق و حط لها وقت محدد زي: بكرة الصبح الساعة 9 حخلّص دا الشي و بعده دا الشي و بعده دا الشي. إلى الساعة 1 الظهر و لو جات الساعة وحدة الظهر و ما خلصت معناها ما رح تلحق تخلصها بحياتك.
4- و الآن عليك إنك تشغّل عقلك في وضعية الطيّار الآلي Auto pilot و تبدأ تنفيذ المهام دي بدون التفكير من أول وجديد و بدون الشوشرة اللي ترافق مو عارف من فين تبدأ
5- احتفل بكل مهمة أنجزتها بطريقتك اللي تحبها ... إن شاء الله حتى لو كان الاحتفال كيس شيبس أو آيس كريم من البقالة بريال. المهم احتفال.
وبس والله احتفل و تعال قلنا إنك خلصت دي المهمة عشان نحتفل معاك بإننا أنقذنا الكوكب.
وبس والله احتفل و تعال قلنا إنك خلصت دي المهمة عشان نحتفل معاك بإننا أنقذنا الكوكب.
جاري تحميل الاقتراحات...