المصريين شعب مُحب للحياه عاشق لها،الفلاحات كانوا بيلبسوا الوان زاهيه ومُفرحه والستات كانت بتحب الفساتين الملونه والشعر المعمول والشنط والجزم اللي فيها انوثه والرجاله شيك ومُهندمين وكنا لو وقف قدامنا اي موقف سئ بنغلبه بالنكته ،وبالترابط بين افراد العيله او الجيران (1)
التشويه ابتدى من ساعة ما قدروا يزرعوا فدماغنا ثقافة كره الحياه واحتقار الدنيا وشرايط بتتكلم عن الثعبان الاقرع والتعذيب اللي مستنيك اول ما تدخل القبر وتشويه كل الجمال من فن(رسم نحت تمثيل غناء…)واعتباره من الكبائر وشويه بشويه ابتدي الكلام عن المرأه (2)
الاول لازم الحجاب وبعدين ده مش حجاب لازم خمار وبعدين الخمار مش كفايه لازم نقاب وصولا الى مينفعش الست تخرج من بيتها وبعد ما كان اهالينا متعلمين وبيشتغلوا بقت الموضه ممكن نتعلم بضوابط بس الشغل حرام طالما الست مش محتاجه وحتى لو محتاجه ومن يتق الله يجعل له مخرجا كأن الشغل معصيه (3)
طبعا ده مكانش كفايه بردو ابتدوا يمسكوا دماغ الراجل انت هتتحاسب على مراتك وبنتك ولو منقبتهمش بالعافيه هتبقى ديوث،راجعوا بقى شرايط كشك من اول ما ابتدي يسفه من الفن والفناين ويشوههم لغايه ما وصل للراجل الديوث(4)
بقينا نلاقي واحده منتقبه ومبتصليش وواحد مُلتحي وبيسرق ويزني ويقتل وابتدت الاخلاق تختفي تدريجيا ويحل محلها الشكل المتدين ومكتفوش بكده ابتدوا يموتوا ضماير الناس وعقولهم ويحسسوهم انهم مبيفهموش ولازم يلجأولهم عشان ميروحوش النار (5)
وظهرت قواعد جديده مُعقده للدين بدءا من الوضوء طريقه الركوع والسجود والاذكار اليوميه اللي بقت جزأ من الدين مش ممكن تلغيه ومتبقاش مؤمن لو سبتهم،ومن هنا ابتدت الاسئله اللي احنا بنستغرب ازاي انسان عاقل يسألها(6)
النتيجه الكارثيه محو هوية المجتمع ومحو ضميره وعقله وبالتالي مسح الاخلاق وظهور مسميات للرشوه والسرقه والزنا والقتل وايجاد مبررات لها والذروه كانت في البذاءه اللي دللوا على ان الرسول ص كان بيشتم باحاديث مكذوبه (7)
اما حكموا والناس ابتدت تشوف التناقض وابتدوا يفكروا ظهر الوجه الاخر ،وجه في منتهى الشراسه واي حد يجرؤ يفتح بقه ينهشوه زي الكلاب السعرانه ويشتموه باقذع الالفاظ عشان يبقى عبره ومحدش يتجرأ ويعمل زيه(8)
الرهان عالوعي اللي في محاولات وان كانت على استحياء لعودته وعودة الضمير والاخلاق
يارب نعيش ونشوف اليوم اللي المصريين يرجعوا زي ما كانوا(تمت)
يارب نعيش ونشوف اليوم اللي المصريين يرجعوا زي ما كانوا(تمت)
جاري تحميل الاقتراحات...