في الثريد دي هنتكلم "بشكل عام" عن عبور مشتري #الجدي علي البيوت المختلفة في خريطة الميلاد. كل اللي محتاج تعمله انك تشوف برج الجدي بيحكم اي بيت في خريطتك. طبعاً اللي مش عارف وقت ميلاده/طالعه للأسف الثريد دي مش هتفيده. وافتكروا يا جماعة ان تأثير العبور معتمد علي وضع الخريطة كلها!
عبور مشتري الجدي علي بيت ١: خلال المرحلة دي طموحك هيزيد وتأثيرك هيصعب مقاومته. اي مشروع، فكرة او هدف لو هتشتغل عليه كويس هتكسر الدنيا وخد بالك المشتري في برج ترابي يعني اي نجاح تعمله خلال الوقت ده هيعيش لمليون سنة قادمة. ناس كتير هتدعمك وسهل تحقق انجازات شخصية ومهنية.
عبور مشتري الجدي علي البيت ٢: خلال المرحلة دي هتسعي لعلاقات ووظائف مستقرة اكتر. دي الفترة اللي هتجيلك فرص تقدر من خلالها تأمن مستقبلك. سهل تلاقي حالك بتستثمر فلوسك ومجهودك بجدية اكبر ولذلك توقع تطور في وضعك المادي. ثقتك في نفسك هتزيد وهتجذب اشخاص جداً عملية ومخلصة خلال الوقت ده.
عبور مشتري الجدي علي البيت ٣: مرحلة انت هتشتغل فيها علي حياتك الاجتماعية و مهاراتك بشكل كبير. زيادة عدد الاصدقاء والمتابعين خاصةً علي الانترنت. امكانية السفر والانشغال بحياتك اليومية كبيرة. وسهل خلال المرحلة دي تنهي علاقات سطحية كتير، تغير افكارك، تتعرف علي اشخاص انضج وهكذا.
عبور مشتري الجدي علي البيت ٤: العبور ده هيختبرك علي المستوي الشخصي، هيساعدك تقف وتراجع كل شئ في حياتك متعلق بأهلك، سعادتك، ماضيك. سهل ان حياتك كلها تتغير خلال الفترة دي وتلاقي نفسك في بيت جديد، شغل مختلف، بلد غريبة وتلاقي ان حياتك بتكبر وانت مجبر تبذل مجهود وتكبر معاها.
عبور مشتري الجدي علي البيت ٥: دلالة علي زيادة شعبيتك خلال الوقت ده وقدرتك علي التنافس والابداع هتزيد وبما ان المشتري في الجدي فسهل تلاقي نفسك بتنجذب للاشخاص الصعبة والمعقدة، سهل تلاقي نفسك في علاقة تبدو متعبة بس مثيرة للاهتمام مع سهولة حصولك علي فرص للعمل في المجالات اللي بتحبها.
عبور مشتري الجدي علي البيت ٦: امكانية ترك وظيفة قديمة او التخلص من وضع، علاقة ونمط قديم جداً ممكنة خلال الوقت ده. امكانية الحصول علي فرص مهنية جديدة او بدء بيزنس جديد كمان ممكن. دي مرحلة فيها تغيرات جذرية ومهمة في حياتك ومن وجهة نظري مشتري الجدي هيدعم البيت ٦ وانشطته بشكل رائع.
عبور مشتري الجدي علي البيت ٧: خلال الوقت ده سهل تحصل علي فرص للزواج والارتباط وتجذب اشخاص جدية ولكن في الاغلب ممكن تلاقي نفسك منجذب جداً لشغلك او حريتك. سهل تلاقي نفسك مشغول بحاجة بشكل هوسي لدرجة ان تركيزك علي نفسك يبدأ يقل. سهل التزاماتك تزيد وتلاقي ناس كتير متعشمة فيك بزيادة.
عبور مشتري الجدي علي البيت ٨: يا الله العبور ده هيكون جنوني 😁 المشتري هنا هيدفعك لأتخاذ قرارات متطرفة وحادة فسهل كل شوية تلاقي انك بتعرض حالك للخطر، للمجازفة وخاصةً علي الصعيد المادي بس كمان توقع انك تبدأ تاخد "امور غريبة وجنونية" بشكل جدي للغاية ولذلك عيش التجربة وانت وحظك.
عبور مشتري الجدي علي البيت ٩: خلال العبور ده فيك تحول هواية عندك لمهنة وتكسب منها فلوس، شهرة او حتي خبرة. دي فترة هتحقق فيها احلام قديمة مفيش حاجة هتقلل من تركيزك خاصةً لو انت بتدرس، بتتخرج، عايز تكمل تعليم او تنمي هواية عندك. أوووه perfecto 😘
عبور مشتري الجدي علي البيت ١٠: العبور ده هيساعدك تحقق كتير سواء علي المستوي الشخصي او المهني علي حسب وضعك. وهتتاخد بشكل اكثر جدية واخيراً مجهودك هيظهر للنور. سهل تتقدم بشكل ملحوظ وبناءً عليه تبقي حابب تتشاف اكتر، تتواصل بشكل افضل مع الآخرين ففي نوع من النجومية والنجاح كده.
عبور مشتري الجدي علي البيت ١١: في فرصة هنا لتكوين علاقات وصداقات جدية وناجحة جداً علي المدي البعيد. فسهل تقابل شخص ويتحول لصديق العمر او تقابل شخص ويتحول لحب حياتك لأن تجاربك العاطفية والاجتماعية هتواجه تغيرات كبيرة خلال الوقت ده. مع امكانية الحصول علي مبالغ مادية كبيرة.
عبور مشتري الجدي علي البيت ١٢: اللي منكم بيسعي للسفر، الهجرة، الدراسة في الخارج عادةً العبور ده بيدعمه جداً. امكانية انك تجرب امور لأول مرة وتمر بتجارب روحانية او غريبة بتزيد جداً خلال الوقت ده. وتوقع خلال العبور ده ان تمر عليك اشخاص او تخوض تجارب تغير حياتك للأبد.
كالعادة مفيش بطل لحكايتك غيرك وخريطتك ليها الكلمة الأخيرة :) الثريد عامة ولذلك تجربة كل شخص هتكون مختلفة فرجاءً اتعاملوا مع الثريد دي بشوية مرونة.
و في النهاية اتمني للجميع يوم مبهج، مشرق وجميل 🌟🌻☀💛
و في النهاية اتمني للجميع يوم مبهج، مشرق وجميل 🌟🌻☀💛
🕊 الحظ عمره ما كان متعلق بأوقات محددة ولا لأشخاص معينة. اللي بيتعامل مع الحياة ببخل عمرها ما هتبقي كريمة معاه لأن الكون مليان سعادة وحب وخير يكفي الجميع 🌌
افتكر انك اجمل واقوي واذكي مما تصور..
🦄 بحبكم أبطالي 💜
افتكر انك اجمل واقوي واذكي مما تصور..
🦄 بحبكم أبطالي 💜
جاري تحميل الاقتراحات...