ألاحظ البنات من كثر ماصار التجمّل والتجميل هوس عندهم صارو يغفلون عن الحكم الشرعي لكثيررررر أشياء ، الاهتمام حب التجمّل والزينة فطري عند كل أنثى بس لاتغفلين قبل كل شي تسوينه تفكرين بينك وبين نفسك هل هذا مباح ؟ وتسألين وتبحثين عن الحكم
يعني أوقات تطلع لي سنابات مشهورات ترند أفتحها تصير تتكلم عن شي أصلاً حرام مايجوز والبنات أكيد يتأثرون وفيهم الكبيرة والصغيرة والعامية والجاهلة بحكمه ، باختصار في هذا الزمن شيوع شي معيّن لا يعني إنه صار حلال ومباح ?
فيه تقنية انتشرت مرة وانا من الناس اللي مرررره أعجبتني و رحت لحساب البنت بحجز موعد متحمسة ، لقيت البنت حاطه بوست مكتوب الحكم الشرعي و جايبة مفتي شكله غررررريب ماقد مر علي وكلامه غريب كذا ماارتاح قلبي قلت والله شكل السالفه فيها إن? طبعاً تعرفون الشيطان حريص ولآخر لحظه يقولي سويها
رحت بحثت بقوقل لقيت المفتين محرمينه حتى فيه مفتي كثيررررر متساهل بأحكام وماآخذ بفتواه ومع ذلك محرمها ، طبعاً الشيطان مازال مصر براسي ويقول لي ياشيخه ذولي رجال اصلا وش عرفهم بهالتقنية يمكن مافهموا طريقتها زين? وأروح واسئل مفتية امرأة وأرسلت لها تسجيل صوت شرح للتقنية بالضبط
قالت حرام ، والشيطان يستقعد طيب اسأليها ليه حرام ؟ واسألها ثم تقول لي الأسباب وتشرح لي الأدله .. هنا قلت خلاص يارب أنا سلّمت ? لذلك جا ببالي أنبهكم بنات وأنبه نفسي والله ، استفتوا واسألوا والشي اللي فيه شبهة ان تركتيه محتسبة إنه لوجه الله ربي بيعوضك بأزين منه بتصيرين ماتحتاجينه
مايسوى والله أعمارنا قصيرة والاستمتاع اللحظي المؤقت اللي بتحسين فيه لما تسوين هالشي اللي ممكن يكون حرام مايستاهل تاخذين عليه إثم أو ينزلك من منزلة لمنزلة في الجنة أو يحول بيننا وبين الجنة الله لايحرمنا دخولها يارب
جاري تحميل الاقتراحات...