ثريد من كتاب Atomic Habits عن تكوين العادات الكويسة في حياتنا.. واحدة من الشروط اللازمة عشان نقدر نكون عادة كويسة انه الحاجة دي تكون ساهلة.. لي قدام حاتكلم عن باقي الشروط ان شاء الله..
الطاقة دي غالية علينا ومخنا مبرمج اوتوماتيكياً انه يحاول يوفر الطاقة على قدر المستطاع.. من عادتنا ومن ثوابت الدنيا انه نمشي في الطريق الفيهو اقل مقاومة ودي قاعدة فيزيائية معروفة.. عشان كدا احنا كبشر حنميل للحاجات الساهلة المافيها مقاومة..
وكل ما كانت العادة العايزينها بتحتاج مجهود اقل، كل ما زادت فرصنا في إننا نكونها.. عشان كدا لمن تجي تحدد وين حتعمل العادة الجديدة، حاول تعملها في مكان already في طريقك البتمارس فيهو روتينك اليومي.. العادات بتكون ساهل انها تتبني لما نقدر ندخلها في حياتنا اليومية..
مثلاً لو عايزين نمشي الجيم، والجيم كان في الطريق بين البيت والشغل، اذا لمن نقيف مافي مجهود زيادة وحنلتزم اكتر، ما زي لما يكون الجيم في مكان بعيد وانت كدا حتاخد مشوار برة طريقك والحاجة دي ممكن تكسلك من الموضوع عشان "ما في سكتك"
في السبعينات الشركات اليابانية عملو حاجة اسمها lean production وبقو بفتشو للعوائق القدام العمال أو المجهودات ويزيلوها لي درجة انه العامل تكون العدة مختوتة قدامه بي طريقة ما يحتاج يقبل ولا يلف عشان يشيلها.. والنتيجة انه المنتجات اليابانية كان لا يعلى عليها والكفاءة كانت اعلى عندهم
الحاجة دي اسمها
Addition by substraction او الزيادة بالتنقيص، كل ما نقصنا المجهود المطلوب كل ما زاد المنتج العايزينه.. ونفس الشي في حياتنا لمن نشيل المجهود من الحاجات العايزين نعملها حنلقى روحنا بنعمل حاجات أكتر..
Addition by substraction او الزيادة بالتنقيص، كل ما نقصنا المجهود المطلوب كل ما زاد المنتج العايزينه.. ونفس الشي في حياتنا لمن نشيل المجهود من الحاجات العايزين نعملها حنلقى روحنا بنعمل حاجات أكتر..
عشان كدا توجه الشركات كلها الآن انه يقدمو لينا نفس المنتجات لكن بدون تعب، السوبرماركت بقى تطبيق، الاكل تطلب بي تطبيق بدل ما تمشي الخ.. البزنس بقى رحلة لا تنتهي من أجل تقديم نفس المنتج بأسهل طريقة!
فالفكرة الأساسية اننا نكون بيئة عمل الحاجات الصح فيها اسهل ما يكون.. كيف طيب؟؟
لو عايز تعمل فطور صحي كل يوم الصباح، من بليل جهز الطوة والزيت وخت الصحن والملعقة وجهز اي شي من بليل، حتصحى الصباح حتتشجع لانو كل شي جاهز وما حيكون في مجهود كبير..
لو عايز تعمل فطور صحي كل يوم الصباح، من بليل جهز الطوة والزيت وخت الصحن والملعقة وجهز اي شي من بليل، حتصحى الصباح حتتشجع لانو كل شي جاهز وما حيكون في مجهود كبير..
عايز ترسم أكتر؟ ختى اقلامك وفرشة ودفاترك في المكتب جنبك ومفتوحين بحيث انك ما تحتاج تفتش اي شي ولا تعمل اي شي زيادة عشان تبدا.. مجرد انك تقعد..
عايز تمشي الجيم؟؟ جهز شنطتك وجزمتك ولبسك وعلبة الموية وختهم في طرف السرير من بدري..
عايز تاكل اكل صحي؟ قطع ليك كمية بتاعت سلطة وفواكه وختها في علب جاهزة في التلاجة ولمن تجي مارق ولا اي وقت شيل ليك علبة جاااهزة بس افتح خشمك ولوك.
عايز تاكل اكل صحي؟ قطع ليك كمية بتاعت سلطة وفواكه وختها في علب جاهزة في التلاجة ولمن تجي مارق ولا اي وقت شيل ليك علبة جاااهزة بس افتح خشمك ولوك.
وبي نفس المبدأ ممكن نستفيد من عكس الحاجة دي للعادات السيئة.. لو مثلاً بنتفرج تلفزيون كتير، افصل الاسلاك بتاعت التلفزيون وخت الريموت في حتة بعيدة بحيث لمن تهف ليك تكسل تمشي تعمل دا كلو وتكسر حنك..
لو مشكلتك تلفونك مثلا لمن تنوم خليو تحت ولا خلي زول يدسو منك بحيث انك تقدر تقرا مثلا، وتكسل انك تفتشو لانو ما فيك حيل وكدا يعني افتكر فهمتو القصة..
وحتكتشفو انه أقل مجهود ممكن يخلينا نكسر حنك العادات السيئة...
والسلام عليكم ورحمة الله تعالى وبركاته..
وحتكتشفو انه أقل مجهود ممكن يخلينا نكسر حنك العادات السيئة...
والسلام عليكم ورحمة الله تعالى وبركاته..
@Rattibha رتب
rattibha.com
هنا حتلقو الثريد كلو بي طريقة ساهلة للقراءة عشان ما تكسلو.. اها بنطبق ليكم في النظريات عشان تستفيدوا اهوووو!! عدانا العيب افتكر?
هنا حتلقو الثريد كلو بي طريقة ساهلة للقراءة عشان ما تكسلو.. اها بنطبق ليكم في النظريات عشان تستفيدوا اهوووو!! عدانا العيب افتكر?
جاري تحميل الاقتراحات...