اول ما اشتغلت فى صيدلية سنة 2000 كان بمعدل مرة كل ساعة لازم يدخل شاب يسألة عن كورس الديكا الهرمى ( ده هرمون تيستوستيرون مخلق بيستخدموه فى الجيم) و ازاى يبدأ بحقنة و يوصل 5 اسبوعيا و يرجع تانى و ان (الكوتش) فى الجيم بيبيع لهم الديكا و الأنابول بس هو عاوز يستفسر 1
اشرحله بالتفصيل مشكلة الهرمون ال exogenous او الخارجى على احداث خلل فى افراز الهرمون العادى فى الجسم يتخض . و المشكلة فيه اللى كان بيتخض ويروح للكوتش و يكمل و يرجع شعره واقع وحالته منيلة و يبدأ يدور بعدها على دكتور . فى فترة انتشرت مصيبة العن و اضل و هو (هرمون النمو) 2
و ده كان مفروض لعلاج التقزم فى بعض الحالات او تباطؤ النمو العظمى . و الشخص الطبيعى لو بياخده ممكن يعمل له مضاعفات خطيرة او يجيب له اكروميجالى او تعملق فى اطرافه او تشوه خصوصا لو شاب صغير .ساعتها الجينوتروبين مكانش اتسجل فى مصر و كانت تجارة رهيبة للتهريب و خصوصاً من بعض الطيارين2
و المضيفين . المشكلة ان كل الهرمونات دى بتنتج طبيعى فى الجسم بتوازن مبدع دقيق و الهرمونات المخلقة لبعض حالات الخلل الهرمونى . فلما تكون شخص سليم و تاخدها و جسمك معادلاته مضبوطة بتضرب التوازن الربانى ده . ممكن يحصل عقم او اضرار رهيبة لا يمكن علاجها خصوصاً لو بغشم و جهل و طمع 3
الخلاصة خللوا بالكم من عيالكم . انه رايح جاى على الجيم مش معناه انه حاجة كويسة فى حد ذاتها و بيطلع طاقته كشاب .لو بيتدرب و بيلعب رياضة معينة يكون افضل و لازم تتابع هو بياخد ايه وتسأل على الحاجة دى و حتى مكملات البروتين تبقى بحساب لانها حمل على الكبد.والعيال ساعات بتخبى على أهلها4
عشان الكوتش بتاع الجيم اللى فى الغالب راجل جاهل و طماع و تاجر شنطة بيخوفهم لو أهلهم عرفوا و بيحط قدامهم حلم دايماً بالشكل و العضلات المنفوخة - اللى بتبقى منفوخة على الفاضى حرفياً - و الشكل اللى بيشوفوا فى السينما . الرياضة يا جماعة هى اكل صحى و ممارسة علمية معقولم مش انتحار 5
جاري تحميل الاقتراحات...