#رابطة_المتكممين
#فضفضة_المتكممين
اليوم أكملت سنتين #تكميم عمري ماأحتفلت بعيد ميلادي الحقيقي لكن هذي السنة الثانية اللي أحتفل فيها بميلادي التكميمي لإنه حرفياً أجمل ميلاد كسبت فيه صحتي وعافيتي ورشاقتي ونفسيتي وثقتي بنفسي سنتين مرت بتعبها وهمها وجمالها مريت فيها بكل أنواع التعب
#فضفضة_المتكممين
اليوم أكملت سنتين #تكميم عمري ماأحتفلت بعيد ميلادي الحقيقي لكن هذي السنة الثانية اللي أحتفل فيها بميلادي التكميمي لإنه حرفياً أجمل ميلاد كسبت فيه صحتي وعافيتي ورشاقتي ونفسيتي وثقتي بنفسي سنتين مرت بتعبها وهمها وجمالها مريت فيها بكل أنواع التعب
النفسي والجسدي ماكانت سهلة أبد لكن كنت أحاول أستمتع بكل مرحلة وفعلاً أول أسبوع كانت مثل الكابوس روتين جديد حرمان من الأكل تعب جسدي دموع نفسية كنت أكلم الاخصائية تقولي نورة امشي تبين تتعافين امشي اقولها نفسيتي مو تمام تقول امشي وتتعافين استجمعت نفسي ومااستسلمت للانعزال وفعلاً مشيت
المشي كان سحر طلعني من التعب الجسدي والنفسي ومن هنا أنصحكم فيه سحر على الجسد والنفسية والنزول أمشوا ي جماعة مر أول اسبوع قررت اسوي جدول اجهز وجباتي ورياضتي عشان ماأنحاس واخبص وفعلاً جهزت قائمة وحددت مدة المشي ولما اختم اليوم احط صح جنب اللي نفذته وكان عندي طاقة جممميلة
ولما دخلت الأكل العادي دخلت في وسواس الخوف اني اذا اكلت ماانحف واذا اكلت بيزيد وزني وكنت اخاف من الأكل خوف حقيقي صرت موسوسة وكنت لو أكل بيضة اقوم امشي عشان احرقها فقلت لا عاد !! معقوله بجلس كذا يعني لا وانا دبه مرتاحه ولا وانا في طريق الرشاقة مرتاحه فقررت اكلم كذا اخصائي تغذية
كلهم أجمعوا انه التغذية مهمه ولازم وجبات متعددة وراح ينزل وزنك اكثر تطمني فعشان اقنع نفسي لازم اجرب وكسرت خوفي وجربت وفعلاً نظمت وجباتي وصرت اكل ٦ وجبات واشوف الملابس تتوسع علي مع الوقت هالشيء خلاني ارتاح نفسياً واستمر واعطاني طاقة غريبة وصرت اعرف ان الموضوع نمط صحي فقط
وجاني وسواس ثاني إني مابنحف ولابنزل صرت يومياً اوقف قدام المراية واجلس اشيك نحفت او لا طبعاً اللي يشوفوني دايم يقولون ماش مانزلتي فطنشت كلامهم لان اشوف الملابس صارت خيام علي لكن استمر وسواس اخاف ماانحف ومابنحف وبعد تجاهلته وماخليته يسيطر علي ابد ابد ابد واستمريت في اهدافي
وبعدها عشان استمر اول قرار ميزان لا ثم لا ثم لا لان ايام الدايت كان يحبطني ويخليني اخبص واتوتر واقول طالما مانزلت ليه استمر !! وفعلاً ثمان شهور ونص بدون ميزان بس ملابس ضيقة وملابس اختي اللي وزنها خمسين وكنت بعد كل انجاز ونزول ارقص فرح ونفسيتي تكون افضل وافضل
تساقط الشعر كان مأزمني لكن الاخصائية قالت انسيه وخليك بهدفك اللي هو النزول وخليك عالفيتامينات والتغذية سنة كامله وراح تشكريني وفعلاً سنة كاملة والحمدلله رجع زي اول واحسن تغذية فيتامينات لاتهملونها ابد وبعدها مشكلة القولون تعبني بعد التكميم صرت أكره الأكل بسببه لكن الحمدلله راح
كنت أستمتع بكل وجبة اسويها جديدة وكل لبس يتوسع وكل إنجاز اشوفه علي ماتذمرت ابد ولا دخلني الإحباط لإن كنت اشوف تغيير فيني رهيب وجميل جلست افكر وعرفت ان الموضوع بسيط جداً كنت اتلذذ بالفواكة والسلطات عكس اول تخرب مااكلها حسيت براحة بجسمي وخفة وبشرتي تحسنت عن أول قومتي نومتي
فرحتي بالمثالي من كثر ماهي لذيذة وشعور الإنجاز والإنتصار كنت أدعي ربي قبل اطلع عالميزان اكون اقلها وصلت ٧٠ كيلو رقم ماشفتة من سنوات لما شفته ٥٧ المثالي صرخت كأني طفلة عمرها خمس سنوات مو وحده عمرها ٣٦ سنة وقتها كبرت سنة الحين صراخ بدموع بفرح حتى عيالي حضنهم لي وقتها ماأنساه بحياتي
وبعد المثالي خلاص عرفت ان الموضوع مايتطلب جهد خارق فقط مجاهدة نفس وتوازن تعلمت مااحرم نفسي وماأوقف رياضة صرت أعطي نفسي رغبتها تشوكلت مطعم الا مقالي وغازيات وشبسات اللي مليانه دهون مجرد بدائل مناسبة تخليني استمر سنوات بدون تجويع وحرمان من ملذات الاكل وبعدها انفرط وارجع بشراهه
وفعلاً لليوم من فضل ربي محافظة على وزني ومن تغريداتي تعرفون اني مو حارمة نفسي لكن كممت عقلي فقط فاأوصيكم التكميم مو تجويع ولاحرمان خلوكم اذكياء تبون رشاقة طول العمر أو رشاقة مؤقته ، حددوا اهدافكم وامشوا عليها خبصتوا ؟ عادي لاتعاقبون انفسكم تمارين واحذفوا وجبة او سناك وثاني يوم
قللوا السعرات عندكم جمعة مع اهلكم اطلعوا وكلوا المناسب لكم لكن بدون اسراف خاطركم باأكله مليانه سعرات عادي خذوها مره كل أسبوعين لكن احذفوا وجبة وسناكين باليوم عشان تكون ضمن احتياجكم ومايصير لكم ارتداد بالوزن وحتى لو زدتوا كيلو اثنين ثلاثه سهلة نزلوها مباشرة لاتضيقون صدوركم
أسفة أبثرتكم لكن هي تجربة جميلة ولذيذة وأتمنى الكل يعيشها وختاماً أقولكم ( الوصول للمثالي هو البداية لاتخلونه النهاية) ( التسويف السوس اللي ينخر بعظم التغيير انتبهوا منه ) (أجسادكم بيت العمر أحسنوا بنائها ) (الإحباط عدو الإنجاز تجاهلوه) وأتمنى لكم حياة جميلة باأجمل صحة ورشاقة.❤️
وطبعاً أشكر زوجي وحبيبي وتاج رأسي ودعوة أمي لي في ليلة القدر❤️❤️ من كل قلبي وقف معي وساندني وتحملني إلى زوج كل متكممة أو زوجة متكمم أو أهل كل متكمم كونوا سند لهم يحتاجونك جداً وقوفكم معهم يفرق حيل معهم .❤️
@jadaya00 حبيبة قلبي والله انتي يارب تجربتي البسيطة تكوون حافز ومفيدة لكم بطريقكم للانجازات ❤️❤️
@18_apriil وانتي بخيرررررر ي روحي انتي وعروستنا الجمميلة ❤️اللهم امين ويرضى عليك وعنك ويكتب لك انجازات افراح تتوالى فديتك على كلامك الجمميل ي جميلة القلب🥺❤️❤️
إلى من تشاركت معه شعور السُكنى والأمان وعرفته سبيلاً ألوذ إليه.إلى الذي أتخاصم معه الآن وأقوى بهِ غدًا.إلى الذي علمني كثيرًا وأضاء أركان روحي المنطفئة.إلى الذي رافقني عمراً من الجراح وعالج يأسي.إلى الذي أركن إليه سريعًا واثقًة مطمئنة كل عام وأنتَ صديقي وزوجي❤️ الذي يتجدد عهده.❤️
@IsR8m حبيبتي انتي اللهم امين واياك يارب❤️❤️❤️
نسيت أتكلم عن شي حصل لي بعد التكميم من باب ذكر السلبيات والإيجابيات معاناتي مع النوم من سويت العملية لليوم نومي سيء حرفياً اذا نمت ساعتين متواصله كذا أحس نمت مره كويس وانبسط قبل التكميم الساعتين كانت قيلولة بس وحتى هالساعتين للأسف ماتكون نوم عميق لا احس عقلي شغال واحلام يومياً
ويارب يتعدل هالشيء لانه متعب💔 والإيجابية بسالفة النوم بعد التكميم هو الراحة بالنومة جسدياً وتنفس أول أعاني اذا بقوم وبنسدح وأتنفس بصعوبة وكتمة وقت النوم وألف طريقة أغيرها وألف مخدة عشان احاول ارتاح الحين ربي له الحمد خفة وراحة وتنفس براحة❤️❤️
جاري تحميل الاقتراحات...