خلونا من نبدأ ان شركة #ابل وصلت مرحلة نضج ميب صاحية في هذا الجانب فعندك تطبيق الصحة، الرياضة، الاكتيفيتي وهكذا .. التطبيقات الاخرى اللي بالصورة استخدمها استخدامات اخرى ..
تطبيق دقات القلب مختلف عن الموجود افتراضياً بساعة #ابل وفيه تفاصيل اكثر ويسويلك اشعار لحظة انخفاض او زيادة دقات قلبك لدرجة صرت اعرف هل بيجيني هبوط في الضغط ؟! هل انا مغبون ان لا وهكذا وصرت اسيطر عليها ..
تطبيق تتبع تحركاتي، هنا تقيس انت وين تجلس اكثر شي ؟! كم تجلس بالبيت ؟! كم اشتغل ؟! كم تجلس وانت في السيارة ؟! الزبدة تعرف وش جالس تسوي في يومياتك ومنها تربطها بالانتاجية وفي تقرير يومي واسبوعي وشهري علماً انه مرتبط بتطبيق الصحة وياخذ بعض البيانات منه ..
استخدم تطبيق الرياضة الموجود بساعة #ابل وفيه كل انواع الرياضيات حتى تقدر تخصصها ودقيق جداً ومرتبط بتطبيق الصحة والاكتيفتي في الوقت نفسه وامشي نصف مستطيل بالحديقة واهرول سريع نصف مستطيل لمدة 30 دقيقة ..
تطبيق الكارديو مرتبط بالكليندر واللي اسويه تمرين بطن 14 دقيقة يوم وتمرين نوع اخر يوم من الاحد ا الخميس بالمنزل وبدون نادي ولا قلق لدرجة ان جسمي اصبح منحوت ( لان طلعت لي كرشه صغيره وجوانب ) قبل رمضان ونزل 6 كيلو في شهر ..
تمرين حديد مشكل دنابل لمدة من 30 دقيقة الى 45 دقيقة لكامل الجسم ولله الحمد تقسم جسمي والتمرين اللي اطبقه اللي موجود بالرابط كنت اسويها كاملة ثم احترت بضعها لاني اغطيها بالكارديو .. youtu.be
صراحة اتبعت مليون نظام غذائي اكتشفت ان الافضل اكل اي شي بس ثلث الكمية ومااحرم نفسي لو اني مشتهي شي اكل واضرب ضرب بس دايم الميزان وروتيني الرياضي من الاحد للخميس يذكرني وضميري يقول بلا استهبال ولا تفلها ..
سابقاً كنت اشترك بالنوادي وحدي اسبوع او اسبوعين وامل واتركها وهذا يندرج للغذاء والنوم ..الخ واكتشفت السبب ( مني ) مسوي مثالي لين قررت اسوي كل هذا بالبيت ( بالمعقول ) وخليته روتين ( غير ملزم ) لكن ساعة #ابل هي اللي دايم تشجعني وتذكرني ليييييه ؟!
فيه تطبيق لنظام التنفس، هذا لحاله احلى تذكير واحلى روقان ( علماً اني منيب ملتزم فيه ) لكن ينشب لي، حتك للنساء مع التحديث الجديد في تطبيق لمابعة الدورة الشهرية وهكذا ..
النتيجة : افكر افضل واتخذ قرارات بالغالب صحيحة، طردت الطاقة السلبية فبالتالي ماصرت اعصب كثير ولا اتوتر ودقات قلبي بالغالب منتظمة، ماحسيت اني ساحب على الجانب الرياضي والصحي ولا خليته يسيطر علي حتى مرحلة الملل، وبالمقابل ماله وقت روتيني حسب فضوتي من الاحد للخميس، اتمنى افدتكم. ❤️❤️
جاري تحميل الاقتراحات...