ثريد: اقتران زهرة العبور بزهرة خريطة الميلاد … #أبراج #خرائط_فلكية
دايماً في سؤال بيخطر في بالنا جميعاً وبيتسأل من الجميع لما بنزل التوقعات الفلكية لكل شهر وهو: " ايه اللي هيحصل لما الزهرة تكون في نفس برج زهرتي او هتقترن بزهرتي؟"
من خلال الثريد دي هنعرف تأثير وجود زهرة العبور في نفس برج زهرة خريطة ميلادك ♀
من خلال الثريد دي هنعرف تأثير وجود زهرة العبور في نفس برج زهرة خريطة ميلادك ♀
١. الفترة اللي زهرة العبور بتكون فيها في نفس برج زهرة خريطة ميلادك هي فترة مبهجة الي حد ما او علي الاقل شخصيتك هتكون مسالمة وهادية ومش هتلاقي فيها مشاكل كتير. عادةً ده وقت مناسب انك تدلع حالك يعني تاخد اجازة، تخرج، تنام كويس، تتفرج علي فيلم بتحبه وانت كيفك بقي.
٢. لما زهرة العبور بتقترن بزهرة الميلاد طاقة الزهرة بتقوي كأنها واخدة فيتامين بالظبط وبالتالي هتبدأ انت تتأثر فطبيعي خلال الفترة دي تحلو او تتشاف احلي حتي لو مفيش فسفوسة واحدة فيك اتغيرت بس جاذبيتك عادةً بتزيد خلال الوقت ده ولذلك اتصور علي قد ما تقدر واخرج وانطلق لأنك هتطلع قمر😉
٣. في ناس متخيلة ان خلال الوقت ده ممكن ترتبط او تتزوج او يظهر شخص جديد في حياتك وده بشكل نظري صح ولكن عملياً الوضع مختلف او ناس كتير مش بيحصلها كده علي ارض الواقع وده لأنك لازم تتعمق في خريطة الشخص ولازم تشوف وضع زهرة العبور وزهرة الشخص ذات نفسهم. يعني طبيعة الاتصالات والبرج والخ
٤. لو انت علاقاتك متوترة بالفعل وحصل وزهرة العبور دخلت برج زهرة خريطة ميلادك فتوقع ان الامور تتحسن، لو وضعك المادي مش ايجابي للغاية توقع انه يتحسن. لو بتفكر ترجع تكلم شخص معين او توضح سوء تفاهم ومش عارف امتي فده وقت مثالي لأن الزهرة ساعتها بتدعمك.
٥. خلال الوقت ده لا تتوقع ان المعجزة تحصل لوحدها وان السما تمطر عليك فلوس وحب 😁 هي ببساطة فترة ايجابية تقدر تستغلها لمصلحتك لأن جاذبيتك وقدرتك علي الجذب كمان بتقوي لكن مش فجأة حياتك بتتحول بمبي الا لو "انت" عزيزي القارئ ابو قلب جميل سعيت لده.
٦. لو حصل و" يوم عيد ميلادك" تاني يوم عيد ميلادك مش اي يوم، زهرة العبور اقترنت بزهرة خريطة الميلاد فهنا الكلام هيختلف وقد تكون دلالة علي زواج، بداية علاقة جديدة، تطور علاقة موجودة بالفعل وكمان حظوظ مادية بجانب اهتمام كبير بمظهرك و تطور ملحوظ في شكلك، لبسك، جسمك وهكذا.
٧. في المطلق دي فترة حلوة "للتغيير" يعني اي تغيير هتعمله خاصةً في شكلك خلال الوقت ده بنسبة كبيرة هيكون ايجابي، اي حاجة هتشتريها هتبسطك هيبقي موودك حلو وسهل تكون علاقات جديدة لو مهتم او حتي تصلح بين بعض الاشخاص وتتحول لحمامة سلام الكل بيلجأ اليك لما يحتاج حل او مساعدة او وسيط.
٨. تحديات الفترة دي للبعض بتكون الانغماس في الملذات بزيادة وبسهولة ممكن تتهوس بفكرة انك تكون في علاقة او انك تحب حتي لو الفرص اللي قدامك مش مناسبة ولذلك في اسوأ الظروف ممكن تقلل من معاييرك عشان بس تشبع رغباتك مش اكتر وسهل نظرتك تكون سطحية فجأة مع انك مش كده في العادي.
٩. في النهاية هنرجع نقول ان المسألة متوقفة علي وضع الزهرة والاتصالات و هل زهرتك مباشرة ولا متراجعة في برج ناري ولا هوائي ترابي ولا مائي وكمان البيوت اللي بتأثر عليهم وظروفك وطباعك كشخص كمان ماتنساش ده ولكن هي فترة تقدر تستفيد منها وتغير خلالها مزاجك، شكلك، طباعك وتحقق بعض رغباتك.
🕊 طول الوقت هتقابل نوعيات مختلفة من البشر منهم اللي هيختبرك ومنهم اللي هيراوغك ومنهم اللي هيعلمك ومنهم اللي هيحبطك واللي هيضحك عليك وغيرهم كتير بس الاكيد كمان انك هتقابل اللي قادر يشوفك بضوء مختلف وقادر يطلع منك افضل ما فيك 💛
و سؤال اخير: كم شخص في حياتك بتحس معاه انك رائع؟ 🌻
و سؤال اخير: كم شخص في حياتك بتحس معاه انك رائع؟ 🌻
جاري تحميل الاقتراحات...