الهيمنة في برج #الميزان والزهرة بتحب الميزان ولكن الوضع مش "كيوت" و رومانسي كما يبدو لأنك لازم تركز في طبيعة الاتصالات الموجودة خلال الوقت ده عشان تحكم. اولاً الشمس والقمر في الميزان في حالة عدم اقتران مع اورانوس الثور وده معناه ان بسهولة علاقاتك فيها تفقد توازنها.
اللي منكم منتظر فرص جديدة علي المستوي المادي او العاطفي او الاجتماعي بلاش يكسل و يستغل الوقت ده بتوسيع علاقاته، بالتواصل مع الاخرين وبما اننا بنتكلم عن هيمنة لبرج #الميزان فأعكس طاقتهم عشان تستفيد يعني اهتم بمظهرك، لبسك، طريقة كلامك، خليك مرن واتبع الحلول الدبلوماسية لو تعرف.
القمر الجديد وهيمنة #الميزان القادمة فرصة لموازنة علاقاتك وبما ان بلوتو عامل تربيع مع الزهرة فأنت محتاج تبحث عن شئ "حقيقي" يقدر يشبع رغباتك العاطفية والمادية لأن بسهولة ممكن تبحث عن حل سريع او سطحي لأشباع رغباتك و ممكن تراوغ و تنخدع وتتهوس بالناس الغلط وده اسوأ استغلال للطاقة
🌟 كارت التارو اللي طلع معايا هو:
5 of cups
لازم تتخطي حزنك ومخاوفك، ماينفعش تفضل واقف في نفس المكان للأبد معلق نفسك وسعادتك بنفس الاشخاص والعلاقات والاحلام جرب تبقي مرن، جرب تبحث عن حل وسط، جرب تكون حر من كل القيود والتوقعات والعلاقات. وتأكد ان في التخطي وتقبل الخسارة قوة!
5 of cups
لازم تتخطي حزنك ومخاوفك، ماينفعش تفضل واقف في نفس المكان للأبد معلق نفسك وسعادتك بنفس الاشخاص والعلاقات والاحلام جرب تبقي مرن، جرب تبحث عن حل وسط، جرب تكون حر من كل القيود والتوقعات والعلاقات. وتأكد ان في التخطي وتقبل الخسارة قوة!
🌟 الانسان عنده قدرة كبيرة علي تعقيد حياته اكتر من تبسيطها وممكن يخترع طرق كمان لو حابب. كل حاجة حواليك ممكن تتغير، وفي وقت قليل كمان عكس توقعك لكن انت عمرك ما هتحس بالتغيير ده لو انت زي ما انت ومش بتتغير! خليك خفيف وارقص مع الدنيا وتأكد انها مش مستاهلة كل الخوف والتعقيد ده 🕊
جاري تحميل الاقتراحات...