ثريد: ازاي تغير مزاجك في أقل من خمس دقايق؟!
#قعدة_صحاب
#قعدة_صحاب
خلينا متفقين ان مفيش حد فينا مش بيمر بأيام سيئة، محبطة او غير حماسية ولذلك الموضوع التاني اللي يهمني نتكلم عنه هي الطرق اللي ممكن تساعدنا نغير من المود بتاعنا ونكون في وضع ايجابي أكتر. مش الهدف انك تكون ايجابي بشكل متصنع او تدعي الايجابية ولكن انك تساعد نفسك تكون في وضع أفضل.
١. الضحك:
اول حاجة لازم تعملها انك تخلي "الضحك" جزء من روتينك اليومي يعني زيه زي النوم، الاكل، البيبي، المذاكرة او الشغل. مش معني كلامي انك تمشي تضحك زي المجانين ولو تحب طبعاً انطلق ولكن الفكرة هنا انك تخلق جزء منعش في يومك وانت متعمد. وخلينا ندي امثلة بسيطة:
اول حاجة لازم تعملها انك تخلي "الضحك" جزء من روتينك اليومي يعني زيه زي النوم، الاكل، البيبي، المذاكرة او الشغل. مش معني كلامي انك تمشي تضحك زي المجانين ولو تحب طبعاً انطلق ولكن الفكرة هنا انك تخلق جزء منعش في يومك وانت متعمد. وخلينا ندي امثلة بسيطة:
. اتفرج علي فيلم بيموتك من الضحك قبل ما تنام ومش شرط فيلم ممكن تتفرج علي شخص ساخر، تقرأ كتاب بيضحك او اي شئ مماثل ويفضل انك تعمل ده قبل ما تنام بحيث انك تنهي يومك بشكل ايجابي ومنعش 🙃
. افتكر دايماً المواقف المضحكة اللي مريت بيها واحكيها لحد قريب منك او اسمع منه مواقفه واضحك معاه
. افتكر دايماً المواقف المضحكة اللي مريت بيها واحكيها لحد قريب منك او اسمع منه مواقفه واضحك معاه
انت ممكن تضحك بعدة طرق الموضوع مش صعب ولا مطلوب منك المبالغة بس الفكرة اننا اوقات كتير بننسي نضحك وبننسي ان في حاجات ممكن تضحكنا فحركة بسيطة زي دي فيها تغير موود يومك كله مهما كان سئ. كمان مش هتخسر حاجة لو رميت ابتسامة جميلة للناس اللي بتتعامل معاها وضحكت في وشها علي الصبح 😁
٢. الامتنان:
أنا بعتبر ان دي الطريقة السحرية لتغيير مزاجي مهما كان سئ في وقت قصير. اغلبنا دايماً لما بنكون في مزاج سئ بنركز علي الوحش، الخسارة، اللي مش عندنا وكل اللي انتوا عارفينه فلو قدرت في اللحظة دي تحديداً تبقي ممتن للي عندك واللي تقدر تستغله مهما كان بسيط تبقي خدمت نفسك.
أنا بعتبر ان دي الطريقة السحرية لتغيير مزاجي مهما كان سئ في وقت قصير. اغلبنا دايماً لما بنكون في مزاج سئ بنركز علي الوحش، الخسارة، اللي مش عندنا وكل اللي انتوا عارفينه فلو قدرت في اللحظة دي تحديداً تبقي ممتن للي عندك واللي تقدر تستغله مهما كان بسيط تبقي خدمت نفسك.
الموضوع بسيط: فكر نفسك بالحاجات الحلوة اللي حصلتلك مؤخراً، فكر نفسك باللحظات اللي عديت منها مع انك كنت متأكد انك استحالة تعدي. اكتب عن كل شئ ممتن ليه حتي لو كانت الشوكولاتة اللي في التلاجة او الشامبو الجديد اللي ريتحه تجنن. الفكرة انك ترجع تركز علي الحلو، علي الموجود فعلاً.
٣. التأمل:
يمكن كل الناس بتقعد تتكلم عن التأمل وبتنصح بيه وده بسبب اهميته أكيد. لو انت كشخص تعرف تمارين معينة او ليك روتينك الخاص مفيش مشكلة ولكن لو انت عشوائي زيي لما تحس انك كتير مضغوط ومشحون لازم تفصل حتي لو ٥ دقايق مش لازم تلم هدومك بحثاً عن كوكب تاني عشان تتأمل وتغير مزاجك.
يمكن كل الناس بتقعد تتكلم عن التأمل وبتنصح بيه وده بسبب اهميته أكيد. لو انت كشخص تعرف تمارين معينة او ليك روتينك الخاص مفيش مشكلة ولكن لو انت عشوائي زيي لما تحس انك كتير مضغوط ومشحون لازم تفصل حتي لو ٥ دقايق مش لازم تلم هدومك بحثاً عن كوكب تاني عشان تتأمل وتغير مزاجك.
🌟 في عدة طرق مختلفة اعمل بحث وعيش احنا في ٢٠٢٠ وشوف اللي يناسبك ومش اللي نجح او نفع مع غيرك لأن انت مش زي "غيرك" جرب واتعلم وتأكد ان مفيش شئ صح وغلط في النهاية فبلاش تقيد حالك.
٤. القائمة السحرية:
الامتنان والقائمة السحرية هما اسلحتي للقضاء علي اي مزاج سئ 😁 فكرة القائمة السحرية بسيطة جداً هي انك في اخر اليوم بتكتب اكتر شئ اثر فيك بشكل ايجابي زي كلمة حلوة اتقالتلك، هدية اسعدتك، رسالة من صديق، انجاز اتحقق، فيلم عاجبك، موقف مع قطتك، صدفة غير متوقعة والخ
الامتنان والقائمة السحرية هما اسلحتي للقضاء علي اي مزاج سئ 😁 فكرة القائمة السحرية بسيطة جداً هي انك في اخر اليوم بتكتب اكتر شئ اثر فيك بشكل ايجابي زي كلمة حلوة اتقالتلك، هدية اسعدتك، رسالة من صديق، انجاز اتحقق، فيلم عاجبك، موقف مع قطتك، صدفة غير متوقعة والخ
القائمة دي ارجعلها واشحن طاقة ايجابية. و بعد شهرين او تلاتة هتكتشف حاجات كتير اثرت فيك واسعدتك وهتلاقي نفسك تلقائياً مبتسم وبناءً عليه مزاجك اتغير. ممكن تعمل القائمة السحرية دي علي موبايلك او في نووت لوحدها وتكتبها بخط ايدك ويفضل انك تعمل كده لأنها بتكون ممتعة اكتر.
🌟 طبعاً انت مش لازم تكتب كل يوم حاجة ولكن لما تحصلك حاجة حلوة او تشوف حاجة اثرت فيك حاول تحتفظ بيها خاصةً لو ليها طابع شخصي وصدقني هتتبسط جداً لما ترجعلها وانت في مزاج سئ او مش رايق :)
٥. الشمس: ☀
لما احداث اليوم تكتم علي نفسك وتحس انك هتنفجر بس في نفس الوقت مش عارف، يبقي ده الوقت اللي لازم تخرج فيه للنور يا عزيزي. الشمس والطقس ليهم تأثير كبير علي مزاج الاشخاص فيمكن الموضوع يبدو سطحي بس فعلاً لأ.
لما احداث اليوم تكتم علي نفسك وتحس انك هتنفجر بس في نفس الوقت مش عارف، يبقي ده الوقت اللي لازم تخرج فيه للنور يا عزيزي. الشمس والطقس ليهم تأثير كبير علي مزاج الاشخاص فيمكن الموضوع يبدو سطحي بس فعلاً لأ.
حاول تصبح علي الشمس زي ما بتصبح علينا كل يوم 🙃 خاصةً لو عايز تغير موودك. ف شوية وقت بسيط تخرج فيهم تشم هوا، تحس بالشمس وتتحرك في الطبيعة جداً هيفرقوا معاك ومش لازم تخرج لو مش عايز اطلع البلكونة، سطح او حديقة بيتك براحتك. المهم خلي النور يدخل قلبك.
🌻 مفيش هدف معين من الثريد هي الفكرة بس انك تعرف ان بطرق بسيطة جداً تقدر تغير مزاجك في وقت قصير وان الموضوع مش صعب بس دايماً بتحس انه مستحيل وانت حزين. السر هنا انك تمنح نفسك وقت وتصبر علي حالك وبخطوات بسيطة تقدر تكون احسن.
في اوقات بيبقي صعب طرق بسيطة تقتل الحزن اللي جواك او تصلح كسرة قلبك. الأيام السيئة متعبة بس كمان "معلم" امين ليك مش هيجاملك. اعمل اللي عليك وبس. واعرف ان اليوم الوحش بيخليك تحس بقيمة اليوم الحلو 🕊
اتمني للجميع ليلة جداً رائعة وجميلة 💜
اتمني للجميع ليلة جداً رائعة وجميلة 💜
جاري تحميل الاقتراحات...