ثريد: ليه لازم تنتبه للعلامات!
#قعدة_صحاب
#قعدة_صحاب
الثريد دي مش بتتكلم عن الفلك ولا الخرائط الفلكية او حتي كروت التارو ولكن ممكن نعتبرها قعدة صحاب بنشارك فيها بمواضيع وافكار متنوعة. ف بمنتهي البساطة هنتكلم في الثريد دي عن شئ دايماً شاغل بالي وهو اهمية العلامات اللي بنحصل عليها من الكون بشكل يومي وازاي نقدر نكتشفها وتساعدنا.
مع ضغوط الحياة وقلة الوقت بيبقي صعب حقيقي ننتبه لكل العلامات اللي بنحصل عليها وساعات بيبقي صعب نعرف ان هل الشئ ده يعتبر "علامة" اصلاً ولا مجرد رغبة داخلية عندك انها تكون علامة تقدر تبرر من خلالها القيام ببعض الافعال او التصرفات. وحقيقي الموضوع محير بس مش معقد.
١. السعادة:
يمكن اكتر سؤال شائع ومكرر اغلبنا بيسأله لنفسه: اعرف منين ان اللي بعمله ده صح او غلط او ان هو ده اللي المفروض اعمله وماعملش غيره وده عادةً اكتر وقت الشخص بيكون محتاج فيه علامة. والحل هنا بسيط للغاية هو سؤال واحد لنفسك: انا مبسوط ولا لأ؟!
يمكن اكتر سؤال شائع ومكرر اغلبنا بيسأله لنفسه: اعرف منين ان اللي بعمله ده صح او غلط او ان هو ده اللي المفروض اعمله وماعملش غيره وده عادةً اكتر وقت الشخص بيكون محتاج فيه علامة. والحل هنا بسيط للغاية هو سؤال واحد لنفسك: انا مبسوط ولا لأ؟!
السعادة تعتبر علامة ويمكن من اهم العلامات لأن ببساطة لو انت "سعيد" دي دلالة انك ماشي صح من وجهة نظرك، بتعمل حاجة بتحبها او العائد بتاعها بيشبعك. بالتالي "عدم سعادتك" دي علامة او لازم تعتبرها علامة لأن اوقات الشخص بيسرح وبيقنع حاله ان "عدم سعادته" ده امر مكتوب عليه او قلة حظ وهكذا
فلازم تعود نفسك علي السؤال ده: انا مبسوط ولا لأ؟ سعيد بشغلي، بوضع صحتي، علاقاتي الاجتماعية، علاقاتي الشخصية، مظهري، عاداتي وكمل براحتك. المهم تسأل نفسك وتبقي صادق في اجابتك لأن لو في جانب انت مش سعيد، مش مبسوط فيه تبقي دي علامتك! علامة انك تتحرك 🚶
٢. الالام الجسدية:
يمكن نقطة غريبة بس الالم الجسدي احياناً بيكون "علامة" ليك ان في شئ غلط يعني زي تنبيه. مثال: لو انت مش بتنام كويس هتلاقي ان اغلب الوقت عندك صداع ولو نظامك الغذائي غير متوازن هتلاقي مفيش عندك طاقة او نشاط وده مش بيحصل من فراغ ده بيحصل عشان ينبهك ان في شئ "غلط"
يمكن نقطة غريبة بس الالم الجسدي احياناً بيكون "علامة" ليك ان في شئ غلط يعني زي تنبيه. مثال: لو انت مش بتنام كويس هتلاقي ان اغلب الوقت عندك صداع ولو نظامك الغذائي غير متوازن هتلاقي مفيش عندك طاقة او نشاط وده مش بيحصل من فراغ ده بيحصل عشان ينبهك ان في شئ "غلط"
نفس الفكرة الالم الجسدي احياناً بيكون مصدره قلق زيادة او توتر دائم ومش عايزة ابالغ بس كام واحد فينا لما بيشوف شخص معين او اشخاص بالصدفة بيحس بضيق تنفس بدون سبب 😂 فلو انت طول الوقت متوتر، قلقان، مش عارف تستمتع وحاسس انك جسدياً تعبان ومفيش مبرر لده تبقي علامك انك لازم تتحرك 🚶
🌟 ملحوظة بسيطة: الكلام هنا مش علي الناس اللي بتعاني من الام جسدية نتيجة امراض صحية يا جماعة. احنا نقصد الالم الجسدي اللي بيهجم عليك بدون سبب ولفترة مؤقتة ده اللي ممكن يكون في "تنبيه" ليك او علامة ان في شئ لازم يتغير.
٣. التكرار:
التكرار في حد ذاته من اقوي العلامات وبالعكس بيشد انتباهك بسرعة، زي تكرار حلم معين كل ما تنام، تكرار رقم، تكرار جملة، اسم او حدث معين، تكرار اغنية في دماغك او حتي مشهد فيلم. كل دي علامات ممكن تقلل منها خاصةً لو انت مشغول او بطبعك مش دقيق بس فعلاً في من وراها رسالة.
التكرار في حد ذاته من اقوي العلامات وبالعكس بيشد انتباهك بسرعة، زي تكرار حلم معين كل ما تنام، تكرار رقم، تكرار جملة، اسم او حدث معين، تكرار اغنية في دماغك او حتي مشهد فيلم. كل دي علامات ممكن تقلل منها خاصةً لو انت مشغول او بطبعك مش دقيق بس فعلاً في من وراها رسالة.
ولذلك حاول ماتقللش من اي شئ "بيتكرر" في حياتك حتي لو جملة في دماغك وابحث واسعي لحد ما تعرف ايه الهدف من التكرار ده، التكرار ده علامة لأيه بالظبط! الحياة عاملة زي عروض السحر عمرك ما هتعرف سر الخدعة مع ان طول الوقت الخدعة بتتعمل قدامك.
٤. حدسك:
الست ليلي مراد ماكذبتش لما قالت: انا قلبي دليلي وبناءً عليه حدسك والصوت الداخلي اللي جواك بيلعب دور مهم جداً وطول الوقت بيرسلك علامات. وعشان كده الانسان اللي مش متصل مع ذاته عمره ما هينتبه او هيفهم اي علامة تجيله ولو كان متصل برئيس الجمهورية نفسه 😁
الست ليلي مراد ماكذبتش لما قالت: انا قلبي دليلي وبناءً عليه حدسك والصوت الداخلي اللي جواك بيلعب دور مهم جداً وطول الوقت بيرسلك علامات. وعشان كده الانسان اللي مش متصل مع ذاته عمره ما هينتبه او هيفهم اي علامة تجيله ولو كان متصل برئيس الجمهورية نفسه 😁
في اشخاص كتير بتقع في الغلطة دي اعتقاداً منها ان كل ما هتتصل بناس كتير كل ما هتقدر تستفيد وتتعرف علي نفسها بشكل اكبر وده صح لكن في حالة واحدة بس لو كان متصل مع ذاته بنفس القوة لأن لو انت بتسمع للناس اكتر ما بتسمع لنفسك يبقي احنا قدام مشكلة يا صديقي. التواصل مع حالك امر مهم جداً.
وعشان كده مش لازم دايماً تقعد في انتظار علامة لما ممكن تحصل عليها بمجرد ما تتصل بحدسك وذاتك ويبقي عندك القدرة والاهم الشجاعة انك تتبع "صوتك الداخلي" تتبع الصوت اللي بيقولك: ما تجرب، حاول، خد بالك او لأ بلاش. وتقدر تقوي حدسك بعدة طرق فقط ابحث عن طريقة تناسبك وتريحك.
🌟 في النهاية مفيش اي غرض من الثريد دي غير انها تخليك تفكر شوية في اهمية العلامات اللي بتحصل عليها. مش عارفة اذا كنت هكمل النوعية دي من الثريدات ولا لأ بصراحة ولكن ده موضوع كان في دماغي انا وعدة اصدقاء ولذلك حبيت اشارك ده معاكم لأن متأكدة ان في جزء منكم هيكون مهتم.
كل سنة وانتم طيبين وعيد سعيد عليكم 💃 اتمني للجميع ليلة في منتهي الجمال 💛 واسمحولي انهي الثريد بكلام الجميل صلاح جاهين:
🕊 في يوم صحيت حاسس براحة وصفا
الهم زال والحزن راح وانطفي
خدني العجب و سألت روحي سؤال
انا مت … ولا وصلت للفلسفة..
🕊 في يوم صحيت حاسس براحة وصفا
الهم زال والحزن راح وانطفي
خدني العجب و سألت روحي سؤال
انا مت … ولا وصلت للفلسفة..
جاري تحميل الاقتراحات...