في خريطة الميلاد تبع الرجل وجود القمر والزهرة في عنصر هوائي بيكون مرهق، او توقعي انك تتعبي معاه شوية خاصاً لو انتي قمرك او زهرتك او جونو او بيتك السابع في برج ترابي. الرجل الهوائي جذاب جداً بطبعه خاصةً لو قمره وزهرته "الاتنين" في ابراج هوائية يا نهار جنان 😁
يجي بعد الرجل صاحب المزيج الهوائي في القمر والزهرة، الرجل اللي قمره و زهرته في ابراج مائية ولازم الكوكبين مش كوكب واحد يكونوا في ابراج مائية. الهوائي هيجنك والمائي هيعقدك وطبعاً دي جملة سطحية لأن اي شخص أكبر من كده و يقدر يقدم افضل طول الوقت. لكن برضه متعبين زي الهوائيين 🙃
القمر والزهرة بيمثلوا الرغبات والاحتياجات " comfort zone" بتاعة اي شخص. في خريطة الرجل لو كانوا في ابراج هوائية مثلاً توقعي انه يحتاج نوع من "التنوع" والمساحة لأن الهوائي بطبعه فضولي وبيحب يجرب ف مش هيلبس نفسه في اي علاقة حتي الميزان بتوع القلوب والفراشات عند الجد بيخافوا ساعات!
بجانب برضه ان الرجل الهوائي وتحديداً اللي "زهرته وقمره" في برج هوائي بيحسبها بعقله قبل قلبه يعني لو قلبه انجذب ليكي عقله بعد فترة "بغض النظر عن مدتها" هيقوله لأ انا مش مبسوط وهنا بقي يا بنات لازم تبقوا متأكدين انكم متفقين اولاً مع عقله يعني اضمني عقله قبل قلبه لأن ثقته في اكبر.
وعلي رأي الست وردة الله يرحمها: الحب برئ واحنا ظلمناه 😂 بس حابة اقول برضه ان الخريطة ليها الكلمة الأخيرة وان كل شخص بطل حكايته بطريقته وان الشخص هو اللي بيدي للشئ قيمة ومعني. اهتموا باللي يستحق اهتمامكم يا شباب وبتمنالكم من قلبي ليلة سعيدة جداً 🕊
أنا اللي بالأمر المحال اغتوى
شفت القمر نطيت لفوق في الهوا
طلته مطلتوش - إيه أنا يهمني ؟
وليه ما دام بالنشوى قلبي ارتوى..
🕊 الجميل صلاح جاهين
شفت القمر نطيت لفوق في الهوا
طلته مطلتوش - إيه أنا يهمني ؟
وليه ما دام بالنشوى قلبي ارتوى..
🕊 الجميل صلاح جاهين
جاري تحميل الاقتراحات...