كتير ناس سألوني كيف قدرت تنزل كل هالوزن و كيف قدرت تغير حياتك ١٨٠ درجة، رح احكي عن الموضوع في ثريد باختصار
انا مليان من لما كنت صغير و بتذكر اول ريجيم عملته و انا صف ثالث، طول عمري بعاني مع السمنة، ما ضَل اشي ما جربته، جيم، دايت ثلاث ايّام، صيام، شوربة الملفوف، كيتو ولا اشي زبط معي
لحد في يوم لما وصل عمري ٢٨ سنة وزني كان ١٦٣ كيلو و مؤشر كتلة الجسم فوق ال٥٠، كام عندي ارتفاع ضغط دم، و بداية سكري، و للان متذكر اللحظة الي قررت فيها انه أبدأ جد انزل وزني، لما نزلت اربط الكندرة و نفسي انقطع من الوزن
الموضوع ما كان سهل أبداً تقلب حياتك، الفكرة كانت اتباع نظام حياة جديد اقدر أعيش معه، مش حمية غذائية عابرة، رح احكيهم في نقاط سريعة
الرياضة، ٦ ايّام في الأسبوع ٣ ساعات يوميا بين كارديو، ايروبيكس و تمارين مقاومة، عمرو وزنك ما بنزل بدون رياضة، صدقا الجيم بصير ادمان بعد شهرين زمن و ما بتقدر توقف او ما تروح، و كل ما شفت نتائج شغلك رح تشد اكتر
الأكل، ببساطة بطلت اكل اَي اشي اله علاقة بالسكر و الطحين، لا خبز لا معكرونة لا رز، بدون دهون، آكلي بشكل أساسي معتمد عالبروتين الحيواني و النباتي و الخضار و الفواكه، كمان توزيع الوجبات كل ساعتين وجبة صغيرة، دوام مش دوام، صندوق الغداء صار صديقي المفضل وين ما اروح معي
الأيام النباتية، كل أسبوع كان عندي ٣-٤ ايّام اكل نباتي فقط، vegan, لا لحوم ولا ألبان ولا مشتقاتها.
شرب الماء اشي كتير أساسي كل يوم اقل اشي ٣-٤ لتر، قارورة المي صديقي المفضل رقم ٢
شرب الماء اشي كتير أساسي كل يوم اقل اشي ٣-٤ لتر، قارورة المي صديقي المفضل رقم ٢
القلاية الهوائية صديقي المفضل رقم ٣، حرفيا كل الأكل فيها، بدون زيت بدون دهون و الطعم ممتاز
منتجات خسارة الوزن و حبوب التخسيس ملها حربتها و كلها حكي فاضي، ملينات و كافيين اغلبها، فنجان قهوة بغني عنها
منتجات خسارة الوزن و حبوب التخسيس ملها حربتها و كلها حكي فاضي، ملينات و كافيين اغلبها، فنجان قهوة بغني عنها
الحمدلله حياتي تغيرت كتير مافي ضغط مافي سكري مافي الأم مفاصل، الوزن حاليا ٨٨ كيلو و مؤشر كتلة الجسم طبيعي لأول مرة في حياتي
التحدي الجاي المحافظة عالوزن الي خسرته، و زيادة الكتلة العضلية ?
التحدي الجاي المحافظة عالوزن الي خسرته، و زيادة الكتلة العضلية ?
جاري تحميل الاقتراحات...