هذا الthread رح يكون عن مزايا الأشخاص المميزين بحياتي، وكيف ممكن ألاقي الرفيق المثالي.
جدلًا بدي أسميه "Confessions of a Sapiophile."
جدلًا بدي أسميه "Confessions of a Sapiophile."
كثير بنجذب لحد بيحكي بأسلوب معين، راكز ورزين وبنفس الوقت ساخر وهزلي ومرح عند الحاجة. كثير بنجذب للي ممكن يسرق انتباهي بطريقته، ويضل أسلوبه موجود ومنعكس على جميع أحواله. مش مزاجي بيقلب أسلوبه مرة وحدة، ثابت على عقله، وبنفس الوقت بيطاوع قلبه بحدود المنطق.
طبعًا بعيدًا عن الأسلوب الخاص، لازم يكون عنده تبحر واسع في النفس البشرية ومفاتحها، يعني يكون قادر إنه يحكي مع كل فئات الناس، صعلوك، أمير، وما بينهما من تشعبات. بالمشرمحي، بترميه بيوقع واقف.
في شي جدًا بينفّرني وبقدر أحكي عنه turn off اللي هو انعدام الفضول. الفضول يا سادة هو ما يجذبني في عقل الشخص، إنكم تقدروا تكونوا فضوليين عن أي شيء بالحياة، لو ليش خيوط العناكب شكلها منتظم، أو بناء جسر معين، أو رأي كاتب في عصر النهضة عن ملوك إنجلترا. بيفتح موضوع من الهوا.
لا شك إنه الشخص اللي بيجي وبيكون عنده مخزون لا بأس به من الثقافة العامة هو شخص جذاب جدًا، ولحسن الحظ طلعت جملة "smart is the new sexy" لهذا الغرض. أنا شخصيًا، إذا الشخص ما كان ضايفلي شي بحياتي، بعتبر معرفته شيء ثانوي، مش أساسي بحياتي. بفضل يكون عندي حد يحركلي خلايا دماغي.
وأكيد، في عندي مواضيع مفضلة للحوار، مثل العلوم الطبيعية بأنواعها، التكنولوجيا (بدي حد up-to-date مش noob وبيفهم بمعظم الأشياء، التلفونات، الكمبيوترات، الانترنت إلخ..،) تاريخ الناس، الحضارات، الأديان. بدي حد محيط بكل هدول.
طبعًا، من أهم الصفات اللي بحب وجودها، إنه الحد لازم يكون مقدر مشاعر الناس بكل أحوالها. حد considerate، وقادر على تفهم حيثياتهم.
اوه صحيح، يفضل إنه يكون بيحب الروك الكلاسيكي، لأنه من أعظم أنواع الموسيقى الunderrated.
وصحيح، بدي حد ملم بقفشات الافلام والريفرنسز، العربية والاجنبية، والفانتاسي (GoT, LOTR, HP, Star Wars, etc...)، وع السريع بيلقط. ☝
@MAburaddaha الثريد هاد انعمل عنك ♥️
جاري تحميل الاقتراحات...