ثريد: زهرة الجوزاء ♊ … #أبراج
١. طاقة زهرة الجوزاء تختلف عن طاقة زهرة الحمل لأن ماعندهمش الهدف والرغبة بتاع الوجود في علاقة او التحدي في الحب بالعكس زهرة الجوزاء مش بتاخد مسألة العلاقات والحب بالجدية دي ومش بيقدروا يفهموا مبالغة اللي حواليهم. وعشان كده هي زهرة بتحب بعقلها ومش بدماغها.
٢. زهرة الجوزاء دايماً بتلام انها بتحب بعقلها او ان نسبة تأثرها ضعيف بس لو هنفكر بأسلوب مختلف هنلاقي ان الزهرة دي في المطلق مش بتدي وعود يعني صعب زهرة الجوزاء توعدك بشئ ولو وعدت مش هتنفذ وعدها مش عشان هما مخادعين بس اغلبهم شايف انهم مش محتاجين حد وانهم يقدروا يكملوا لوحدهم.
٣. استقلال زهرة الجوزاء بيخلي الشخص وحيد في الحقيقة بالرغم انك ممكن تلاقيه محاط بمعجبين وعنده علاقات كتير بس هي دي مشكلتهم انهم بيعرفوا يكونوا علاقات بس مش بيعرفوا يدخلوا فيها ويستمروا. هو يعرف يبهرك، يجاملك، يكلمك و يضحكك بس مايعرفش يحبك بطريقتك و يفهم مشاعرك ويحسها بنفس القوة.
٤. عشان كده زهرة الجوزاء بالتحديد بيبقي عندها فضول تجاه الأشخاص اللي عندها هيمنة او زهرة مائية لأنهم بيعملوا حاجة عكسهم تماماً وهي اعتمادهم الكامل علي احساسهم والقدرة العالية علي التعبير عن مشاعرهم بشغف دي حاجة بتتعب معظم اشخاص زهرة الجوزاء فيها لأنها مش بتحس بنفس القوة دي.
٥. مش معني كلامي ان زهرة الجوزاء مش بتحس بالعكس مشكلتهم انهم بيحسوا بكل حاجة لدرجة انهم مش بيقدروا يحددوا هما فعلاً حاسين ب ايه من وسط المشاعر دي كلها ونفس الكلام ينطبق علي رغباتهم العاطفية والصفات اللي ممكن تجذبهم صعب يقولك انا بحب ده ومش بحب ده لأن بعد ساعة نسب حبه دي هتتغير.
٦. زهرة الجوزاء مرنة في الحب ومش معقدة مع الناس اللي بتحبها هيغامر معاك وصعب تحس بملل معاه بس هو يتأكد انه بيحبك الاول لأن هما مش متأكدين من نسبة حبهم ليك وللناس عاماً لأنهم بينتموا لكذا حاجة بيلاقوا نفسهم مع اشخاص كتير، عنده هوايات ف مش حاسس ان لازم يكون في حياته حد عشان يستمتع
٧. مش معني كلامي ان زهرة الجوزاء هترفض تحب او ترتبط اوعي تنسي ان الجوزاء بيحكمه عطارد وده بيخليه منطقي في اختياراته العاطفية و بالعكس الزهرة دي رغم التشتت اللي اتكلمنا عنه اغلبهم بيختار حد شبهه فلو حتي علاقتهم مش رومانسية ومليانة دموع ودراما بيكون فيها توافق ومليانة تواصل.
في النهاية قد ينطبق عليك الكلام و قد لا ينطبق لأن خريطتك ليها الكلمة الأخيرة. مهما كان يومك صعب وتقيل قوم بحماس وبحب زي الشمس بالظبط ☀ يمكن تجيلك فرصة غير متوقعة. وكالعادة اتمني للجميع يوم مبهج مشرق و جميل 💛
جاري تحميل الاقتراحات...