رتبها

تعالوا اشخبطلكم شوية عن شوية حاجات يمكن افيدكم...1

معجون الأسنان...(اى معجون اسنان) بعد ما نخلص ونغسل اسنانا بالماية لازم نغسل اسنانا مرة كمان بالفرشاة فاضية ...لية?? علشان بيبقى فية بواقى من المعجون لازقة ع الأسنان دى نفسها كفيلة تبوظ الأسنان لو فضلت موجودة...2

#الشامبو
وظيفتة تنظيف الشعر مش انة يخلية ناعم...والشامبو الكويس هو إللى بعد مانغسلة بالماية شعرنا يبقى ناشف وتحسية بقى جاف
لكن المسئول عن نعومة الشعر هو ال #بلسم
او لو شامبو بخلاصة #الزيوت..هى إللى هتبقى مسئولة عن نعومة الشعر 3

لو عندنا حد شعرة خشن جدا (اكرت) بالعامية وعاوزينة ينعم
يبقى نغسل شعرة بال #conditioner مباشرة بدون شامبو...
الشعر هينضف....وف نفس الوقت هينعم 4

#للسيدات
اوعى...اوعى...اوعى
تحطى اى حمام زيت او حمام كريم قبل ال
#بيبى_ليس لانك كدة بتحرقى الشعر حرفيا
6

كلنا بلا استثناء لازم مرة ف الشهر او مرتين ف الشهر نغسل شعرنا بصابونة عادية من بتاعة زمان زى الكامية والفا.. . علشان تشيل بواقى الشامبو والبلسم والكريمات والزيوت إللى بتفضل ع الشعر 7

#للسيدات
ال #comapct_powder زى ال #شيرى
ولا #روزيتا
بودرة الاساس?? دى اخر حاجة تحطيها خالص بعد ماتحطى كل ال #make_up بتاعك?? مش اول حاجة تتحط??

#للسيدات
تركيبة ال #روجاجو وال #compact_powder
وال #eye_shadow
واحدة...مع اختلاف الألوان بس الشركات بتستغفلكم???? وتخليكم تشتروا ال 3???
فأى واحدة يخلص منها نوع من ال 3?? وعندها حاجة تانى لونها مناسب تستعملها بأمان

#للسيدات
اتعلمى ازاى تحطى ال #روج ??
ال روج معمول علشان يخفى عيوب الشفايف
فأفضل طريقة تحطى بيها الروج هى والشفايف فى وضعها الطبيعى
لا مضمومة.. ولا مفرودة قوى

#للسيدات
بنحط حاجة الشفايف بالترتيب دة?
1-التحديد الاول...
2- الروج
3-ال بلاشر او الملمع??
وهتكلم عن كل واحد بالتفصيل

#للسيدات
#المحدد
اول حاجة بتتحط على الشفايف علشان نحدد المنطقة إللى هيبقى فيها الروج ومنة نقدر نتحكم فى حجم الشفايف..
فلو انتى شفايفك #رفيعة حطى محدد بمساحة اكبر علشان تتخنى شفايفك
والعكس طبعا لو شفايفك تخينة
# المحدد بيتحط والشفايف فى وضعها الطبيعى.لامفرودة ولا مضمومة

#للسيدات
ال #بلاشر
إللى هو الملمع..
دة وظيفتة انة يدى لمعة للشفايف وانة يحمى الروج من انة يتمسح
#الوحيد إللى يتحط والشفايف #مفلطحة علشان ياخد اكبر مساحة ممكنة

#للسيدات
ال #foundation_cream
اول حاجة تتحط ع الوش?? وبكمية معقولة وبلاش شغل الجير إللى بتحطوة
وظيفتة انة يدارى عيوب الوش والخدود والهالات تحت العين
لو معملش دول يبقى مش كويس

#للسيدات
#مهم_جدا
ازاى اختار ال foundation المناسب لى؟؟؟
نختار نفس درجة #الرقبة او لو انتى محجبة او مكسوفة
هتختارى #درجة_واحدة_اغمق_من_كفة_الايد

#للسيدات
نفس الكلام ينطبق على
درجة الروجاجو
والبودرة المائية
#compact_powder

#الصيف
بم اننا داخلين ع الصيف وهنروح المصايف كلنا وهنستعمل واقى الشمس وكدة
واقى الشمس أعلى درجة حماية هى 50...+50 #spf
ال 80...وال 100
دة هجص شركات

#spf
هى درجة الحماية من الشمس
Sun protection factor

وهم نوعين
نوع #Sun_protection
ودى بيعمل بس حماية من الشمس
ونوع تانى #Sun_block
ودة بيمنع وصول الشمس لجسمنا اصلا
طب امتى نستعمل دى وامتى نستعمل دى??

حالتين هنستعمل فيهم ال
#sun_block
الاولى ان جسمنا حساس جدا جدا للشمس وممكن يحصلنا حروق بسببها
التانية هى اننا هننزل البحر فى ما بعد 10 صباحا وقبل 6 المغرب
لان ف الوقت دة أشعة الشمس بتكون ضارة

يفضل بعد ما نطلع من الماية نستعمل اى #after_Sun
ودة غالبا بيكون مواد مرطبة علشان الجفاف إللى اتعرضلة الجسم بسبب الماية واشعة الشمس

حاجات رخيصة وتنفع #after_Sun
#calamyl lotion
#panthenol cream
#panthenol spray

الناس إللى عاوزة تاخد اللون البرونز وبتستعمل #tanning_oil
Or #tanning_lotion
اقصى درجة حماية للتان هى 8
مافيش 20 او 30 بلاش حد يضحك عليكم??????

لان #وظيفة_التان
هى انة يخلى الجسم ياخد أشعة الشمس بكمية اكبر من المعتاد علشان الميلانين إللى ف الجسم يعلى اعلى من المعدل الطبيعى بتاعة ف الجسم علشان الجسم ياخد اللون الأسمر او البرونز
فازاى؟؟ بيحمى من الشمس??

#انتهى✋
واتمنى انكم تكونوا استفدتم

التصنيفات

المزيد من هذا الكاتب

مواضيع ذات صلة

الأكثر اعجابا

التصنيفات

المزيد من هذا الكاتب

مواضيع ذات صلة

الأكثر اعجابا

فك الثريد