الثريد دا حيكون عن الصيد والصيد الجائر في #السودان وتفاصيل عن رحلات الصيد وسياحة الصيد خاصة بعد الصور الاخيرة الكانت مؤلمة جدا بالنسبة لينا وعشان يكون الكلام موضوعي انا جمعت اكبر قدر من المعلومات عن الموضوع من مصادر مختلفة
👇👇👇
#صيد_حيوانات_السودان_الجائر
#يتبع
👇👇👇
#صيد_حيوانات_السودان_الجائر
#يتبع
بداية من المهم نعرف انو السودان يعمل بقانون (حماية الصيد والحظائر القومية لسنة 1986 )والقانون مفصل جدا حاتطرق هنا للحاجات المهمة والقانون كامل حاضع ليكم رابط للعايز يقراهو في اخر الثريد , القانون بينظم الصيد وحماية الحياة البرية في السودان تحت احكام وبنود واضحة
اولا في مناطق تعتبر حظائر ومحميات موجودة في السودان ممنوع وبالقانون دخولا ومحمية يعني كل الحيوانات والنباتات واي شي فيها محمي بسلطة القانون ممنوع الصيد والاحتطاب وحتى الزراعة وغيرا والمحمية يتم حمايتها لانها فيها انواع مهددة بالانقراض وللمحافظة على التنوع الحيوي في البلد
في المحميات الطبيعية ممنوع تماما الصيد لاي غرض ومهما كان السبب يعني لما انت كسوداني تشوف زول بيصطاد او بيقطع اشجار في منطقة محمية مثلا زي محمية الدندر يحق ليك الابلاغ عنه مباشرة وانو تتم معاقبته قانونيا وفي الصور بقية الاشياء الممنوعة كمان
نجي للمناطق المحجوزة وهي المناطق الموجودة تحت الحماية لكن تقدر السلطات تصدر فيها رخص للصيد حسب الموسم وحسب الدراسات البتعملا الجهات المختصة ومن غير الرخص دي ممنوع الصيد فيها ويعاقب قانونيا اي مخالف يعني المحمية ممنوع نهائي والمنطقة المحجوزة ممكن برخصة
الحيوانات المحمية حسب النوع بيتم اصدار رخص في صيدها مثلا في انواع ممنوع بدون اي استثناء صيدها زي الحيوانات المعرضة للانقراض والحيوانات التي اثبتت الاحصائيات انها بدأت في التناقص العددي وفي حيوانات حسب الموسم و ونتائج الاحصائيات يتم اصدار رخص لصيدها
بالنسبة للمحمية ممنوع انك تدخلا اصلا وفي نص القانون انو غير قانوني ولو دخلت حيكون على مسؤوليتك الخاصة وممنوع انك تستفز حيوان بري انو يهاجمك عشان تقتلو ولو هاجمك تحاول انو يكون قتل الحيوان المحمي اخر خيار وبرضو يتم محاسبتك قانونيا لانك اصلا دخلت وبعدين لانك قتلت حيوان محمي
نجي للزول الجرح حيوان محمي بسلاح ناري مثلا لكن كان عبارة عن جرح بس وما مات تحاول بقدر الامكان انك تقتل الحيوان دا لانو الحيوان وهو مجروح ما حيقدر يعيش وممكن يسبب اذى للحيوانات الاخرى لانو حيكون عدائي جدا وحيتعذب قبل ما يموت فالافضل انو يتم قتلو
حسب القانون لما تزيد اعداد بعض الحيوانات ويدرسوا انها بقت كتيرة وبدأت تكون آفات مثل انواع من الطيور بيجوز انو يتم الاعلان عن انو يمكن صيدها و والعكس اذا اثبتت الدراسات انو الاعداد اصبحت قليلة يتم الاعلان عن تحريم صيدها ويتعاقب المتعدين
وهنا الحاجات المحظورة في الصيد حتى الصيد في الظلام ومن عربية متحركة وصيد الحيوانات الصغيرة و الام مع صغارها يعتبر من الممنوعات يعني الصيد منظم بطريقة تحاكي عمليات الصيد البيحصل في الطبيعة للحفاظ على التنوع البيئي
تعليق صغير :
في الطبيعة الحيوانات بتصيد بطريقة تحافظ على البيئة بحيث انها اثناء المطاردة يتم صيد الحيوان الضعيف بحيث يحدث انتخاب طبيعي للسلالات الاقوى بانها تعيش وتتكاثر يعني الحيوان السريع والبيقدر يهرب من المفترس يعيش ويتكاثر وينتج اجيال تحمل صفاته الوراثية الجيدة
في الطبيعة الحيوانات بتصيد بطريقة تحافظ على البيئة بحيث انها اثناء المطاردة يتم صيد الحيوان الضعيف بحيث يحدث انتخاب طبيعي للسلالات الاقوى بانها تعيش وتتكاثر يعني الحيوان السريع والبيقدر يهرب من المفترس يعيش ويتكاثر وينتج اجيال تحمل صفاته الوراثية الجيدة
وفي بالنسبة للمفترس كمان حسابات فهو بيختار الفريسة الاضعف عشان يوفر المجهود الببذلو في مطاردة فريسة قوية وسريعة والحاجة دي ما موجودة في حالة الصيد الانساني الممكن يغير المنظومة البيئية المنظمة دي ويسبب خلل بيئي
نرجع للقانون , القانون بيدي الضابط المسؤول انو يفتش اي شخص حتى لو معاه رخصة في حالة الاشتباه باي مخالفات يعني لو انت اشتبهت بناس او كدة تقدر تبلغ طوالي ويتفتشو كمان
يعني ضابط شرطة حماية الحياة البرية عندو سلطة لما انت تبلغ وهو كمان اذا تغاضى عن مخالفات او ارتكب مخالفة هو نفسو ممكن تبلغ عنو بالقانون ويتحاسب
حأكتفي بالقدر دا من لوائح القانون وفيهو تفصيل للحيوانات الممنوعة ومفصل فيهو حاجات مهمة , طيب دا القانون اها نجي نشوف لو انت اجنبي وجاي من بلدك وعايز تصطاد في السودان الاجراءات شنو وقبل دا لازم نعرف انو في شرطة مختصة بادارة شرطة الحياة البرية وهي الجهة البتصدر الرخص
وقبل ما اقول الخطوات عايزة اقول ان السودان الان وبسبب الصيد الجائر خالي تماما من :
#الافيال
#وحيد_القرن
#فرس_النهر
#الزرافات
ولا في مكان حتى محمية الدندر بضخامتها ما فيها والكلام دا من قبل الانفصال كلها نزحت جنوب جنوب السودان بسبب صيدها لاغراض سن الفيل وقرن وحيد القرن وغيرو
#الافيال
#وحيد_القرن
#فرس_النهر
#الزرافات
ولا في مكان حتى محمية الدندر بضخامتها ما فيها والكلام دا من قبل الانفصال كلها نزحت جنوب جنوب السودان بسبب صيدها لاغراض سن الفيل وقرن وحيد القرن وغيرو
طيب بداية الموضوع بببدأ من ادارة الحياة البرية في عمل مسوحات لاعداد الحيوانات في السودان في كل المناطق وبما فيها الطيور المهاجرة من المناطق الاخرى ويتم على ضوء الاحصاءات دي تحديد مناطق الصيد وعدد الرخص والانواع الممكن صيدها للموسم السنوي المعين ويتم الاعلان عن موسم الصيد السنوي
بعد الاعلان وتحديد انواع الحيوانات تبدأ وكلات السفر والسياحة المختصة بالامر بالبدء في اجراءات الاجانب الحيجو للسودان بغرض الصيد وتبدأ ليهم الاجراءات مع ادارة الحياة البرية ولما يجو بيجو يستلمو التراخيص
التراخيص انواع كتيرة كل رخصة بتكون بنوع معين من الحيوانات يعني في رخص بتطلع للطيور مثلا رخصة القمري وفي رخص بتطلع للارانب وفي رخص بتطلع للزواحف وكدة والان و بسبب الصيد الجائر وقفت التراخيص للغزلان لانو باختصار الغزلان اعدادا قلت جدا اي زول صايد غزال الان عبارة عن مخالفة ما اكتر
دي اشكال التراخيص ما قدرت اتحصل على تراخيص للسنة دي بس دي من مواقع خليجية بتختص بالصيد كل رخصة من الرخص دي بتطلع حسب الموسم بعدد معين مثلا رخصة الارانب فيها 13 ارنب ورخصة القمري فيها 30 طائر وكدة
كل رخصة من الرخص دي فيها عدد اسلحة معين ونوع معين من الاسلحة اللي هي (الخرطوش) ونوع معين من الطلقات وكمان عدد معين من الطلقات وبيكون مع كل رخصة مرافق من شرطة الحياة البرية لحماية السياح وحماية الحياة البرية بانو ما يخليهم يصيدوا اكتر من رخصهم او يصيدوا انواع تانية
في ناس بيجيبو معاهم نسور وكلاب للصيد وكل شي ليهو رخصة ورسوم معينة بس المؤسف من خلال قرايتي للتقارير بتاعة الصيد لبعض الخليجيين انو بيخالفو بأنهم بيشترو طلقات واسلحة زيادة داخل نفس الرخص والقريت تقريرهم استعانوا بالرشايدة باعتبار صلات القرابة وكدة وكمان سكوت المرافق
او يخالفو بطريقة تانية انهم يصيدو العدد العايزنو مفتوح ياكلو زي ما عايزين ولما يجو راجعين يشيلو معاهم العدد الفي الرخص لبلدهم ودي رقابة وامانة ومسؤولية العسكري او الضابط المرافق ليهم ومدى تساهلو في الموضوع والمشكلة انهم في تقارير الصيد واضعين صورة المرافق وكاتبين كدة 👇👇
نرجع للرخصة مدة الرخص ما مفتوحة مدتها 7 أيام فقط بس يقدرو خلال ال7 ايام يغيرو اماكن الصيد او يدفعو رسوم زيادة يمددو المدة بتاعهم في الصورة دي ديل سياح جو لصيد القمري بتصريح قمري فقط واصطادو برضو ارانب وقالو (المرافق كان ماراضي) بس في النهاية اصطادو التقرير قديم بالمناسبة
وعشان الرشايدة ما يزعلو انا كتبت كلام اتكتب في التقرير الانا قريتو وصاحبو كاتب انو ساعدوهم في شراء الطلقات والاسلحة ودا ما تعميم بس شي حصل ومصور ونواصل بالنسبة للمخالفات لما يلقو مخالفة طوالي بيصادرو الحاجة وحسب نوع الحيوان بيكون في غرامة وسجن بس بيعملو تسوية ويدفعو ويشيلوها
بس في مصادرات بتتطبق الان للسيارات البتنقل الناس المخالفين كمثال وزمان كان بيطلع مرافق واحد لكل مجموعة من السياح والان بيطلع مرافق لكل رخصة ودا شي الزامي ودا يمكن يزيد الاهتمام شوية (يمكن) دا في حالة الرخص فلو مافي رخص دي مخالفة كبيرة كمان
طيب انا قلت الكلام الكتير دا ليه؟؟لانو اذا نحن عرفنا القانون والمخالفات والممكن يحصل شنو ممكن الواحد فينا يقدر يغيّر الشي القدامو لانو كمواطنين بيلاقونا سياح في المناطق دي انت لو لقيتو مصطاد غزال مثلا كون عارف مافي رخصة بتطلع لغزال وانت في يدك تبلغ عنه مباشرة
نجي للبلاغات انا كمواطن وين ابلغ ؟
لقيت مخالفة صورها زي ما بيحصل في كل الدول ايوة صورو انت في بلدك تقدر تدافع عن الحياة البرية والبلاغات بتكون في ادارة شرطة الحياة البرية في المعمورة الخرطوم قريب للفة شارع مدني وحتى لو هم ما عملو شي انت عملت العليك كسوداني ماعارفة الفي الصورة
لقيت مخالفة صورها زي ما بيحصل في كل الدول ايوة صورو انت في بلدك تقدر تدافع عن الحياة البرية والبلاغات بتكون في ادارة شرطة الحياة البرية في المعمورة الخرطوم قريب للفة شارع مدني وحتى لو هم ما عملو شي انت عملت العليك كسوداني ماعارفة الفي الصورة
الحاصل الان شئ مؤسف جدا وعشان الحيوانات دي ترجع اعدادا بنسبة جيدة مفروض يحصل وقف للصيد ل20 سنة على الاقل واعادة توطين للحيوانات الهاجرت ودا شي مكللف جدا فالمفروض نحافظ على الموجود الان عشان ما نفقد كل الثروة البرية الموجودة عندنا ودي توصية من مختص في المجال 😞 يعني
حاولت اتحصل على معلومات عن الصور الاتنشرت الايام الفاتت وبحاول اشوف رقم للبلاغات برضو ما لقيت لو لقيت جديد بجي اكتبو هنا ...الحيوانات الماتت ديك تاني ما حترجع ودا ما بيمنع انو الاشخاص يتحاسبوا بس المفترض دا تاني ما يحصل وان شاء الله ما يحصل 🙁
انا بصراحة ما فاهمة وين المتعة البلقوها الصيادين انو يقتلوا حيوانات بسلاح عشان ياكلوها وعارفين انها مهددة بالانقراض وين الشي الممتع في الموضوع؟؟ونحن لو ما بقينا واعين كلنا حيجي يوم السودان يكون بلد افريقي خالي من التنوع البيئي خاصة الحيوانات
في ختام الثريد اتمنى انو يقيف الصيد نهاااائيا حتى لو كان يعتبر مورد اقتصادي ه شي بسيط جدا لايذكر زاتو بس الهدم للحياة البرية اعظم بكتير من ااي عائد ممكن يجي وعائد وجود تنوع حيوي وبيئة معافاة سياحيا اكبر ونقدر ناخد جنوب افريقيا كمثال
شوفوا الفيديو
youtu.be
شوفوا الفيديو
youtu.be
جاري تحميل الاقتراحات...