رتبها

كربنطس™الحبلوظي 🇪🇬 ⚖ ☯️☮️🏹🎯🇨🇭

17 تغريدة 95 قراءة Nov 23, 2019

#حدوتة_فيها_حكمة
فيه مرة راجل فلاح عجوز لقى بيضة صقر ، وماكانش يعرف ديه بيضة إيه بالظبط !
فحطها في وسط البيض اللي عنده في عشه الفراخ (1)

@HermiteEgyptien وبعد كام يوم البيضة فقست وطلع منها الصقر وعاش في وسط الكتاكيت وكبر معاهم و بقى يتصرف زيهم بالظبط.
ينقر في الأرض و ياكل (2)

@HermiteEgyptien وبعد كام سنة راجل عالم زار القرية اللي فيها الفلاح وشاف عشته.
وشاف الصقر فيها فسأله ده صقر ؟
رد الفلاح وقاله لأ ده فرخة (3)

@HermiteEgyptien العالم إستغرب وقاله بس أنا متأكد إن ده صقر!
رد الفلاح وقال وأنا بقولك ده فرخة ومتأكد من كده
العالم إستغرب من ثقة الفلاح (4)

@HermiteEgyptien العالم قاله أنا هثبتلك إن ده صقر.
و أخد الصقر من العشة وفرد جناحه و كلمه في وشه وقال إنت صقر ومكانك في السما ولازم تطير (5)

@HermiteEgyptien ورفع الصقر لفوق و نطره وسابه في الهوا
الصقر رفرف بلهفة وخوف و وقع عالأرض وقعد ينقر فيها زي الفراخ!!
ساعتها الفلاح قال: (6)

@HermiteEgyptien مش قولتلك ده فرخة !
إستغرب العالم و قال: مستحيل!
ده صقر ،أنا متأكد
وساعتها الفلاح خد الصقر و رجعه للعشة تاني وسط الفراخ (7)

@HermiteEgyptien بعد يومين العالم رجع للفلاح تاني وقاله:
خلاص أنا عرفت إزاي أثبتلك إن ده صقر مش فرخة.
الفلاح ضحك بخبث وقاله لو مصمم ماشي (8)

@HermiteEgyptien العالم خد الصقر من عشة الفراخ مع الفلاح وطلعوا الجبل.
وبعدما وصلوا لقمة الجبل، صرخ في وش الصقر: إنت صقر ومكانك في السما (9)

@HermiteEgyptien وكرر كلامه بعنف وفرد جناحات الصقر ورماه من فوق الجبل.الصقر كان بيسقط وغير متزن وفجأة فرد جناحاته وطار لحد ماطلع ف السما(10)

@HermiteEgyptien و فضل يطير و يرتفع في السما ويعمل حركات بهلوانية ، و يصيح صيحات عالية و قوية كأنه بيشكر العالم إنه خلاه يكتشف نفسه (11)

@HermiteEgyptien وبعدين الصقر نزل وقف على صخرة عالية و بص شوية للعالم والفلاح، و صاح صيحة قوية و طار في السما وفرد جناحاته في مشهد عظيم (12)

إنت صقر و لا فرخة !!

@Rattibha
رتبها

جاري تحميل الاقتراحات...