إذا كنت تبي تدخل مجال الأمن السيبراني بقوة وتأسس نفسك صح، لازم يكون عندك شهادات معروفة تدعمك وتثبت مهاراتك، هذي خمس شهادات قوية بتعطيك دفعة كبيرة وتساعدك تتوظف أسرع في المجال باذن الله 👇

1.Security+ (CompTIA)
هذي تعتبر البوابة الأولى لأي أحد يبي يدخل الأمن السيبراني. تعطيك أساسيات قوية في الأمن، التهديدات، التشفير، وإدارة المخاطر. أغلب الشركات يشوفونها كحد أدنى للوظائف المبتدئة في المجال، خصوصًا في الـ IT security.

2.EJPT (eLearnSecurity Junior Penetration Tester)
هذي شهادة عملية للمبتدئين في اختبار الاختراق. بتخليك تفهم كيف الهاكرز يفكرون، وكيف تقدر تحلل وتهاجم الأنظمة بشكل قانوني. لو ناوي تصير pentester، هذي من أفضل البدايات.

3.CHFI (Computer Hacking Forensic Investigator)
إذا ودك تصير خبير في التحقيق بالحوادث الأمنية، هذي الشهادة بتعلمك كيف تحلل الاختراقات، تسترجع البيانات، وتكشف الأدلة الرقمية. مفيدة جدًا لو ناوي تدخل مجال الـ digital forensics.

4.GCIH (GIAC Certified Incident Handler)
هذي شهادة ممتازة في تحليل الحوادث الأمنية، بتخليك تفهم كيف تتعامل مع الاختراقات، كيف ترد عليها، وتقلل الأضرار. تعتبر من أفضل الشهادات للمبتدئين اللي ناويين يدخلون مجال الـ Incident Response.

5.ISO 27001 Lead Implementer
هذي متخصصة في إدارة أمن المعلومات، وتركز على كيف تنشئ نظام أمن معلومات متكامل في أي مؤسسة. ممتازة إذا كنت ناوي تشتغل في إدارة المخاطر والامتثال الأمني.

ليه هالشهادات بتقوي فرصتك في التوظيف؟
لأنها تغطي جوانب مختلفة من الأمن السيبراني، من الأساسيات إلى الاختراق، التحقيق الجنائي، الاستجابة للحوادث، وإدارة الأنظمة الأمنية. أغلب الشركات تدور على ناس عندهم معرفة عملية ونظرية، وهذي الشهادات تعطيك المزيج المثالي. غير كذا، مجرد إن عندك شهادات معتمدة، هذا يعطي انطباع إنك جاد بالمجال وعندك رغبة تطور نفسك، وهذا لحاله يكفي يخلي سيرتك الذاتية تبرز بين المتقدمين.

لو ناوي تبدأ، Security+ هي أول خطوة، وبعدها تقدر تتخصص حسب ميولك فا شد حيلك، المجال مطلوب والفرص فيه كثيرة!