هذا واحد اسمه الشيخ : علي المطلق معروف بتجارته ونيته الطيبة إلي هي سبب رزقه وزهده بالدنيا ..
جاه شخص وقال له أنا مديون بـ 300 ألف وحل ديني والرجال يبي فلوسه أو يسجني تكفى ياشيخ شوف أي صرفه ، ساله وش سبب الدين
قال شريت بهن أرض بالخرج بزرعها والفائض أسد به ديني بس ماقدرت ..!

قال له تم بشتري المزرعة منك بقيمة دينك عشان تسدد وترتاح ، لكن عندي شرط قال سم وش الشرط !!
قال له : إنك تجلس بالمزرعة ، وتزرعها وتسعى فيها وفائض أرباحها النص بالنص بيني وبينك ..!
يقول طرت من الفرح والأرض أصلاً ماتسوى حتى 100 ألف ولايدري الشيخ مكانها ولا حتى بيشوفها أصلاً ..!
يقول أعطاني الشيخ 300 ألف وسددت وقعدت 3 سنين فيها ، ولا عمره سألني أو دورني ، وقام ابليس يلعب براسي ،ياولد يمكن الشيخ يموت أو يغير رأيه ..!

تنويه: ليس لي أي علاقة بأي حسابات أخرى تقوم بسرقة محتواي واستخدامه لاغلاق حالات بمقابل مادي، أو اعلانات مدفوعة، حساباتي الشخصية موحدة في كل البرامج باسمي hindz5544 وليس لي أي حسابات أخرى.. ولا أحلل سارقي القصص ونسبها لهم من قبل هذه الحسابات وتشويه سمعتي!!عليه جرى التنويه🛑🛑

قال : رحت بقشي للشيخ وقلت أنا اخاف يجيك شي لا قدر الله ، وأنا وراي عيال وأنت بعد ،
جيته من هالباب وأنا أصلا نيتي ثانيه !!
فقلت له ليش ياشيخ ليش مانقسمها وأنت تأخذ حقك وأنا آخذ حقي ؟؟
قال له : الشيخ وأنت طلعت منها شيء بهالثلاث سنين ؟؟!
قال يا شيخ ولا ريال !!
قال له الشيخ ما يخالف أقسمه ولا قضيت قاسمه علمن ، يقول وأركض وأروح للأرض وأحط البيت والمطق والنخل بقسم والقسم الثاني فاضي مابه شيء ، وأرفع السماعة على الشيخ وقلت يا شيخ ترى كل شيء جاهز ..!

للعلم الشيخ ما شاف الأرض أبد ، ويوم جاء الشيخ بعد ثلاث سنين ، ولا يدري وش السالفة ..
وخوينا يبي يكسب نص الأرض مع أن هذا ما كان شرطه في البداية أصلاً، كان شرطه إن الفائض من المزرعة يصير النص بالنص ، بس من طيب نفس الشيخ مشاها له وجاء على أساس بيشوف القسم إلا يشوف الزين كله بجنب ، والأرض الفاضية بجنب ثاني ..!

يقول ويلتفت علي ويقول اسألك بالله أيهم إلي تبي القسم إلي فيه المطق والبيت والنخل وإلا الفاضية ؟؟!
قلت لا عاد يا شيخ أنت أختار ، ورجع كرر علي يافلان أسألك بالله أيهم إلي تبي ؟؟
يقول : سكت وقعدت أناظر يقال لي مستحي وقلت عادي يا شيخ بس أكيد إلي فيها البيت والمطق والنخل ؟؟😰
وشوي يكلم إلي يشتغل عنده قال : يا فلان حط الأرض بصكين الأرض المليانة للرجال ، والأرض الفاضية لي ….!

يقول انصدمت وتعجبت من طيبه ، دفع ديني وصابر علي 3 سنين ولاعطيته ولاريال بهالثلاث سنين، وفوقها يفرز المزرعة ويعطيني المليان وياخذ الفاضي شيء مو طبيعي !!
يقول وفرحت فرح لاقبله ولابعده..
أرض الشيخ الفاضية قعدت 5 سنوات قاعا صفصفا ، والرجال صاحب الدين يشتغل ومطق ونخل وعلوم ، وسبحان الله يجي بوسطها يشق طريق الخفجي الحديد ويضرب ارض الشيخ مع النص ويثمن له 7 مليون ،سبحان من رزقه ..
الرجال محسن نيته مع الله سبحانه ، دفع دين الرجال ، ماطلعه من الأرض عشان يشتغل بها والفائض بينهم، الثاني ماطلع شيء وخلاه يختار الأرض !!
أخذ الأرض الفاضية برضى تام ورزقه الله من سايع سماء ..!

العبرة المستفادة من القصة :
خلك على النية تجيك التوافيق ..
لو أغلب قلوب المخاليق ظلما ..
الله يبل الريق في حزة الضيق ..
لا شحت قلوب المخاليق بالماء ..

في حال ودكم تشاركوني قصصكم الحقيقية إلي حصلت لكم ، بشرط "
تكون قصص فيها تفاصيل وعبر"
شاركوني عن طريق الخاص في X أو ىىىنابي .. ادخلوا حطوا قصصكم فقط وراح أشوفها ..
وكذلك عندكم التيل كل يوم نحط سؤال جديد لفقرة وتفضفضون فيه بسريه
tellonym.me

مرحبا أنا هندز معلقة صوتية وكاتبة محتوى وهذا سنابي أقدم فقرات وقصص يوميًا ، وألعاب ذكاء فنانة الحقوها يشرفني تتابعوني وتدعموني لأقدم الأفضل أحبكم 🫂 ، تفضلوا الرابط 👇🏼🔥
snapchat.com