في المحتوى التقني بالتحديد، عقلي بدأ يصنف صانعي المحتوى و بقى عندي مهارة اني احدد صانع المحتوى ده في انهي تصنيف من بدري و اخد قرار المتابعة عليه.
مثلاً فيه مهندسين شطار جداً، بيصنعوا محتوى. غالباً المحتوى ده مش بيبقى كتير، و مش بيبقى consistent و غالباً بيتكلموا في موضوع محدد. دول بيبقوا نوعي المفضل، لو لقيت موضوع مهتم به و له صانع محتوى بالشكل ده بتعلم كتير حقيقي.
فيه صانعي محتوى بيتكلموا عن مواضيع عامة بدون دخول في التقنية نفسها، و دول تمام، غالباً مش بتابعهم عشان كلامهم عن السوق و غيره بقى ليا طرق مختلفة عشان اعرف تفاصيلها (بتكلم عن السوق الأوروبي)
فيه صانعي محتوى، محتواهم بلا محتوى، و بيهروا في اي موضوع و حاطين بادج انهم مهندسين و لو بصيت دقيقتين على السي في بتاعهم هتعرف انهم ملهمش فيها، دول بقيت اتجنب متابعتهم تماماً. غالباً مش بيبقوا عارفين بيقولوا ايه اغلب الوقت و كلامهم مش جاي عن خبرة او مشاكل اتعرضولها بنفسهم.
أفضل محتوى تقني ممكن تتعلم منه حاجة مفيدة غالباً هيبقى في المدونات التقنية بتاعة الشركات الكبيرة، غالباً Cloudflare و Netflix و Meta Engineering و غيرهم عندهم محتوى لمشاكل صعب تتعرض لها بس هتتعلم ازاي بيفكروا في حلول مشاكل بالحجم و الشكل ده.
فيه محتوى بيبقى مفيد برضه و هو التلخيص غير المخل لكتب. و نقطة غير المخل ديه مهمة، اكتر ساعة مش هتستفيد منها حاجة هي ساعة بتسمع فيديو لواحد بيلخص كتاب مهم الف صفحة.
تعلم لغة برمجة جديدة مش مفيد من الفيديوهات لو انت عارف لغة برمجة حالياً كويس.
الفيديوهات بتبقى مفيدة جداً في اول يوم او اتنين مثلاً، تشوف حد بيكتب بيها بس يمكن فيه تفاصيل صغيرة تاخد بالك منها.
الفيديوهات بتبقى مفيدة جداً في اول يوم او اتنين مثلاً، تشوف حد بيكتب بيها بس يمكن فيه تفاصيل صغيرة تاخد بالك منها.
غير كدة الأفضل دائماً تتعلم ال paradigms بتاعة اللغة، تعرف مختلفة في ايه، و تبني مشروع. و مفيد ان يبقى عندك مشروع عارف تفاصيله و لما بتتعلم لغة برمجة بتنفذه باللغة ديه من غير ما تخترع.
انك تتفرج ع حد بيعمل مشروع و تعمله وراه بيبقى مفيد برضه مادام بعد ما هتخلص هتزود حاجات فيه.
انك تتفرج ع حد بيعمل مشروع و تعمله وراه بيبقى مفيد برضه مادام بعد ما هتخلص هتزود حاجات فيه.
مهم جداً توصل لنقطة انك مش بتمشي ورا حد، انت عايز تعمل حاجة و بتشوفها تتعمل ازاي من غير ما تمشي خطوة بخطوة ورا حد.
لو بتبدأ رحلة البرمجة عموماً، انك تبني حاجات اهم مليون مرة من قراءة كتب.
لما ب mentor حد و بيكون جديد و يقولي اقرأ ايه، رأيي دائماً بيبقى و لا حاجة. يلا نشوف مشكلة و نعملها مشروع يحلها و يبقى زي الزفت بكود مش نضيف، و نشتغل من هنا و نشوف المشاكل و نقرأ حاجات بسيطة لكل مشكلة.
لما ب mentor حد و بيكون جديد و يقولي اقرأ ايه، رأيي دائماً بيبقى و لا حاجة. يلا نشوف مشكلة و نعملها مشروع يحلها و يبقى زي الزفت بكود مش نضيف، و نشتغل من هنا و نشوف المشاكل و نقرأ حاجات بسيطة لكل مشكلة.
بعد النقطة ديه ساعتها قراءة كتب كبيرة بيبقى مفيد، مهم انك تتعرض للمشاكل قبل ما تشوف رأي حد في تجنبها عشان اغلب الأحيان بيؤدي لتجنب مشاكل غير موجودة من الأساس.
مهم كمان ان الإنسان يتعلم ان أسوأ كود في العالم، هيشتغل برضه، عشان في بعض الأحيان انك تشغل حاجة بسرعة بيبقى هو الهدف.
مهم كمان ان الإنسان يتعلم ان أسوأ كود في العالم، هيشتغل برضه، عشان في بعض الأحيان انك تشغل حاجة بسرعة بيبقى هو الهدف.
و طبعاً التنصل المهم بتاع ديه مش قواعد، بس يعني هي نقط فعلاً مفيدة
جاري تحميل الاقتراحات...