مجرد ملاحظات😉
أبو محمد الجولاني قال كلمة مهمة ف حواره مع ال CNN معرفش ازاي محدش من محنكين وخبراء الشأن السوري علق عليها، بس يمكن لانه 99.99 %من الخبراء عندنا بينقلوا من الاعلام الدولي ويطلعوا يتشدقوا بيه علينا وكأن معاهم كتز قارون المدفون؟ جايز🙄
غير ان كان المفروض قناة CNN بلّغت الحكومة الأمريكية عن موعد لقائها بالجولاني وأخذت ال 10 مليون دولار،وغير إنه شبيه لثيودر هرتزل مؤسس الصهيونية العالمية😱🫶
الجولاني قال كانوا متدربين ومستعدين للمعارك دى من كذا شهر كلمة تعدي عادي بس اللى فاهم الشأن السوري لازم يتوقف عندها
ليه؟🤔
لانه المشهد السوري قبل بداية العمليات باسبوع واحد بس اتغير
قبل كدا مكانتش جبهة النصرة تقدر تكح في وش حزب الله والحرس الثوري فى سوريا دا غير ان الجيش السوري نفسه كان قادر بلوائين اتنين فقط يتففهم اسنانهم والا مكانوش استقروا من 2019 و سكتوا على تقدم الجيش السوري في مناطقهم اللي المفروض كانت بتسمى "مناطق سيطرة المعارضة" ودليل تاني ان بداية العمليات سموها "ردع العدوان" عدوان ايه يا شباب دا انتوا كنتوا بتكالوا بالشبشب من بشار وايران كل ما تقف دبانة على وشه ويحس بالزهق بقاله 5 سنين!
وبالتالي الداخلة الجامدة دي بتاعة ناس ادربت وكانت فاهمة اللى هيحصل لحزب الله في لبنان من قبل ما يبدا التصعيد الإسرائيلي في لبنان حتى من قبل ما طوفان الأقصى يبدأ !
اللعبة اتلعبت صح
ايران منعت سوريا من إعادة بناء الجيش حتى تظل دمشق بحاجة الى طهران وحزب الله
فالعدو الاسرائيلي استفاد من كدة
لو اتفقت مع ايران يبقى سوريا مسألة وقت.
من كل الاتجاهات العدو عارف يلعبها منين الاول.
غزة الصغننة دي هى البداية اللي قدر تولع المنطقة من الداخل والخارج بحكم لهيب المشاعر الدينية المشحونة من مسلمين ضد الصهاينة اليهود و بعدين ننتقل من دين قصاد دين لمحاربة طائفة الشيعة في لبنان (حزب الله) فنحافظ على بقاء الحرب مع خفض أغلبية الاصوات المسلمة
(عمليات الحوثي بعد ضرب لبنان مكانتش سخنة زي ضرب غزة) ومنها ننطلق بقى على سوريا و نضيق الخناقة أكتر فتبقى بين سنة وشيعة وعلويين واكراد و دروز و مسيحيين مع زيادة في الاضافات باستجلاب المليشيا من جنسيات واعراق مختلفة وكله بإسم الدين!
خليني اسال السؤال بشكل أوضح وأكرر سؤال من اول لعبة طوفان الأقصى
هل الترتيبات اللى طلعت من الادراج دي ترتيبات ناس اتفاجئت بعملية 7 أكتوبر 2023؟
هل الترتيبات والتحركات دي تحركات ناس كانت قاعدة زيينا بتترقب الاحداث وتبني رد فعل عليها من حمامات السباحة بالمنتجعات الاسرائلية في عيد الكيبور؟🤔
دى ناس كانت جاهزة ومتبلغة بكل حاجة
اللى خرج من ادراجه خرايط برنارد لويس
واللى طلع أوراق الشرق الأوسط الكبير
واللى لمع ايدولوجيا إسرائيل الكبرى
واللى كان مسقع الجماعات الإرهابية في شمال سوريا للحظة معينة
دا غير قناة بن جوريون
والممر الهندي
وميناء غزة
والغاز الفلسطيني .. الخ الخ
فالجماعات الإرهابية في شمال سوريا بتستعد من سنة كاملة من قبل ما يبقى في اى مؤشرات ان حزب الله هيتهزم الهزيمة النكراء دي في الجنوب
يا سيدي الفاضل المعدات العسكرية دي عشان تتشحن لسوريا محتاجة شهور والملابس الجديدة نوفي وزراير الافرولات الامريكاني الدهب اللي بتلمع في الضلمة والعربيات اللي لسة باكياس فرشها متشالتش، الناس دي اخدت فترة تأهيل وكانت منتظرة اشارة محددة وزي ما شفنا معنوياتهم مرتفعة وخطواتهم ثابتة وبيستلموا كل حاجة براحة ويسر زي ما تكون عملية تسليم في بيع وشراء بالتراضي!
المقصود من كل دا
ان المشهد من 7 أكتوبر 2023 كان مترتب ومقصود
من اول العملية نفسها
لحد ساعة الصفر
للزحف علي لبنان وانه اول ما جبهة لبنان تسكت جبهة سوريا تولع
اول ما حزب الله يتكسر هووب يلا على سوريا
وأول ما كانت حماس تنهي دورها يبقى الدور على حزب الله. إسرائيل مصعدتش على لبنان الا لما اطمنت ان ضهرها لغزة مش مكشوف
و في عز دمار غزة طلع علينا سماحة السيد حسن زوميرة يلعب في دقنه ويشاور على خرايط ويستعرض في غلاسته ولم يستغل حرب غزة لتثبيت نفوذه او بالاحرى ايران لم ترد تحريك مزيدا من العرائس ودا بالاتفاق مع الولايات المتحدة لاستكمال مشروعها!
حزب الله لو كان فتح جبهة حقيقية معاونة لحماس ضد اسرائيل مكانتش الامور تسارعت بالشكل المهين دا، لكن على الاقل كان المسرحية بقى فيها حبكة اكتر من كدة شوية!
لمن سخر من مصطلحات تمثلية ومسرحية وصفقة.. اعتقد ان الأداء المسرحي الركيك على مدار 11 يوم فى سوريا يوضح لك اد ايه الموضوع لعبة وصفقة رخيصة
وناس جاهزة من سنة قبل ما تحصل تطورات في لبنان محدش كان يتوقعها ابدا الا اللي بيصنعوها وكانوا واثقين انها هتحصل ومظبطين صفقاتهم مع ايران وإسرائيل وحزب الله والأسد وتركيا وحتى روسيا
-١تابع

الكلام دا مش هيجي على هوى اللى لسة بيطبلوا لطوفان الأقصى
انما اللى فاهم من الأول انها مسرحية و 11 سبتمبر فلسطيني ضيع سوريا ولبنان وفلسطين والخطر يلوح الان باليمن والعراق والاردن وايران نفسها، هو اللى هيبقى مستوعب كلامي.
دى ناس لم تفاجأ بما جري في لبنان فتحركت بمنتهى الاريحية في سوريا
جماعات كانت جاهزة من سنة كاملة ومنتظرة نهاية الفصل اللبناني من المسرحية يخلص عشان ترفع الستار عن الفصل السوري ويبدأ العرض.
و بغض النظر عن كلمات الجولاني المدروسة والحقيقية بالمناسبة زي
"كانت بذور هزيمة النظام موجودة دائمًا بداخله... حاول الإيرانيون إحياء النظام، وكسب الوقت له، وفي وقت لاحق حاول الروس أيضًا دعمه. لكن الحقيقة تظل: هذا النظام قد مات". واللي بتعكس تحول في الصناعة ككل "صناعة الارهابيين الامريكية" لها وقت اخر لتحليلها
لكن هو قال بانفتاح شديد لابد ان نسجله:
"نحن منفتحون على الصداقه مع الجميع بما في ذلك إسرائيل"
فكرني بمحمد مرسي أيام "عزيزي بيريز "
مش مهم يطلعوا البهاليل تهتف من تاني
"على القدس رايحين شهداء بالملايين"
مع انه هتاف اتحرق واصبح نشاز من حناجر غربان كريهة
الا انه شاهد على مشهد الانسحاق العقلي امام قيادة بتداعب النزعة الدينية في العقول وتغمسها بالدولار الصهيوني القذر
وعادي نتنياهو برضو بنفس الاريحية طالع يقول احنا بنصرف على "المعارضة السورية" من سنين و كنا بنجهزها!!!
يعنى اللي بيصرف عليهم هو اللي عاملهم مايسترو اوركسترا النشاز الحزين و لسة بيجيب مع ملايين المهابيل جوا عندنا و برة كمان!
ياريت كل واحد يخلي رأيه لنفسه تاني ، احنا منعرفش تقريبا حاجة ، القيادة السياسية والعسكرية هي فقط اللي تعرف كل حاجة وهي اللي هتاخد القرار الصح وهى اللي هتتحمل المسوولية وهى اللي تحملته من يوم نكسة يناير ، مفروض نتعلم من تجارب المراحل السابقة في 14 سنة اللي فاتوا، ازاي عدينا بفضل رجالة ضحت بحياتها عشان ما يدخلها خسيس و جبان، اللعبة كبيرة وخطيرة المرة دي صحيح احنا اقوياء وقادرين على حماية بلدنا لكن المتخطط لنا رهيب ومش هيقف، يعنى احما مش بعيد عن السيرك المنصوب. رجاءا المرحلة دي دورنا الدعم فقط ، خلي التحنيك وقت تاني بعد إذنك 😊
#شيرين_هلال

استكمالا للملاحظات🤓
المشهد السوري بيفرض علينا نغمض عينينا من مفاجآة كشافات النور اللي فجأة اضربت في عينينا كمتابعين للحدث ولسنا صناعه!
تحرك تكوينات وتشكيلات الجماعات الارهابية في السنوات الماضية يستحق التتبع ويتداخل مع الرؤي السياسية بحكم تداخل ادوار الفاعلين من دون الدول مع المشهد الدولي وخصوصا الاقليمي.
التحليلات كتيرة و متشابهة ووارد الاتفاق او الاختلاف لكن في هذه الملاحظات بحاول اقدم رؤيتي مع بعض الرؤى اللي تبدو منطقية على الساحة. ونظرا كمان لسرعة الحدث فالكتابة كتير والمحتوى متشابه احيانا. لكن ما اطرحه هو "الواقعي" قدر المستطاع.
فمثلا لا يختلف احد على ان الهجوم المباغت لجبهة النصرة و حلفاءها من الحماعات والمليشيات مجاش بين يوم وليلة ومفيش عاقل ممكن يقتنع ان التنسيق بين هذا النوع من الكائنات الضارية جاي من عقيدة واحدة وان الحرب قايمة تحت لواء واحد فيهم عن اقتناع،
الناس دي الانفصال والانشقاق و حب الزعامة مع غرور القوة هى سماتهم المتعارف عليها منذ نشأة رحمهم الاول (الاخوان المسلمين) والدليل على كدة شوف كام اخواني انشق عن الجماعة وكام فصيل انشق عن القاعدة وبايع داعش و كام انفصالي انشق عن الكل و كون جماعة او جبهة تحت قيادته. فعشان نشوف هذا التنسيق العالي بالاستعداد والقتال المحترف الواثق لازم يكون في قوة قاهرة هى القادرة على تجميعهم. و في تقديري هذه القوة لا تصلح ان تكون تركيا وحدها ولا اسرائيل لوحدها.
بالرغم من الاعترافات المتتالية من تركيا واسرائيل بمسؤوليتهم عن تدريب وتسليح و اعداد هذه الفصائل لسنوات، و انكار الولايات المتحدة ونفسها لاي علاقة لها من قريب او بعيد، الا ان اللي متابع هيكون فاهم ان دا مش نفس الاداء لهم من بداية الثورة لحد بداية الهجوم، التدريب و التمويل هذه المرة بيشاور على الولايات المتحدة الامريكية رأسا و بدون مواربة وينطبق عليها يكاد المريب ان يقول خذوني!
الحكاية بدأت من روسيا لما أعلن الكرملين انه هيسمح للسوريين وغيرهم من مواطنين الشرق الاوسط بالانضمام إلى جانبه ومكنش غريب لان روسيا هى اللي دربت المليشيات في سوريا بعد ايام من هجومها على اوكرانيا و تحديدا في بدايات مارس سمعنا عن قوائم بأكتر من 40 ألف مقاتل من قوات نظام الاسد والمجموعات الموالية له أعدتها روسيا للانضمام لجانب روسيا للقتال مع الجيش الروسي في أوكرانيا. وبطبيعة الحال مكانتش دي المرة الاولى اللي شارك فيها السوريين في حروب برة شفناهم في السنين اللي فاتت في ليبيا واذربيجان تحت اللوائين الروسي و التركي اما مجتمعين او منفردين!
امريكا قلدتها بنسخة اكثر تنقيحا، ازاي؟
في الهجوم اللي حصل توالت التسريبات (المعلنة) سواء من الشركات العسكرية المتعاونة للتدريب في اوكرانيا او من المنشقين حديثا عن الجولاني (اه متتفاجئش عزيز القارئ-احنا قولنا ان الناس دي صعب تجتمع تحت لواء واحد-مش غريبة بعض الانشقاقات الطفيفة مع ظهور هذه الغنائم يا فندم دفعة واحدة وبهذه السهولة) اقروا جميعا انهم تلقوا تدريبهم في اوكرانيا مع رصد المحللين العسكريين لتكتيكات مشابهة الي بيستخدمها الاوكرانيين وكان من ابرز المعدات اللي تدربوا عليها استخدام طائرات "كاميكازي" بدون طيار لاستهداف مواقع الجيش الروسي في إدلب وفي جميع أنحاء البلاد
طيب هو مش نقل المعدات دي كان من اوكرانيا و الرئيس الاوكراني يهودي وحليف لاسرائيل، طيب ممنعش ليه هذا النوع من التدريب او سمح ليه بنقل السلاح؟
يعنى نفهم ان أوكرانيا وسوريا كالعادة هما الحدائق الخلفية لملاعب الكبار زي ما قلنا من شوية، المسألة ترتيب قوى كبرى هى اللي نسقت للدخول المنظم والمباغت،كان استغلالا لضعف الجيش الروسي في سوريا بسبب انهاكه في أوكرانيا، ولذلك افتقر بوتن إلى الموارد اللازمة لدعم الأسد.
طيب دا كان حاصل من مدة طويلة فين من مارس 2022 لحد نوفمبر 2024؟
-٣تابع

وكلامي برضو مش على هوى المحنكين ولا المنبطحين للمكاومة والصمود المزعوم
زي ما ذكرنا في الملاحظات اللي فاتت ان كله كان متحضر بميعاد واضح ومدروس كان مطلوب ان مسرحية طوفان الاقصى تحصل الاول فيحصل انهاك لحماس في غزة ، فيتم استقطاب حزب الله بدعوى الاسناد لجبهة غزة ثم الوثوب الى سوريا بكل هدوء ورشاقة بمجرد ما نتنياهو اعطى الامر
و في مشهد عبثي اخر تلاقي تقارير طالعة من الاستخبارات
الروسية بتتكلم عن أطلاق سراح نحو 60 مسلح من السجون السورية الخاضعة لسيطرة الأكراد في شهر أبريل بمشاركة أميركية لنقلهم لأوكرانيا، وتم تحويل قاعدة التنف الأميركية في سوريا ل "مركز" إرهابي، يتم تدريب المسلحين الموالين لواشنطن من أجل نقلهم إلى أوكرانيا.
مش هننكر طبعا ان جزء من نشوة بوتين بانتصاره في سوريا، احد اسباب دفعه لغزو أوكرانيا مع التهديدات الاوكرانية للانضمام للناتو ونشاط المعامل البيولوجية على حدوده
لكن وقع في فخ أوكرانيا بالتالي قيده عن التدخل في سوريا. كل دا مع استعداد الداخل السوري المتهالك جراء سياسات الاسد البالية
مفيش خلاف على صبيانية حماس وتلكوء حزب الله هنا اللي فتحوا الطريق لتدمير محور
المقاومة وانتهت احلام طهران الكبرى مع تجاهل نصرالله وإيران الحقائق عن تكوينات البيئة السياسية في الشام عموما ان الشيعة في لبنان ونظام الأسد في سوريا أقليات بتعتمد بشكل كبير على القوة العسكرية من أجل البقاء ولولا قوة حزب الله والمجازر اللي ارتكبها حزب الله من اجله في سوريا لما بقى بشار في الحكم بعد 2013 ولولا الطيران والتدريب و التسليح الروسي لما بقى ابوه حافظ الاسد في السلطة من اساسه. اما نصر الله فوقع في فخ الطاعة العمياء محمولا بحلاوة التمويل غير المحدود فرضخ للخارج وفرد عضلاته على الداخل اللبناني اللي كان يمقت سماجته (سماحته) كان خاسر قبلها لكتير من الدعم العربي بسبب جرايمه في مصر مع احداث ثورة يناير ومع جرايمه السابقة في سوريا غير بطشه بالداخل اللبناني في تنفيذه اغتيال رفيق الحريري وضلوعه بجرائم عديدة اخرها انفجار مرفأ بيوت او حضراتكم تتذكروا.
و زي ما لكل شيء نهاية، نهاية الاسد كانت مع تخلي حلفاءه وعدم مرونته ثم وجود الوقت المناسب اللي هيأته اسرائيل بالاتفاقيات مع تركيا اللي هى كمان كانت جاهزة ولها مصالح في سوريا كان لازم تعمل كموفلاچ المفاوضات اللي عارفة مسبقا انها غير قابلة للتنفيذ-ببساطة دخلت المفاوضات عشان تسجل على الاسد نقطة وهى في نفس ذات اللحظة بتاريخ 19نوفمبر بتستقبل رئيس الشاباك الاسرائيلي رونين بار في زيارة شديدة السرية - دلوقتي فهمنا ليه- تحت ستار التباحث حول ملف صفقة الرهائن في قطاع غزة🙄
بار قابل رئيس وكالة الاستخبارات التركية إبراهيم كالين، ويقال انه قابل رتب عسكرية لكن لم يتم الاعلان عن اسماء و لا موضوعات اللقاء!
كله كان تكهنات لكن وسط تقارير إعلامية عن طرد قطر لقادة حماس وتوجههم إلى تركيا اللي بسرعة طلعت نفت الاخبار بعد ما امريكا اصدرت تحذير شديد اللهجة للتركيا من استضافتهم، فكان ليه اللقاء بقى؟😏🤔
واضح ان اللقاء السري المسرب مكنش بخصوص غزة ولا يحزنون- دا كان للترتيب لاجتياح سوريا في ضربة خاطفة زي ما شفنا ولسة هنشوف!😱🤦🏻‍♀️
فتلاقينا كدة بالصدفة في الليلة اللي وقفت اسرائيل حربها على لبنان فجأة وبدون مقدمات تلاقي اللي بيسموها المعارضة المسلحة تحت 1000 مسمى: جبهة تحرير الشام ، جبهة النصرة ، جبهة تحرير القرود والنمور والأسود، اللي اغلبهم واخدين جنسيات تركية و دعم تركي و لبن عصفور تركي قلعوا الزي المدني و لبسوا الزي العسكري التركي و رفعوا الاعلام التركية و هى بتجتاح سوريا لتحرير حلب من اهل حلب صدفة!!
التسليح المتفوق عن تسليح الجيش النظامي والمليشيات اللي اترتب دخولها في وقت واحد من الشمال السوري وتحريك الحشود العسكرية التركية على الحدود مش عايزة كلام!
تقدر تطلع على الدور التركي في ردع العدوان بالتفصيل في هذا السرد السابق
👇👇
x.com…
ضيف على كل الدعم من تركيا و اوكرانيا اللي حصلته جماعتها الوظيفية (الجهاديين/الارهابيين) اللي وصلوا لمرحلة من الانكشاف و التبجح انهم بيعلنوا التنسيق اللي ادى لسقوط سوريا و الجيش السوري بتسليحه تحت ضربات اسرائيل في يوم وليلة مكنت اسرائيل تعمل اللي مكانتش تقدر تعمله من50 سنة
-٤تابع

ملاحظة اخرى اتحققت مع مسرحية طوفان الاقصى مرورا بالجنوب اللبناني وصولا لسقوط سوريا هى تمكن الصهيونية من اقناع البعض بان ايران هى "العدو الغبي" ولكنها لم تستطع بالطبع اقناعهم بان اسرائيل هى "الصديق العاقل" لا تزال اسرائيل عدو في نظر الجميع حتى لو كانت تبدو "عدو عاقل" محدش هيقدر يتجاوز مجازر اسرائيل في السنة اللي عدت بس ما بالكم مجازرها على مدار 80 سنة.
و كل دا يضعنا فعلا امام مشهد خريطة الشرق الاوسط اللي رفعها نتنياهو في الامم المتحدة و قال اننا نصنع شرق أوسط جديد، اصبحنا امامها فعلا ويتوجب علينا التعاطى مع حدوثها على ارض الواقع و ما سترتبه من تداعيات. لا يغرنكم سكوت الجولاني و اتباعه - بمعنى لعبة المقاومة طول عمرها بتحقق مكاسب للعدو - مبقيتش تخفى على أحد - قاوم قاوم قاوم و اسرائيل تدخل تاخد مكاسب سواء قانونية (حق الدفاع الشرعي عن النفس) أو مادية زي الاراضي الجديدة اللي بتضمها. الجولاني كان من اكبر ادواره اسقاط سوريا فعل دوره خلص و لا ابتدا هيبان في الايام القادمة . وبعيدا عن الاسماء و الاشخاص فالمقاومة المزعومة فكرة ما زالت مثمرة لنقل رقعة الصراع لبلدان مجاورة و الاهداف كتير بداية من الاردن و العراق ، والاخوان المسلمين جاهزين في كل السيناريوهات،
زي لما كانوا جاهزين في مصر بعد سقوط حسني مبارك، وكانوا جاهزين في سوريا لتولى السلطة المؤقتة بالاتفاق مع جماعات الجولاني، هما جاهزين في الاردن والعراق برضو.
و زي ما قلنا هما الرحم اللي تولد عنه كل هذه التنظيمات، هما كمان الواجهة السياسية البراجماتية الجاهزة لحديث مع العالم الخارجي وقت الانقضاض على السلطة في الدول المنهارة، ثم تسليمها للمجهول زي سيناريو السودان المنسي، او ليبيا المقسمة.
السيناريو مكملش في مصر نظرا لوجود جيش ومؤسسات قوية وظهير شعبي رافض وجودهم. ومكملش طبعا في تونس والمغرب لاسباب اخرى لكنه حتما هياخد سوريا والهلال الخصيب لسايكس بيكو 2 زي ما بيقولوا.
بعد كل اللي اتحكى واللي اتشاف الايام القليلة الماضية احب اقولك الشيء اللي يطمنك كمواطن مصري، بكل اريحية و ضمير:
القيادة في مصر كانت عارفة بالمخططات من بدري اوى بدليل انك الجيش الوحيد اللي انتصر على اسلحة الحرب الحديثة (الجماعات الارهابية) وانت البلد اللي فيها اقوى جيش اتصرف عليه من اللحم الحي حرفيا كنا بنقطع من قوتنا ومقدراتنا عشان يكون عندنا تسليح رادع. صحيح عمرهم ما هيوقفوا المحاولات بنفس السلاح واحنا الجيش الوحيد اللي افضل لكن احنا برضو محضرين انفسنا كويس. التعويل في معركتنا خلافا عن باقي حلبات المعارك في المنطقة، على الوعي الشعبي المصري اللي كل مرة بيثبت انه عظيم، برغم تنغيص المحنكين عليه عيشته ووجود المتصيدين والخلايا النايمة لكن الشعب المصرى بمختلف شرائحه صاحب خبرة سياسية صاحبة الكلمة العليا.
رجاءا دعونا لا نستبق الاحداث و لا نحاول إملاء مواقف على القيادة المصرية في هذه المرحلة (الممتدة) لفترة مش قليلة ، هيزيد فيها ويفيض الالتباس وتنتشر الشائعات والحروب النفسية على الشعب المصري واول حاجة زي ما اتعودنا الضرب بين الشعب وجيشه وقيادته. مش وقت خالص متابعة منصات معروفة بالكذب والتضليل لمعرفة اخبار بتطلع في الاخر مكذوبة. دا وقت القابض على عقله كالقابض على جمرة من نار.
وللحديث بقية
#شيرين_هلال

@omarzakzouk باقي السرد استاذنا

@RamdanR024 اتفضلي حبيبتي هو طويل شوية انا نفسي كتبته على مراحل بس فيه استرجاع مهم للمشهد

@ThebesKnight كملي يا عنود بعد اذنك الموضوع طويل و فيه تذكرة ببعض التفاصيل

مزيدا و مزيدا من الملاحظات على المشهد السوري
تهافت المجتمع الدولي على تقبل بل والترحيب المبالغ فيه بنظام جبهة تحرير الشامX داعش X القاعدة عن اقتناع يا بيبي مش عن اجبار فدا يخلينا نتحسس نظارات التحليل ونغوص في دهاليز المشهد وصناعه
الشغل في سوريا برغم انه يشوبه التكرار والملل بس فيه تجويد وتركيز من النوع الفاخر على الاخر، نوع كدة يذكرنا بأيام سياسة الاستيعاب في المستعمرات البريطانية ايام الزمن الجميل اللي كان الاستعمار فيه بيطل بوجه وجسمه وشحمه ولحمه مش عن طريق وكلاء زي النهاردة.
غير النسخة الامريكي اللي دائما مش محبوكة ومقلدة وتعتمد على سرعة الحدث وتشتيت الانتباه، الانجلو ساكسون عندهم تأني وحنكة سياسية في انتقاء العناصر عموما بتاعة الشغلانة سواء عناصر العملاء او رقع الصراع المستهدفة. ميشغلوش بالهم بأكل الكيكة كاملة لو فيها اجراء ممكن تنساب لزوم ليونة العملية كلها ويعرف يبلع الكيكة والكل بيضرب له تعظيم سلام. بريطانيا بتتميز بخبرة واسعة في التعامل مع مختلف الطوائف وتطويعها لخدمة مصالحها، نضيف لهذا كمان توغلها في الهلال الخصيب في القرن الماضي عند وراثة الدولة العثمانية بموجب سايكس بيكو 1916 واللي كانت بين انجلترا وفرنسا وروسيا. انجلترا اللي قلمت اظافر أمراء طوائف في كام شهر وسلمتهم للاحتلال الفرنسي لوزة مقشرة ، بمساعدة لورانس العرب والشريف حسين و موال ملوش مجال دلوقتي لكن ملخصه ان الانجليز حضَروا امراء المنطقة في سوريا مجالس مع الصهيونية في بداية القرن واقنعوهم بان هجرة اليهود لفلسطين هجرة بناء وتنمية!
لدرجة ان اللي حضرتك بتسمعه النهاردة من تمجيد في المستعمر وعملاءه هو نفس اللي قاله الشَريف فَيصل بن الحسينِ ملك العراق ومن أشهر ساسة العرب في العصر الحديث، وأحد أفراد الأسرة الهاشمية، وكان قائد الثورة العربية الكبرى في الحرب العالمية الأولى، وحكم ملكً غير معترف به للمملكة العربية السورية من مارس حتى يوليو من 1920 وبعد ما البريطانيين لمعوه وغرقوه، سلموه تسليم اهالي للفرانسوية عزلوه!
التاريخ بيقولك فيصل دا كان حبيب انجلترا ولف على المدن السورية في زيارته لحلب 1918 خطب فقال :
"ان لحكومات فرنسا وبريطانيا اليد البيضاء في مساعدتنا، ولا ينسى العرب فضل معاونتهم"
وكان الحماس لفيصل ايامها زي اللي جنابك متابعه دلوقتي للجولاني ولا احمد الشرع ايا ان كان المسمى لدرجة انه كمل لف على المدن السورية وصولا لطرابلس اللي قوبل فيها بحماس منقطع النظير، أكد خلاله أهالي طرابلس أنهم جزء من سوريا-شوف ازاي يا مؤمن🤦🏻‍♀️🙄😱
نفس حالة الاقتناع حاليا اللي عند الاغلبية بين الطوائف واصحابها بان مفيش قلق من اسرائيل و هيا بنا نعمل سلام ونجيب وئام وهنبقى كلنا على ما يرام، برغم من تدمير كل طيران وبحرية وعتاد الجيش السوري وهما متصالحين مع دا تماما حتى السوريين في المهجر واللاجئين في مختلف بلاد الدنيا عايزين يرجعوا تحت إمرة الارهابيين عادي.
سجلت بريطانيا وجودها العسكري في سوريا بقاعدة عسكرية بالقرب من معبر التنف عند المثلث الحدودي السوري-الأردني-العراقي. (شوفت الموقع المتميز- شايف الارتكاز- شاهد رأس حربة القواعد) عملتها امتى؟
في 2016
طيب عملتها ليه؟
التقارير بتقول انها بتضم 50 خبير عسكري بريطاني إغير الجنود والضباط. وتمّ تأسيسها في الأساس لتدريب وتسليح عناصر الجيش السوري الحر، واخد بالك انت🙄
تخيل بقى يا محترم ان هذا الجيش السوري الحر بيقول على لسان احد قاداته في حوار مع صحيفة "تايمز أوف إسرائيل" (الله الوكيل لو ظابط متقاعد في مصر متجرؤش صحافة اسرائيل تطلب منه حوار-يا احرار🫤)
"المعارضة المسلحة ترى في إسرائيل شريكًا محتملا بعد الإطاحة بالنظام. نطمح إلى سلام كامل مع إسرائيل ونسعى للتعايش كجيران". والصحيفة بتقول انه اعرب عن امتنانه لدور إسرائيل في ضرب البنية التحتية الإيرانية وحزب الله داخل سوريا، مؤكدًا أن "الضربات الإسرائيلية ساعدتنا بشكل كبير"!
-٦تابع

زي ما اقنعت بعض امراء العشائر والطوائف بهجرة اليهود في بدايات القرن الماضي، حلت الاحتلال الاسرائيلي في بوء الجيش السوري الحر واخريين، يا جماعة اسرائيل دي اللي كانت بتضرب في غزة!
لا هنبوسها من بوءها عادي
يا ولدي اسرائيل اللي بتدنس أولى القبلتين وثالث الحرمين المسجد الاقصى
لا تعمل اللي على كيفها احنا حبايب
اسرائيل دي اللي بتدعوا عليها في الجوامع مع كل صلاة
لا عادي هنستغفر
يا ولود كذا ويا ولود كذا اسرائيل اللي سارقة الجولان واشياء اخرى
لا ميهمش عادي دا احنا نوصله لحد البيت
عموما هو احنا مش لازم نستغرب خالص خالص خالص لان التبريرات على احتلال اسرائيل اجراء من سوريا بانهم كانوا محتلين من الايرانيين والروس، لا تختلف ابدا عن استعانة اجدادهم بالسلاجقة الاتراك والصفويين الايرانيين و هى جمعية هناك ودايرة ومتطابقة تماما مع ما كان يفعله اجدادهم!
العباسيين استخدموا أبى مسلم الخراسانى وهو خطيب بارع نجح فى استمالة العرب والفرس فى خراسان فيما عرف بـ"الثورة العباسية"، بداية ثورات العباسيين ضد الأمويين واللي انتهت بانتصارهم، بعد سقوط مروان بن محمد وبعتوا قتلوه فى مصر
والحاصل امام عينيا النهاردة على الشاشات عملوه برضو العباسيين بمجرد سيطرتهم على الحكم لاحقوا كل امراء الأمراء الأمويين، حتى الخليفة العباسى الأول جمع اللي اتبقى منهم وأمر بذبحهم أودام عينيه و غطى جثثهم ببساط وطلب أكل كتير وقعد يأكل ويشرب وهما لسة بيتحركوا فى النزع الأخير، دا غير نبشهم مقابر جميع خلفاء وأمراء الدولة الأموية ما عدا الخليفة عمر بن عبد العزيز، بالإضافة إلى أنهم قاموا بمطاردة العلويين اللي ساندوهم فى تحقيق مرادهم، وهو دا اللي بنشوفه النهاردة صراع سياسي بمسميات عصرها وعشان عارفين شعوب المنطقة بيحولوه واحدة واحدة لصراع طائفي عرقي ديني بس تستوى معانا الطبخة شوية لكن الحدوتة كلها بدل العباسيين حط الاسرائيليين، وبدل الخراساني حط الاردوغاني اللي بيقولك ممكن نشوف حلب وإدلب ودمشق محافظات تركية عادي عادي عادي!
-٧تابع

كل المشاهد اللي سيادتك شايفها دي لا يمكن تخرج الا من حنك لورد انجليزي بعد ما نفخ البايب وهو مخلص قراية كتب المكتبة المركزية البريطانية وموسوعة بريتانيكا🙄
طب شوف دي كمان
👇👇
بريطانيا كانت من اوائل الدول اللي قطعت علاقتها مع الاسد في 2011 وبتقول في بشار ابشع الصفات وسحبت سفيرها كانت عاملة جمعية اسمها الجمعية البريطانية السورية (: British Syrian Society)؛ جمعية ضغط سورية-بريطانية مقرها في لندن، تأسست في عام 2003 لتعزيز العلاقات بين الحكومة السورية والمملكة المتحدة، وأسسها فواز الأخرس، والد أسماء الأسد زوجة بشار الأسد.، ويديرها كل من اللورد أسكويث، اللورد غرين، اللواء جون هولمز، والسفير البريطاني السابق في سوريا بيتر فورد، نشطت الجمعية في الخفاء وشخصيات بارزة فيها عملت زيارات لبشار في قصره واشرفت على عدد من الانشطة التوعوية في الخفاء ولما تم تسريب مشاركتها انكرت بكل إباء وشمم وقالت أنها لا تمثّل الحكومة البريطانية. يا مؤمن دا روسيا بجلالة قدرها طلبت من بريطانيا تتوسط لها مع الجيش الحر في 2020 🙄
السيطرة التامة حد الانسحاق دي ميعملهاش الا الانجلو ساكسون لانها مش واقفة عند شوية البهاليل دول ، دي وصلت مؤخرا في المواقف العالمية تجاه الاحداث في سوريا. ظهرت متسارعة باتجاه واحد منضبط بنفس ايقاع دقات بيج بن!!
على صفارة واحدة أغلب الدول الأوروبية أخدت موقف موحد من الوضع في سوريا وبرغم انتشار السلاح والمعرفة السابقة بتاريخ الجماعات الدموي والخطورة اللي هيواجهها المسيحيين والاقليات ومشاهد القتل الوحشية، لا وانجلترا ، استبقت المشهد ، اعلنت زيادة المساعدات الانسانية لسوريا رغم ان الساحة مليئة بالدواعش والسلاح في كل حتة والمواطنين غير آمين و حقوق الانسان هناك متعاصة بالدم!
وبنشوف تصريحات تخلو من الكياسة الدبلوماسية زي مثلا تصريح أسبانيا اللي متعطشة يا حرام لاعادة العلاقات مع سوريا
تعالوا كدة بعيدا عن التكنيك والمحنكين نثبت الكلام دا من منظار مقرب للي حصل في يناير 2011 وشوف الفرق في اختيارات العملاء بين المنظر الامريكي راعي البقر و بين اللورد الانجليزي (لورانس العرب) وغيره
لما حبت امريكا تجيب شخصية يلتف حولها المصريين جابت محمد البرادعي اللي مكنش على شخصه قبول ولا هو مدرك طبيعة الشعب اللي جاي يحكمه!
ولما قدمت ثوار يناير كان اغلبهم مجهولين معدومين القدرة على الاقناع او الحشد و لما جابت رئيس جمهورية يا زين ما اختارت "اول جاسوس مدني منتخب" ولما اوعزت لاتباع الاخوان بضرورة الضغط لطلب تدخل خارجي ومحاولة خلق دولة موازية الحدوتة مكانتش محبوكة ولما ضاق بيها الحال خااااااالص اعتمدت على المقاول الجاهل محمد علي اللي بالطبع مملاش عين فنيار نجفة مصدية متعلقة في سقف عمارة آيلة للسقوط!
ناهيك عن بريطانيا لما كانت في مصر قبل ثورة 1952 كان مستوى تنسيقها مع رؤوساء وزارات وأعيان واحزاب سياسية وجماعة الاخوان وحتى الملك وحزب الوفد!
بريطانيا دلوقتي مقدرتش تحمي مرشحها في الرئاسة المصرية أحمد الطنطاوي لان الحق والحق يقال رجالة الاجهزة المصرية كانوا حاشرين رقبة العملاء الانجليز تما زي دكر البط تحت رجليهم، وهذا يا سادة لان بريطانيا خرجت من مصر فعلا خرجت مقلمة الاظافر وكانت جولتها الاخيرة تشهد على محاولات الفلفصة الفاشلة.
بعكس المشهد في سوريا بيتسابقوا مين يحتلهم الاول وعملاء بريطانيا شغالين حمد وتسبيح باسم اسرائيل والغرب!
اخيرا وليس اخرا، هى مجرد ملاحظات مثبتة بالادلة والمشاهدات على حدث متسارع لكن التاريخ بيتكتب على كل الاحوال وشاهد على الجميع.
و مع ملاحظات اخرى لو أذن الرحمن
#شيرين_هلال

@abdo26157 اقرا. من اول هنا كفاية هنشوف ليه اللي بيحصل مقبول جدا