🔴 بشار الأسد سقط.. بس هل سوريا اتحررت فعلًا؟!
شوف يا سيدي.. عشان تفهم اللي بيحصل دلوقتي في سوريا، لازم ترجع بالزمن لورا شوية، وتركز في اللي بيحصل في الشرق الأوسط بقاله سنة وشهرين تقريبًا.. 👇 x.com
شوف يا سيدي.. عشان تفهم اللي بيحصل دلوقتي في سوريا، لازم ترجع بالزمن لورا شوية، وتركز في اللي بيحصل في الشرق الأوسط بقاله سنة وشهرين تقريبًا.. 👇 x.com
الحكاية كلها بدأت مع الثورة السورية في 2011 اللي كان كتير فاكرينها في البداية هتقضي على ديكتاتور جديد زي ما حصل في الربيع العربي في مصر وتونس وغيرهم.. بس اللي حصل كان عكس كده.. والديكتاتور هو اللي على مدى سنين استعان بروسيا وإيران في سحق المعارضة..
وحول الثورة السلمية لحرب أهلية مات فيها أكتر من نص مليون سوري، واتهجر اكتر من 12 مليون سوري بره حدود بلده لحد النهارده..
ولفترة طويلة جدًا، "بشار الأسد" كان بيحكم البلد بالحديد والنار.. محدش مسموحله يفتح بقه ولا يتكلم، وإلا هيكون مصيره ورا الشمس في قلب السجون والمعتقلات ..
ولفترة طويلة جدًا، "بشار الأسد" كان بيحكم البلد بالحديد والنار.. محدش مسموحله يفتح بقه ولا يتكلم، وإلا هيكون مصيره ورا الشمس في قلب السجون والمعتقلات ..
اللي بيغيب فيها الخصوم السياسيين ومحدش بيعرفلهم طريق.. وفي مقابل ده، المعارضة والميليشيات السورية المعادية للنظام تراجعت وبقت مش قادرة تتواجد إلا في اقليمين في أقصى الشمال على الحدود مع تركيا، هما اقليم "حلب" و"إدلب"..وفضلت حالة التعادل أو الـ Stalemate دي مستمرة لوقت طويل جدًا..
⚫️ بس فجأة بقى من كام يوم فاتوا، وفي مفاجأة غريبة ومذهلة، الموازين كلها اتغيرت، والكفة انقلبت رأسًا على عقب.. المقاومة المسلحة يوم 27 نوفمبر اللي فات أطلقت هجوم عنيف وغير مسبوق استولت فيه على مدينة "حلب"، تاني أكبر مدينة سورية، وبعدها بدأوا يتوغلوا، واستولوا على "حمص" هي كمان..
في طريقهم للعاصمة "دمشق"..
طيب الجيش السوري الموالي لبشار كان فين؟
محدش عارف.. ناس كتير بتقول ان الجيش أصلًا مكانش بيحارب الثوار.. بل يا إما بينضم ليهم يا إما بينسحب.. وحسب تقرير عملته صحيفة "تليجراف" البريطانية نقلًا عن محللين عسكريين..
طيب الجيش السوري الموالي لبشار كان فين؟
محدش عارف.. ناس كتير بتقول ان الجيش أصلًا مكانش بيحارب الثوار.. بل يا إما بينضم ليهم يا إما بينسحب.. وحسب تقرير عملته صحيفة "تليجراف" البريطانية نقلًا عن محللين عسكريين..
فالسبب في سقوط الجيش السوري بالسرعة دي كان الأجور المنخفضة وتراجع معنوياتهم..
وكمان الثوار ادوا الفرصة للي عايز يستسلم انه يستسلم ومحدش هيمسه، ويقدر يرجع لأهله وعيلته في سلام.. وده اللي حصل فعلًا..
وكمان الثوار ادوا الفرصة للي عايز يستسلم انه يستسلم ومحدش هيمسه، ويقدر يرجع لأهله وعيلته في سلام.. وده اللي حصل فعلًا..
وفي مشهد مذهل كإنه حلم خيالي سريالي حصل بعد سنين طويلة من الحرب والدمار والمذابح، فجأة الثوار يستولوا على سوريا كلها، ويدخلوا العاصمة دمشق نفسها، بدون حرب تقريبًا!
🔴 طب ثانية واحدة.. هو روسيا وإيران مش كانوا بيدعموا نظام بشار لسنين طويلة..
🔴 طب ثانية واحدة.. هو روسيا وإيران مش كانوا بيدعموا نظام بشار لسنين طويلة..
وهما السبب في الدمار اللي حصل في سوريا ده كله الفترة اللي فاتت، عشان يحافظوا عليه في السلطة ويرعوا مصالحهم؟ أومال هما فين؟
روسيا وإيران دلوقتي مش فاضيين خالص.. روسيا طالع عينيها في أوكرانيا، وبتحارب ضد حلف الناتو كله تقريبًا..
روسيا وإيران دلوقتي مش فاضيين خالص.. روسيا طالع عينيها في أوكرانيا، وبتحارب ضد حلف الناتو كله تقريبًا..
وإيران مشغولة مع اسرائيل في لبنان، ومحدش فاضي أو قادر يوفر أي مساعدة لبشار..
وهي دي الفرصة اللي كان الغرب مستنيها بقاله سنين.. واللي أول لما شافها سانحة، قرر انه حان الوقت لإن الخريطة نفسها تتغير..
🟠 طب يعني أيه الخريطة تتغير؟!
ركز بقى معايا في الكلام اللي جاي ده..
وهي دي الفرصة اللي كان الغرب مستنيها بقاله سنين.. واللي أول لما شافها سانحة، قرر انه حان الوقت لإن الخريطة نفسها تتغير..
🟠 طب يعني أيه الخريطة تتغير؟!
ركز بقى معايا في الكلام اللي جاي ده..
شوف يا عم.. من ساعة ما بدأت حرب غزة على اسرائيل في 7 أكتوبر 2023، والمنطقة كلها بتشهد تغيرات غير مسبوقة.. إسرائيل استولى على حكومتها أكتر وزراء متطرفين في تاريخها تقريبًا، وبدأوا ينفذوا مخطط تكوين "إسرائيل الكبرى"، اللي بيحلموا بيها من زمان..
والحقيقة ان الموضوع كان ظاهر للكل من أول يوم في الحرب، ومكانوش حتى بيحاولوا يخبوه.. دول كانوا طابعينه على اكتاف اللبس العسكري لجنودهم في الميدان، ودي صورة حقيقية لخريطة الشرق الأوسط الجديد اللي بدأوا تنفيذها بالفعل، وأمريكا ادتهم الضوء الأخضر كمان.. x.com
الموضوع بدأ بدك غزة بالكامل.. وبعدين دخلوا على لبنان.. ودلوقتي جه الدور على سوريا.. واللي انت متعرفوش بقى هو ان كل ده جزء من خطة مرسومة من 2006، اسمها "خطة الدم".. هدفها تقسيم الشرق الأوسط مرة أخرى، لكن المرة دي بشكل مختلف تمامًا..
⚫️ الخطة دي أول واحد اتكلم عنها كان جنرال أمريكي متقاعد اسمه "رالف بيترز"، واتنشرت في مقالة طويلة في مجلة Armed Forces Journal، وهتلاقي اللينك بتاعها هنا أهو لو عايز تقرأها مترجمة:
drive.google.com
drive.google.com
المهم ان الخطة دي يا صديقي بيقول فيها الكاتب ان حدود الشرق الأوسط قديمًا بعد الاستعمار، وبعد ما تم تقسيمها في اتفاقية "سايكس بيكو"، اتقسمت بطرق تعسفية وظالمة وضعها المستعمرون دون مراعاة للحقائق العرقية أو الثقافية أو التاريخية..
وفي رأيه ان افضل طريقة لحل مشاكل الشرق الأوسط هي بتقسيم دول العرب والخليج لدول جديدة بتراعي الأعراق والثقافات بشكل أفضل.. والتقسيم ده يكون كالتالي:
1- دولة كردية مستقلة: إنشاء دولة كردية بتضم أجزاءً من تركيا وإيران والعراق وسوريا.
1- دولة كردية مستقلة: إنشاء دولة كردية بتضم أجزاءً من تركيا وإيران والعراق وسوريا.
2- دولة عربية شيعية: تشكيل دولة جديدة في جنوب العراق وأجزاء من الخليج لتمثيل الشيعة العرب.
3- تقسيم العراق: تقسيم العراق إلى 3 كيانات مستقلة: كردية، وسنية عربية، وشيعية عربية.
3- تقسيم العراق: تقسيم العراق إلى 3 كيانات مستقلة: كردية، وسنية عربية، وشيعية عربية.
4- تغييرات في السعودية وإيران: تقليص مساحة السعودية بشكل كبير لتقليل قدرة العائلة المالكة على تصدير الفكر الوهابي للبلاد المجاورة، وتقليل نفوذ السعوديين على باقي مناطق الشرق الأوسط.. وإعلان مكة والمدينة يكونوا مناطق مستقلة تحت حكم إسلامي أكاديمي أشبه بالفاتيكان كده..
وبعدين إعادة توزيع المناطق الغنية بالنفط بين المسلمين السُنة والشيعة، وإعادة تعريف حدود إيران لتتماشى مع الأغلبية الفارسية.
5- القدس وإسرائيل: رأيه هنا كان بيتلخص في ان مشكلة اسرائيل وفلسطين معقدة، وفكرة قيام دولة فلسطينية بردو معقدة جدًا.. بس لما تبص على خطط اسرائيل بعدها..
5- القدس وإسرائيل: رأيه هنا كان بيتلخص في ان مشكلة اسرائيل وفلسطين معقدة، وفكرة قيام دولة فلسطينية بردو معقدة جدًا.. بس لما تبص على خطط اسرائيل بعدها..
هتلاقي انهم عمرهم ما كانوا هيسعوا لإقامة دولة فلسطينية عاصمتها القدس، والهدف طول عمره كان توسيع مساحة إسرائيل لتمتد من نهر الفرات في العراق ولحد ضفة نهر النيل الشرقية في مصر!
طبعًا الكلام ده هو جزء صغير جدًا من الخطة، وطبعًا تفاصيلها أكيد اختلفت بشكل كبير من 2006 ولحد دلوقتي..
طبعًا الكلام ده هو جزء صغير جدًا من الخطة، وطبعًا تفاصيلها أكيد اختلفت بشكل كبير من 2006 ولحد دلوقتي..
وأكيد اللي متخططله دلوقتي مختلف تمامًا.. بس الفكرة واحدة في الآخر..
🔴 طب أيه علاقة ده كله باللي داير في سوريا دلوقتي؟!
علاقته يا صديقي ان سوريا اتحررت، ورجعت للشعب.. المجرم اللي قضى سنين طويلة بيقتل في شعبه عشان يحافظ على كرسيه ويخدم مصالح روسيا وإيران في المنطقة انتهى خلاص..
🔴 طب أيه علاقة ده كله باللي داير في سوريا دلوقتي؟!
علاقته يا صديقي ان سوريا اتحررت، ورجعت للشعب.. المجرم اللي قضى سنين طويلة بيقتل في شعبه عشان يحافظ على كرسيه ويخدم مصالح روسيا وإيران في المنطقة انتهى خلاص..
بس المشكلة ان الموضوع أعقد من مجرد ان في شعب اتحرر، وللأسف الفرحة اللي دايرة دلوقتي في كل حتة في السوشيال ميديا، (برغم انها مبررة ومفهومة جدًا)، إلا انها بتغفل عن حقيقة مهمة بما لا يقاس..
التحرر السوري ده هيتبعه أحداث جديدة سريعة مش هنلحق حتى ناخد بالنا منها..
التحرر السوري ده هيتبعه أحداث جديدة سريعة مش هنلحق حتى ناخد بالنا منها..
والفراغ اللي سببه هروب بشار من السلطة، واللي بيطلقوا عليه Power Vacuum بلغة السياسيين، لازم هيتملي بطريقة أو بأخرى.. وده اللي بيتماشي بشكل متطابق مع مصلحة الاسرائيليين، اللي بالفعل أعلنوا انهيار اتفاقيات فض الاشتباك حول هضبة الجولان اللي تم وضعها سنة 1974 بعد حرب أكتوبر..
🔴 ودلوقتي وأمام عيون العالم كله وبدون ما حد يقدر يفتح بقه اسرائيل بالفعل استولت على المنطقة العازلة مع سوريا والمواقع القيادية المجاورة ليها، وبدأت تتوغل داخل الأراضي السورية بهدف الاستيلاء على مواقع استراتيجية في ريف "درعا" و"القنيطرة" واحتلالها بشكل كامل.. وأهمها "تل الحارة"..
ومش بس كده.. الاحتلال كمان بدأ هجمات جوية على العاصمة دمشق، والطيران الاسرائيلي قصف مركز البحوث العلمية في دمشق، اللي كانت بتدار فيه برامج الأسلحة الكيميائية والصواريخ الباليسيتية..
وده طبعًا عشان خايفين يقعوا في إيد الشعب، ويستعملوهم ضد القوات الإسرائيلية اللي بتخطط لاجتياح الأراضي السورية!
ودلوقتي، هتلاقي مشاهد Familiar أوي بالنسبة لأي حد كان متابع اللي حصل في بدايات الغزو الإسرائيلي لغزة بعد أحداث 7 أكتوبر.. هتلاقي ان الجيش الصهيوني دلوقتي بيوزع منشورات تحذيرية لسكان (أوفانية، القنيطرة، الحميدية، الصمدانية، الغربية، القحطانية) بإنهم يفضلوا في بيوتهم .. x.com
عشان جيش (الدفاع) مضطر يتحرك للدفاع عن سلامتكم.. وان اللي هيخرج هيتعرض للخطر.. نفس اللعبة بالظبط، بس احنا مبنتعلمش!
اسرائيل دلوقتي بتنفذ اللي هي عايزاه بالظبط، واللي كانت بتسعى عشانه بقالها سنين..
اسرائيل دلوقتي بتنفذ اللي هي عايزاه بالظبط، واللي كانت بتسعى عشانه بقالها سنين..
جاري تحميل الاقتراحات...