شبيحة الأسد والبعث
أخدوني من بيتي كان عمري ١٦ سنة
"إجراء روتيني شوي ومنرجعه"
حطوني بإحدى محلات سوق البلازا جمب الساعة الجديدة بحمص
عطوني دفتر
بدك تعبيه أسماء متظاهرين أو رح نقتلك
كتبت كل أسماء الشهداء والمطلوبين السياسيين والإعلاميين بالخارج اللي بعرفن
أخدوني من بيتي كان عمري ١٦ سنة
"إجراء روتيني شوي ومنرجعه"
حطوني بإحدى محلات سوق البلازا جمب الساعة الجديدة بحمص
عطوني دفتر
بدك تعبيه أسماء متظاهرين أو رح نقتلك
كتبت كل أسماء الشهداء والمطلوبين السياسيين والإعلاميين بالخارج اللي بعرفن
معد يطلع معي أسماء أكتر
طمشو على عيوني
جردوني من تيابي وربطوني وزتو عليي مي وكهربوني
١٦ سنة عمري
ضرب بسلك الكهربا
وطفو فيي سجاير لهلأ معلمة ع جسمي
ضهري كان كله مفتوح من الضرب بأسلاك النحاس
٣ ايام عايش على رغيف خبز واحد
طمشو على عيوني
جردوني من تيابي وربطوني وزتو عليي مي وكهربوني
١٦ سنة عمري
ضرب بسلك الكهربا
وطفو فيي سجاير لهلأ معلمة ع جسمي
ضهري كان كله مفتوح من الضرب بأسلاك النحاس
٣ ايام عايش على رغيف خبز واحد
كان معي ٣ رجال من الحارة لهلأ ما حدا بيعرف شي عنن
الله تطلع بوجهي وبعتلي جماعة الأمن العسكري ليخلصوني من بين ايدين الشبيحة
بوقتا كان في مشاكل بين الشبيحة والامن العسكري
اجا واحد عمل مشكلة وشو عم يعمل هاد عندكن
ضربني برجله على راسي وانا مطمش وفقدت الوعي
الله تطلع بوجهي وبعتلي جماعة الأمن العسكري ليخلصوني من بين ايدين الشبيحة
بوقتا كان في مشاكل بين الشبيحة والامن العسكري
اجا واحد عمل مشكلة وشو عم يعمل هاد عندكن
ضربني برجله على راسي وانا مطمش وفقدت الوعي
صحيت لقيت حالي بسيارة مع شبين ما بعرفن
وصلت ع فرع الامن العسكري بحمص وكان في مطر
انا هون نص صحيان
بتذكر صور بس
اول صورة بتذكرا بفرع الأمن العسكري
أول المهجع كان في زلمي ميت لافينه بكياس نايلون ومتروك قدام المعتقلين
تاني شي بتذكره اني ما كنت حاسس بشي ومخدر
فتت على المهجع
وصلت ع فرع الامن العسكري بحمص وكان في مطر
انا هون نص صحيان
بتذكر صور بس
اول صورة بتذكرا بفرع الأمن العسكري
أول المهجع كان في زلمي ميت لافينه بكياس نايلون ومتروك قدام المعتقلين
تاني شي بتذكره اني ما كنت حاسس بشي ومخدر
فتت على المهجع
بدي اقعد وسند ضهري عالحيط
معتقل حلبي قلي ما تسند عالحيط ضهرك كله مفتوح
انا ماني حاسس بشي ولا عرفان هالحكي
الله يجزيون الخير كان في رجال وشباب اكبر مني ساعدوني
..
تالت شي بتذكره الكرمنتينا (يوسف افندي او المندرين)
ما بعرف ليش بس دائما كنت اسرق من السخرة يلي هنيك كرمنتينا
معتقل حلبي قلي ما تسند عالحيط ضهرك كله مفتوح
انا ماني حاسس بشي ولا عرفان هالحكي
الله يجزيون الخير كان في رجال وشباب اكبر مني ساعدوني
..
تالت شي بتذكره الكرمنتينا (يوسف افندي او المندرين)
ما بعرف ليش بس دائما كنت اسرق من السخرة يلي هنيك كرمنتينا
عم استنى دوري بالتحقيق
اسم ورا اسم يوم ورا يوم اجا اسمي
حاطينلي تهمة حفر انفاق بحي المحطة
كان اكتر حي موالي بوقتا حي المحطة
وعمري ١٦
ماشي
اعترفت طبعا اني حفرت انفاق واعترفت طبعا بكل شي
والله العظيم والله العظيم
كان في واحد جمبي بغرفة تحقيق تانية سمعته اعترف باغتيال الحريري
اسم ورا اسم يوم ورا يوم اجا اسمي
حاطينلي تهمة حفر انفاق بحي المحطة
كان اكتر حي موالي بوقتا حي المحطة
وعمري ١٦
ماشي
اعترفت طبعا اني حفرت انفاق واعترفت طبعا بكل شي
والله العظيم والله العظيم
كان في واحد جمبي بغرفة تحقيق تانية سمعته اعترف باغتيال الحريري
معقول ما نعترف؟
..
نقلوني ع فرع أمن الدولة
أياما كان أوسخ فرع
بتذكر كان عيد الأم يومها
ما كنا منعرف الدنيا نهار ولا ليل ولا شمس ولا برد
يومها عرفت لأنو نقلوني بباص وكان جمبي واحد داخل جديد وسألتو اليوم شو
المهم
أمن الدولة
..
نقلوني ع فرع أمن الدولة
أياما كان أوسخ فرع
بتذكر كان عيد الأم يومها
ما كنا منعرف الدنيا نهار ولا ليل ولا شمس ولا برد
يومها عرفت لأنو نقلوني بباص وكان جمبي واحد داخل جديد وسألتو اليوم شو
المهم
أمن الدولة
المكان اللي عرفت جواته شو يعني هلوسة
المكان اللي بسببه أنا لهلأ ما تعافيت
المكان اللي غيرلي شخصيتي
المكان اللي شفت جواته ناس عم تفقد عقلا
وفقدت عقلي
التعذيب والشبح عالباب والشبح بالجنزير
أول فترة حطوني بمنفردة
لي؟ لأني كنت عبيان قمل من الأمن العسكري
المنفردة عبارة عن ٤ حيطان وبس
المكان اللي بسببه أنا لهلأ ما تعافيت
المكان اللي غيرلي شخصيتي
المكان اللي شفت جواته ناس عم تفقد عقلا
وفقدت عقلي
التعذيب والشبح عالباب والشبح بالجنزير
أول فترة حطوني بمنفردة
لي؟ لأني كنت عبيان قمل من الأمن العسكري
المنفردة عبارة عن ٤ حيطان وبس
طلعت من المنفردة وأنا مبلش هلوسة
حطوني بمهجع مع ٢٠ شخص تقريبا
كنا ننام بلزق بعض ونتناوب بالنوم مشان نساع
..
بيوم من الايام اجو الثوار وصار ضرب رصاص كتير
نبسطنا طار عقلنا
انفتح باب المهجع طمشونا ونزلونا ما بعرف لوين
بس بتذكر اني كنت عم انزل درج طويل
ضلينا بهاد المكان يومين
حطوني بمهجع مع ٢٠ شخص تقريبا
كنا ننام بلزق بعض ونتناوب بالنوم مشان نساع
..
بيوم من الايام اجو الثوار وصار ضرب رصاص كتير
نبسطنا طار عقلنا
انفتح باب المهجع طمشونا ونزلونا ما بعرف لوين
بس بتذكر اني كنت عم انزل درج طويل
ضلينا بهاد المكان يومين
بعرف انه يومين لأنه كان في شباك صغير يفوت منه ضو
المكان مظلم ولهلأ ما بعرف شو شكله
اشتباكات كانت قوية كتير بس ما قدرو الثوار يقربو أكتر من هيك وخلصت الاشتباكات
..
كان في واحد معنا يشتغل بالحلويات
كنا كلنا نكرهو لأن كل الوقت عم يحكي عالكنافة والبقلاوة
المكان مظلم ولهلأ ما بعرف شو شكله
اشتباكات كانت قوية كتير بس ما قدرو الثوار يقربو أكتر من هيك وخلصت الاشتباكات
..
كان في واحد معنا يشتغل بالحلويات
كنا كلنا نكرهو لأن كل الوقت عم يحكي عالكنافة والبقلاوة
كان في واحد من الرستن يغني لأم كلثوم وهو مشبوح
كان في واحد (أبو حلب) يرجع مبسوط من الفلقة
وكان في عسكري الله يجزيه الخير وان شاء الله قابله ويعرفني بيوم من الأيام
كان يهربلي أكل وأنا مشبوح
وبصراحة
هي الفترة كانت الهلوسة مبلشة
فما بعرف اذا هالشخص حقيقي
كان في واحد (أبو حلب) يرجع مبسوط من الفلقة
وكان في عسكري الله يجزيه الخير وان شاء الله قابله ويعرفني بيوم من الأيام
كان يهربلي أكل وأنا مشبوح
وبصراحة
هي الفترة كانت الهلوسة مبلشة
فما بعرف اذا هالشخص حقيقي
مرة قلتله أنه المحقق قلي اليوم رح يطالعني
(ما حصل)
قلي سكوت قبل ما حدا يشوفني عم اعطيك اكل هلأ
قلتله انا هاد آخر يوم هيك المحقق قال
قلي أنت لسا ما فتت عالتحقيق ولا مرة
وبعدا سمعت صوت بعيد قال خراس ولاك
ما بعرف اذا كان الحكي إلي
ولا لشخص خيالي
ولا عنجد كان في عسكري
ولا متأكد من شي
(ما حصل)
قلي سكوت قبل ما حدا يشوفني عم اعطيك اكل هلأ
قلتله انا هاد آخر يوم هيك المحقق قال
قلي أنت لسا ما فتت عالتحقيق ولا مرة
وبعدا سمعت صوت بعيد قال خراس ولاك
ما بعرف اذا كان الحكي إلي
ولا لشخص خيالي
ولا عنجد كان في عسكري
ولا متأكد من شي
إجا يوم التحقيق واعترفت اني مفجر حاجز
عمري ١٦
واعترفت بكتير قصص ما متذكرا المهم شو ما يقلي المحقق قله اي مزبوط انا
بعد التحقيق بيوم نادولي وبصموني على شي ما بعرفه
قلتله شو هاد
قلي بدك تطلع؟ قلتله اي
قلي بصوم
بصمت
وطلعت
طلعت شفت الشمس كان يوم الجمعة
مشيت لعند دوار الحمرا
عمري ١٦
واعترفت بكتير قصص ما متذكرا المهم شو ما يقلي المحقق قله اي مزبوط انا
بعد التحقيق بيوم نادولي وبصموني على شي ما بعرفه
قلتله شو هاد
قلي بدك تطلع؟ قلتله اي
قلي بصوم
بصمت
وطلعت
طلعت شفت الشمس كان يوم الجمعة
مشيت لعند دوار الحمرا
أول شخص بشوفه كان بنت بعرفا من الحارة
رفعت ايدي سلمت قامت دارت وجها
ما عرفتني كان منظري بخري عايف حالي
عاتبتا بعدين وقالت انو اي مزبوط
عرفت وقتا اني ما عم هلوس وخلصت هلوسة
ضلت موجات تجي بالليل
وقت يفتح باب غرفتي قوم وقف ودير وجهي عالحيط تلقائيا
وكتير عادات طولت لراحت
رفعت ايدي سلمت قامت دارت وجها
ما عرفتني كان منظري بخري عايف حالي
عاتبتا بعدين وقالت انو اي مزبوط
عرفت وقتا اني ما عم هلوس وخلصت هلوسة
ضلت موجات تجي بالليل
وقت يفتح باب غرفتي قوم وقف ودير وجهي عالحيط تلقائيا
وكتير عادات طولت لراحت
الحمدلله
الحمدلله
الحمدلله
لولا لطف الله أنا ما كنت عم أكتب شي هلأ
الثورة انتصرت وحكيت يلي بقلبي
سوريا حرة للأبد
وان شاء الله كل واحد بالمعتقلات بيلاقي أهله وبيخلص من كل الأمراض النفسية والجسدية بأقرب وقت
عم نستنا معتقلين #سجن_صيدنايا بفارغ الصبر
الحمدلله
الحمدلله
لولا لطف الله أنا ما كنت عم أكتب شي هلأ
الثورة انتصرت وحكيت يلي بقلبي
سوريا حرة للأبد
وان شاء الله كل واحد بالمعتقلات بيلاقي أهله وبيخلص من كل الأمراض النفسية والجسدية بأقرب وقت
عم نستنا معتقلين #سجن_صيدنايا بفارغ الصبر
جاري تحميل الاقتراحات...