في حاجة كده حصلت
شخص ما بعد كام مره كلام كده قالي انا مش شبهك بصراحه انا شفتك كويسه ولبسك كويس ومحترمه ففكرت فيكي بس انا مش حابب اعمل الي بتقولي عليه زي ان مثلاً نعمل فرح من غير دي جي ورقص واختلاط وان بلاش لبس انسيال ولعب دومنه وسينما عشان حرام
وانه حد عادي وبحب ابقى عادي ومش

شايف اني غلط
سؤال بجد هل العادي هو الحلال ولا الي المجتمع شايفه عادي؟
انا مش بقول عن نفسي متدينه لان الطبيعي ان كلنا مسلمين المفروض
انا بقول انا عاديه لان بالنسبالي العادي اني احاول معملش الحرام ومقاوحش فيه بحجة اني شخص عادي بالذات لو حد هيساعدني ويحاول معايا ابقى احسن
(ليه حد

يبقى عايز حد كويس بس هو مش حابه اصلاً ويقولي امشيلك خطوه وتمشيلي لاني مش همشيلك كل الطريق وانتي واقفه في مكانك ليه اخلي حد يعمل حاجه غلط اصلاً واسمها بنقرب لبعض)
انا مش متضايقه بالعكس انا محترماه اوي لانه كان صريح معايا وهو كويس بصراحه
انا بتكلم عليا عشان انا بقيت تايهه مفيش

حد شبهي
هو يا البس نقاب واسيب شغلي واقول لاي راجل شبيك لبيك من غير ما يكون ليا رأي عشان ابقى متدينه زي ما بعض الناس شايفه التدين غلط
يا البس ضيق واحط ميكب واروح افراح وحفلات ارقص فيها عشان مبقاش معقده وعاديه
الفكره اني بتكلم في امور مفيهاش نقاش انها حرام
ليه الدنيا صعبه كده بجد