ايه اللي حصل في كوريا الجنوبية - العاقلة
في مايو سنة ٢٠٢٢ حصلت انتخابات رئاسية في كوريا الجنوبية، فاز فيها المحامي " يون سوك يول" عن حزب سلطة الشعب المحافظ بالرئاسة على نظيره " لي جيه-ميونج " ممثل حزب المعارضة الرئيسي هناك وبقا رئيس كوريا
لكن اول ما مسك بدأ يواجه شوية احداث كدا تقلل من شعبيته على سبيل المثال
في مايو سنة ٢٠٢٢ حصلت انتخابات رئاسية في كوريا الجنوبية، فاز فيها المحامي " يون سوك يول" عن حزب سلطة الشعب المحافظ بالرئاسة على نظيره " لي جيه-ميونج " ممثل حزب المعارضة الرئيسي هناك وبقا رئيس كوريا
لكن اول ما مسك بدأ يواجه شوية احداث كدا تقلل من شعبيته على سبيل المثال
حادث تدافع عيد الهالوين في اكتوبر ٢٠٢٢م اللي مات فيها ١٥٤ واحد، فالاهالي كانوا عايزين تحقيق للي حصل، والحزب الديموقراطي اللي هو المعارضة عمل مشروع قانون للتحقيق، لكن يون رفض القانون عشان اللي اقترحه المعارضة، وراحت حقوق الناس.
فـ بعد كام شهر، مراته الست " كيم هون هي " تقبل هدية عبارة عن شنطة ب٢٢٠٠ دولار، والخبر يسمع، لان قانون الكسب غير المشروع الكوري بيحظر على الموظفين وزوجاتهم تلقي هدايا بأكتر من ٧٥٠ دولار، ولما المعارضة طلبت يتحقق معاها جوزها رفض.
فـ شعبيته بدأت تنزل، لحد ما في ابريل اللي فات حصلت انتخابات برلمانية هناك كسب فيها حزب المعارضة اغلبية المقاعد، يعني بقوا اغلبية ضده، وكل قرار يبقا عايز ياخده يقفوله فيه وميعرفش يعمل حاجة.
بمعنى انه خلال ولايته اتقدم ٢٢ اقتراح بعزل مسئولين حكوميين بالاضافة ان المعارضة بقت بتتلكك وعايزة تعزله وخلاص، وده خلاه يشك ان المعارضة بتتواصل مع كوريا الشمالية بحيث يخربوها يعني.
لحد ما من فترة صغيرة كدة زعيم المعارضة الاخ " لي جيه-ميونج " اتقبض عليه من مقر الحزب بتاعه بتهم فساد، زي انه اختلس ٧٦ الف دولار وشوية من فلوس الحكومة، واستخدم الكريديت كارد الخاصة بالحكومة عشان يشتري اكل بيه ولمراته، وان مراته استخدمت الكريديت عشان تعزم ٦ من الحزب عالغداء، وانه كان بيستخدم عربية الحكومة عشان مراته " كيم هيه كيونج " كانت عايزة تخلص مشاويرها، وكانوا بيقيدوها مشاوير حكومية
دا غير ان عليه قضايا تانية زي تصريحات كاذبة وهوا مرشح للرئاسة، وتحريض سكرتيره السابق لشهادة زور تخصه، وفساد في مشاريع جوا مدينة سيونجنام، واخيرا وده الاهم التورط في تحويل نقدي بقيمة ٨ مليون دولار لكوريا الشمالية، ليه ولمين محدش يعرف
Mohamed Amer ✍️
المهم المعارضة مش هتسكت عشان زعيمها مسجون، فـ تعمل ايه؟
زعيم الكتلة البرلمانية " بارك تشان-ديه " قالك دا ميعاد تقديم الميزانية السنوية الخاصة بسنة ٢٠٢٥م، وبما انهم اغلبية وكدة كدة حزب سلطة الشعب ملوش اصوات فا مقاطع، فقرروا يخفضوا الميزانية بتاع ٤ تريليون وون وشوية عن بتاعت السنة اللي فاتت، عشان قال ايه يمنع خفض الضرايب عن الاثرياء ويخفض ميزانيات الوكالات الخاصة بالدولة.
ايه هي الوكلات دي بقى ؟
انشطة سكرتارية مكتب الرئاسة ومكتب الأمن القومي، ومصاريف النيابة العامة ووكالة التدقيق الحكومية والشرطة، وتقليل صندوق الاحتياطي الحكومي للنص.
يقوم الرئيس وحزبه يرفضوا، عشان قالك ان هدف المعارضة يحيدوا مهام النيابة والشرطة ووكالات التدقيق الحكومي بحيث يحموا الزعيم المسجون بتاعهم من التحقيق، يعني ضغط اقتصادي كدة عشان محدش يحقق معاه، وبما انهم اغلبية فا رأيهم اللي هيمشي، وقالك اخر ميعاد للتصويت وتمرير القانون هيكون يوم الاتنين اللي هوا امبارح.
فـ يقوم الرئيس يقولك محدش هيلوي دراعي، وجه بالليل والناس نايمة راح طالع بخطاب للامة، اعلن فيه الاحكام العرفية يعني تعطيل الدستور، وحالة الطواريء، وقال ان كل المعارضة لامؤاخذة شيوعيين بتوع كوريا الشمالية، وعايزين يوقعوا استقرار البلاد وبتاع، وقام مانع المظاهرات وهدد بإعتقال اي حد يعمل العكس.
قالك بقا انه الدستور بيكفل للرئيس إعلان الأحكام العرفية استجابة للاحتياجات العسكرية في أوقات الحرب أو الصراع المسلح أو حالة الطوارئ الوطنية أو عندما تتطلب السلامة العامة والنظام ذلك، فـ المعارضة قالتله ان نفس الدستور بيحتم على الرئيس رفع الأحكام العرفية لما تطلب الجمعية الوطنية بموافقة الأغلبية البرلمانية، وفعلا الجمعية الوطنية " اللي اتهمها بالخيانة " مررت تشريع يلغي الاحكام العرفية دي.
فـ ملقاش وسيله غير انه يستعين بالجيش طبعًا
ونزل الجيش الشارع عشان يقتحم البرلمان ويمنع دخول اي مشرعين، بعد ما ادى رئيس هيئة الاركان الجنرال "بارك آن-سو" الصلاحية للتعامل، وفعل علي الجيش الانشطة الحزبية وصادر دور النشر ووسائل الاعلام، فالمشرعين نزلوا وعملوا مظاهرات وانضم ليهم ناس تانية، وقام زعيمهم اللي بيتحقق معاه دعى الناس كلها عشان تنزل ترفض الاحكام دي.
وحاليًا الدنيا داخلة في بعضها هناك وقالك ان كوريا الشمالية هيا اللي ورا اللي بيحصل ده، ومحدش عارف هتخلص على ايه.
احنا يا جدعان اقسم بالله ما عايشين
حتى مش محصلين اننا عايشين في زريبه ..
اكيد الإخوان هما اللي وراها ههه
والله احنا ما عايشين يولاد .. بيقولك الفساد عندهم ام مرات الريس عزمت كان شخص من فيزا تخص الدوله .. احا علينا والله
ميعرفوش ان في كباري مخصوص بتتعمل لمرات الريس
الفساد عندهم عشرين تلاتين مليون 🤣
ميعرفوش ان في كباري مخصوص بتتعمل لمرات الريس
الفساد عندهم عشرين تلاتين مليون 🤣
وبكده تكون حلقتنا انتهت ادخلوا شوفوا باقي الحلقات واهم حلقه اللي حصل يوم ٧ اكتوبر حصل ليه
+ متنسوش تشتركوا وتتابعني وتفعلوا زر الجرس واعملوا اكسبلور
واستنونا الحلقه الجايه ههه
+ متنسوش تشتركوا وتتابعني وتفعلوا زر الجرس واعملوا اكسبلور
واستنونا الحلقه الجايه ههه
اقولك نكته؟
الفساد في كوريا الجنوبية عبارة عن مرات البيه رئيس الدوله عزمت صحابها وصحاب جوزها بفيزه تخص الدوله مش من مالها الخاص
والنبي اضحكوا على خيبتنا
الفساد في كوريا الجنوبية عبارة عن مرات البيه رئيس الدوله عزمت صحابها وصحاب جوزها بفيزه تخص الدوله مش من مالها الخاص
والنبي اضحكوا على خيبتنا
النكته التاني مرات الريس كانت بتقضي مشاورها بعربية الحكومة
احنا في التجمع الرابع ياباشا عربية المجلس المحلي بتبات في حضن رئيس المجلس في البيت وبتودي الأولاد والهانم الحضانه 🤣
احنا في التجمع الرابع ياباشا عربية المجلس المحلي بتبات في حضن رئيس المجلس في البيت وبتودي الأولاد والهانم الحضانه 🤣
هه
جاري تحميل الاقتراحات...