تجربتي مع المترو كانت جيدة مقارنة بالسيارة، لكن لا تعتقد انها مريحة ١٠٠٪ ولا بتحل مشاكلك تماماً، فيه ايجابيات ومن وجهة نظري تطغى على السلبيات، وفيه سلبيات بدون شك وانت قيمها بناءً على احتياجاتك وظروفك. x.com
انا اخذ مشواري اليومي بالسيارة من شرق الرياض الى المركز المالي، صباحاً مابين ٤٥ دقيقة الى ساعة، ومساءً مابين ساعة وربع الى ساعة و٤٥ دقيقة حسب الزحمة والتوقيت .. الخ
اليوم اخذت المترو ذهاباً حوالي ساعة وشوي واعتقد ان فيه عوامل ساعدت في زيادة الوقت، فيه نوع من التوهان ما تعرف وين توقف وفيه صعوبة في الحصول على موقف، تطبيق درب ما اشتغل، فاضطريت استخدم بطاقة مدى ….
ناهيك انه عند الوصول ماعرفت اطلع من أي بوابة واخذت حوالي ربع ساعة اسأل من وين اطلع وكيف اوصل لمبنى عملي، وكان فيه وسائل نقل وصلتني للمبنى لكن اخذ الموضو شوي وقت.
في طريق الرجعة وصلت للمحطة مشي حوالي ١٠ دقائق لأن ماكان فيه سيارات توصلني للمحطة أو يمكن انا ما عرفت القى سيارة، محطة المركز المالي كانت مكتظة بالموظفين واكثر منهم الناس اللي كان عندهم الشغف انهم يخوضون التجربة، عوائل واطفال وغيرهم من زوار المركز.
اخذت وقت للدخول بسبب الزحمة ولكن الوصول الى الرصيف كان سهل بعد الدخول، التطبيق برضو ما اشتغل ودخلت بعد ما تأكدوا اني احمل تذكرة، هذي السلبيات باختصار، واعتقد انها طبيعية في اول يوم عمل للمترو …
المشاكل التقنية في التطبيق متوقعة، الشغف عند الناس متوقع، الزحمة في البداية متوقعة، ومع الوقت هذي الأمور بتبدأ تاخذ منحنى مستقر وطبيعي، بيقتصر الاستخدام على اللي يحتاج، ومشكلات التطبيق التقنية بتنحل بدون شك!
الإيجابيات، كما ذكرت، كانت تطغى على السلبيات. مجرد التخلص من التوتر الناتج عن الازدحام في الطرق، وتقليل استهلاك السيارة وجهدك الشخصي، يكفي لاختيار استخدام المترو. خاصةً مع الوقت، ستبدأ بالتأقلم و تتجاوز الاخطاء اللي في البدايات
يكفي انك تعرف ان مشوارك ياخذ وقت معين وتتحرك على اساسه، مافي مفاجآت في الطريق، اختناقات، مشاحنات، هذا يحدك وهذا يتباطأ قدامك، المرور مقفل مدخل الدائري، حادث يقفل الطريق، انت تعرف ان مشوارك للمحطة س من الدقائق، ومشوار المترو ص من الدقائق .. وأي مشاكل أخرى بتحل مع الوقت
تجربة المترو والباصات ثقافة سنعتاد عليها مع الوقت. لا تتردد في خوضها ، ثقافة النقل العام بتصير جزء أساسي من حياتنا. أرجو أن تتوفر أنظمة النقل العام في جميع مدننا قريبًا
جاري تحميل الاقتراحات...