أهلاً جميعًا👋🏻! ودي أشارك إلي بيقدمون علىٰ الدراسات العُليا في كاوست أو عمومًا أي جامعة أُخرىٰ👩🏻🎓 ليش مُهم جدًا جدًا نعامل [موقع الجامعة]👩🏻💻معاملة الدرس إلي لازم نقراه ونتمعن تفاصيله ونبحث فيه بكل جهد💻 قبل التقديم وأثناء كتابة المستندات المطلوبة✍🏻🔎: x.com
- موقع الجامعة يُعتبر مفتاح أساسي🗝️ وخطوة أولىٰ للتعرف علىٰ كل تفاصيل الجامعة، التخصص، طبيعة البرنامج، دكاترة التخصص، اهتمامات الدكاترة البحثية، نشاطات الجامعة، رؤية الجامعة استراتيجتها وأهدافها🎯، في بعض الطلبة يعاملون موقع الجامعة كشي ثانوي أو خطوة مو في البال وهالشي جدًا غلط⚠️ x.com
عدم قراءة تفاصيل كاوست يعني عدم فهم مدىٰ تناسب هدفك معها وعدم قدرتك على ربط هدفك بما تقدمه كاوست على وجه الخصوص❌، موقع الجامعة لابد يكون صديق التقديم، بس ليش أشدد علىٰ أهميته؟ لأن خطاب الغرض من الدراسة راح يتحول من عام وسطحي لي خاص جدًا وعميق يمثل كاوست دون غيرها بس شلون؟ ✅ x.com
ممكن بالخطاب (SOP) تكتبون إن مهتم بكاوست بسبب وجود advanced facilities هذي مو غلط ولكن تعتبر عامة جدًا😕، لو تقرون الموقع راح تعرفون أماكن معينة تتناسب مع تخصصكم، مثال لتخصصي: bioscience core labs، هني الي يقرا راح يعرف إنك رؤيتكم جدًا دقيقة وعارفين فعلاً شنو كاوست توفر لكم🌟! x.com
- قراءة الموقع تعطيكم نبذة عن استراتيجية الجامعة رؤيتها وأهدافها✨والي ممكن تضيفونها بالسرد في الخطاب عشان توضحون مدى تناسب اهتمامكم البحثي مع رؤية كاوست🫱🏻🫲🏼، راح يضيف بُعد عميق يخلي لجنة القبول لما تقرا تعرف إن الطالب مُلم فعلاً بقيمة المكان ولي وين حاب يوصل ومدىٰ تناسبه📍 x.com
- تفاصيل الموقع تعطيكم لمحة عن طريقة البرنامج والمواد الي تُطرح فمثلاً تقدرون بدال لا تقولون نبي نزيد معرفتنا إلي تعبر عن شي عام = تتكلمون عن مواد معينة تُطرح فعلاً من البرنامج فتتحول من جملة عامة لي خاصة في برنامجكم في كاوست = تبين مدىٰ إلمامكم واطلاعكم العميق🔎! x.com
- تفاصيل الموقع تخليكم تتعرفون على الدكاترة واهتماماتهم البحثية بحيث تشوفون تناسب الافضل مع اهتماماتكم وتضيفونها في الـ SOP هني يوضح ان مو فقط عندكم اهتمام بحثي انما عندكم وجهة محتملة تتناسب مع أبحاث الدكاترة الي اخترتوهم— وبچذي تتحول من اهتمامات عامة لي وجهة وخطة وغاية🎯! x.com
- تفاصيل الموقع تعطيكم فكرة عن طبيعة الأنشطة في كاوست الي ممكن الطالب يشارك فيها بحيث توضحون عن طريق اختيار مثلاً نشاط واحد في خطاب الغرض من الدراسة رغبتكم في إنكم تكونون طالب نشط وفعال في مجتمع كاوست = هني راح تبينون بُعد آخر لشخصيتكم الأكاديمية + الإجتماعية ✅ x.com
موقع الجامعة كنز معظم الطلبة يجهلون قيمته ودوره المهم في بناء تقديم أفضل وكتابة خطاب غرض من الدراسة أقوىٰ، إذا تبون خطاب مبني بناء عميق مميز أكثر لابد تفهمون كاوست بشكل أكبر عن طريق موقعها بحيث يتحول من تقديم عام سطحي لي تقديم خاص مميز يعبر عن تفردك كطالب وعن كاوست كوجهة مميزة💎 x.com
تخيلوا لجنة القبول كانت تقرا خطاب الغرض من الدراسة، هل تبونهم يقرون رسالة سطحية عامة ولا تبون توصلون لهم فكرة إيجابية عنكم توضح لهم إلمامكم بكل تفاصيل خطتكم في وجهتكم القادمة في كاوست؟ في حال تبون اللجنة تعطي وقت لقراءة خطابكم لابد تعطون قراءة الموقع وكتابة الخطاب جهد ووقت✅💻✍🏻 x.com
- إذا كنت شخص متقاعس عن قراءة موقع الجامعة فهذا يعطي نظرة غير مباشرة إنك شخص غير جدي في تقديمك وزيادة فرصة قبولك و انك مو ماخذ هدف وصولك لمرحلة المقابلة بشكل فعلي، لأن كاوست تبي طلبة شغوفين ياخذون كل شي بعين الاعتبار عشان يثبتون جدارتهم ويكونون في بيئة تشبه طموحاتهم العالية🌟 x.com
- كاوست قائمة على البحث كقيمة عُليا وفي حال كان المتقدم ما اجتهد في استخدام المعلومات الي موفرتها كاوست له في الموقع عشان يقوي تقديمه بأقصى جهد وأفضل ما عنده، فالخطأ يقع هنا على عدم اجتهاد الطالب في البحث ونتائج أفعاله السلبية وليس على قرار لجنة القبول⚠️! x.com
اخذي الموضوع بجدية لأن كاوست تنافسية بشكل كبير والي يوصل فيها مو الي اعتمد فقط على معدله العالي أو خبرته البحثية إنما الي اجتهد بكل جزء في التقديم وعطاه جدية وكتبها بأفضل شكل، التقديم عبارة عن تسويق إذا ما قدرت تسوق نفسك بشكل صح فلا تتوقع اللجنة بتقدر تستنبط تميزك من نفسها⚠️ x.com
جاري تحميل الاقتراحات...