قصة حزينة كما رواها سواق شاب متزوج حديثا بيشتغل عند عيلة غنية مرتبه مش مكفيه ساعات عمل غير ادمية قرر يسيبهم ويدور على مرتب اعلى وبلغهم بقراره وانه معاهم لغاية اما يلاقوا سواق وفعلا جابو واحج بداله جه ياخد مرتبه اخر الشهر البيه الاستاذ الدكتور راكب المرسيدس قاله مالكش حاجة عندي

المرتب اللي الباشا رفض يديه للسواق ده تمن يوم شوبنج عنده في الهايبر تمن غدواية او عشواية كباب او سمك للعيلة بتاعته لكن بالنسبة للسواق ده مصروف بيته شهر بحاله ايجار واكل ومواصلاته ونفس الشئ اتكرر مع شغالة بتجري على اولادها اللي في التعليم
بتجيبوا الجبروت والتجبر ده منين مش خايفين

من دعوة المظاليم بتناموا بالليل ازاي يا جبابرة مرتبهم مش هيقلل ثروة سعادتك خالص اشتغل عندك وما حصلش اتفاق وانت بفلوسك هتجيب اللي احسن منه فليه تكسره وتذله فين احساس الانتصار على انسان غلبان شقيان
اتقوا الله في الفقراء خافوا من دعوة المظلوم مفيش بينها وبين ربنا حجاب يا جعانين