من فتره قابلنى فيديو لست لطيفه اسمها د.هاله سمير بتتكلم فى الدين بأسلوب مش اجريسيف ودون تمييع ..الجوريزم التيكتوك بدأ يجيبلى فيديوهات اكتر ليها لحد ما اكتشفت ليها فيديو فاجئنى وهى بتحكى أنها مكنتش دايما بالتدين ولا بهذه الدرجه من القرب من ربنا..وعلى حسب كلامها

أنها فى فتره مكنتش محجبه ولبسها مش شرعى ومكنش عليها اى علامات للإسلام..والناس بتخاف تتكلم معاها حتى فى الدين..وكانت قاعده وسط شلتها وجت بنت تكلمهم عن التوبه..ود.هاله وقتها فضلت تسخر منها وكلام زى بصى لنفسك..البنت طلبت منها أنها تدعى ربنا بالتوبه..وقتها د.هاله بتقول

أنها قالت تدعى وخلاص .ووقتها حست بشعور غريب وكأن ربنا بيجبر خاطرها وبتتوب فعلا بفضل ربنا..ومش بس كده ديه نفسها تكون سبب فى هدايه بنات كتير جدا.
الشاهد فى القصه أن لا نستصغر تأثير الأمر بالمعروف والنهي عن المنكر..الدين اتبنى على الأساس ده..هو ده محرك الدين فى المجتمع.