ناس كتير مستغربة من جرأة اسرائيل وفتحها لكذا جبهة قتالية والتوحش اللي شغالة بيه، بس في الحقيقة اللي بيحصل حاليا هو عودة المشروع الصهيوني لرؤيته الأولى اللي عجلت بتأسيس الدولة، لأن بعد 7 أكتوبر بقا واضح تماماً ان فيه خطر وجودي يستوجب الرجوع للرؤية الأولى اللي نجحت قبل كده بالفعل 1
،الرؤية الصدامية العنيفة اللي كان أبوها ومؤسسها في الفكر الصهيوني هو زئيف جابوتنسكي..
مين بقا جابوتنسكي؟
جابوتنسكي كان صحفي يهودي روسي/أوكراني، كان مهتم بالحركة الصهيونية اللي ابتدت تشتهر في وسط يهود أوروبا خلال آواخر القرن ال19 وأوائل القرن 20
2
مين بقا جابوتنسكي؟
جابوتنسكي كان صحفي يهودي روسي/أوكراني، كان مهتم بالحركة الصهيونية اللي ابتدت تشتهر في وسط يهود أوروبا خلال آواخر القرن ال19 وأوائل القرن 20
2
لما كان عنده 21 سنة شارك في المؤتمر الصهيوني الخامس في سويسرا اللي هو تقريبا أهم مؤتمر في سلسلة مؤتمرات الحركة الصهيونية، المؤتمر اللي تم فيه الاتفاق بشكل واضح على البدء في تنفيذ أحلام وطموحات ثيودور هرتزل الهزلية تماما، 3
وطلعت منه قرارات إنشاء الصندوق القومي اليهودي عشان يشتري أراضي في فلسطين، وتم الاتفاق على تشجيع الاستيطان الزراعي وبناء الكيبوتس من قبل المهاجرين اللي هيروحوا لفلسطين اللي في الوقت ده تحت الحكم العثماني، وكذلك نشر اللغة العبرية وتوسيع النطاق السياسي للحركة الصهيونية عالميا. 4
الأستاذ جابوتنسكي كشاب يافع كان مستبشر خير طبعا بالكلام ده، بس فضل يتابعه من بعيد كده وهو بيكمل دراسته في أوروبا، في الفترة دي كان بن غوريون انتقل لفلسطين وابتدى يؤسس للحياة اليهودية هناك.5
بن غوريون كان بيتبع النظرية الصهيونية التقليدية اللي هي كانت نشاطات سلمية ، بتدور حول تشجيع الهجرة والانخراط في المجتمع، والتفاوض مع المجتمعات العربية عشان متحصلش تصادمات، يمكن الناس تنصدم ان كان فيه زيجات بتحصل بين الفلسطينيين والعرب وبين اليهود الهاربين من اضطهاد أوروبا 6
الكلام ده كله كان بيحصل في نفس الوقت اللي بيسعى فيها قادة الصهيونية التانيين زي حايم وايزمان للتفاوض مع الانتداب البريطاني اللي سيطر على فلسطين في الفترة دي، 7
ونجحوا بالفعل في انهم ياخدوا وعد بلفور الشهير، واللي من بعده العلاقة بين الفلسطينيين والهجرات اليهودية اتشقلبت بشكل تدريجي بعد ما حس الفلسطينيين “بكل أطيافهم مسلمين ومسيحيين ويهود” ان هويتهم مهددة. 8
بن غوريون فضل مكمل في طريقته “السلمية” دي، حتى لما أسس الهاغاناه للدفاع عن المجتمعات اليهودية الناشئة في الوقت ده كانت مجموعات دفاعية غير مسلحة، معاهم عصيان خشب وكده عشان يواجهوا غضب السكان المحليين. 9
في الوقت ده كان جابوتنسكي زي الأندرتيكر، مش عاجبه الكلام، ابتدى يتكلم عن ان الدولة اليهودية عمرها ما هتحصل باللي بيعمله بن غوريون ده، وان شغل الفيجيتريان ده ما بيقومش دول “آه والله قال فيجيتريانز” 10
وفي سنة 1923 كتب مقاله الشهير الجدار الحديدي اللي كان أول دعوة علنية لتبني استراتيجية العنف، واللي دعى فيه بشكل واضح لتأسيس قوة عسكرية يهودية لفرض الواقع والدفاع عن ما أسماه “الحق اليهودي في الوجود في فلسطين” 11
وقال ان العرب عمرهم ما هيقبلوا بدولة يهودية دون أستخدام القوة، وإن أي أمل في التفاهم والتسوية ده كلام فارغ، وأعلن عن تأسيس حركة بيتار، أول حركة يهودية صهيونية تتبنى السلاح في استراتيجيتها وبناءها الأساسي. 12
الحركة تأسست في بولندا، وانتقلت مع دفعات المهاجرين الأشكناز لفلسطين، وبدأت علطول في تنفيذ استراتيجية جابوتنسكي، لانها ابتدت بافتعال المشاكل مع السكان العرب. 13
في الوقت ده كان جابوتنسكي بيلف أوروبا وأمريكا عشان يلم فلوس دعم للحركة، وينظم معسكرات تدريبية للشباب اليهودي اللي يهاجر عشان يدمجهم في المخطط العسكري، له مقال شهير بيتكلم فيه عن "نحن والعرب"، وان المجتمع كله لازم يبقى مجندين للدفاع عن الدولة اليهودية، فكرة اسرائيل كدولة حاليا.14
فضل الوضع بالشكل ده، استفزازات من البيتار، واحتجاجات من العرب، لحد سنة 1929، لما دعت حركة بيتار الشباب اليهودي للاستيلاء على حائط البراق واعتباره تراث يهودي، ودي كانت أول محاولة حقيقية لتهويد القدس، 15
الحدث اللي أشعل ما يسمى في التأريخ الصهيوني بمذبحة الخليل، وفي التأريخ العربي بثورة البراق، الحدث اللي تم تهييجه بالكامل من قبل البيتار هو اللي بيتم الرجوع إليه دايما من قبل الصهاينة للتدليل انهم لم يبدأوا بالعنف وإنما العرب هم من بدأوا، بس للأسف بيتم تجاهل دور البيتار تماما. 16
نتيجة لهجوم البيتار على حائط البراق، وانتشارالاشاعات بين السكان، هاجم المسلمين جيرانهم في المجتمعات اليهودية، واتقتل 29 من اليهود العرب نتيجة للي حصل ده، وهنا كانت ذروة نجاح الخطة، لانه للمرة الأولى اليهود العرب بيحسوا بعدم الأمان وينضموا لليهود المهاجرين ضد باقي الفلسطينيين 17
أفكار جابوتنسكي لما ابتدت تجيب نتيجة وخصوصا لما سمح البريطانيين للهاغاناه بالتسليح، ده شجع متطرفين جدد على الظهور بحركاتهم المتطرفة الخاصة، زي مناحم بيغن لما أسس الأرغون وبعدها يائير شتيرن وحركته، والكلام عن جرايمهم يطول طبعا.. 18
أفكار جابوتنسكي والحركات اللي تأسست عليها فضلت مكملة لبعد وفاته في أول الأربعينات، وبعد تأسيس الدولة وحل كل الحركات دي، تجمعت البيتار والأرغون وشتيرن وكل التيار “اليميني” ده في حزب واحد اسمه “الليكود”، اللي رئيسه دلوقتي “بنيامين نتنياهو”. 19
جاري تحميل الاقتراحات...