رتبها

#ثريد🧵شيق وعاوز كوبايه شاي ☕️وتقعد تثرأ بمواج عالي اوووي ⤵️ تابع السرد ده 🔥💥
- اللي في الصورة دي الجنازة العسكرية لـ الجندي المصري "فوزي محمد عبد المولى أبو الشوك" 😔 بس الحقيقة مع إن جنازته كانت امبارح وهو استشهد من ٥٧ سنة! 😱🇪🇬
#ثورة_المفاصل #أسوان_تستغيث #اسوان

- فوزي اتولد ١٨ يناير ١٩٤٥ شاب إسكندراني بسيط من الدخيلة، دخل الجيش المصري وخدم في حـ.ـرب اليمن شوية، وبعدين أخد إجازة ٢٨ يوم عشان يتجوز ويرجع يخدم في #سيناء سنة ١٩٦٧. لكن للأسف، يوم ٥ يونيو حصلت النكسة، ومعاها الانسحاب العشوائي لجنودنا، وفوزي كان واحد من المفقودين اللي مرجعوش.

- عيلته بعد فترة استنوه كتير، الأم كانت مستنية يخبط على الباب، والعروسة كانت بتبص من الشباك، والأخ اللي كان عنده ٢٠ سنة مستني أخوه الكبير، لكن محدش رجع، واحتسبوه شهيد. 💔

- السنين بتعدي، أنظمة تتغير، جمال عبدالناصر مات، السادات، العبور، مبارك تنحي، بلحة استولي وباع... كلها ذكريات وسنين بتفوت. لحد ما في يوليو اللي فات ٢٠٢٤ فريق من مؤسسة @Sinaifhr اكتشفوا رفات جندي مدفونة في رمال سيناء.

- الجندي المصري ده كان معاه متعلقاته: بطاقته الشخصية والعسكرية، صور زمايله وعيلته، وحاجات تانية حفظتها الرمال 🏜️📸

- المؤسسة نشرت صورته على الفيسبوك، وصدفة ابن أخوه شاف الصورة واتعرف على صور أبوه بين اللي كانوا في جيب فوزي. وجرى على أبوه وقاله: "بابا، إحنا كان لينا عم؟" والأب رد: "الله يرحمه عمك فوزي.. ولقوه!"

- الأخ اللي كان ٢٠ سنة وقتها اللي بقا الحاج عبد المولى محمد عبد المولى عنده ٧٧ سنة رجع له الأمل إنه يشوف أخوه ويدفنه والجهات المعنية عملت تحليل DNA والنتيجة طلعت إيجابية وامبارح كانت الجنازة العسكرية أخيرا والأسرة دلوقتي بس تقدر ترتاح وهما عارفين مصير الأخ اللي كان مفقود🙏

- فوزي محمد عبد المولى هو شاهد ملموس بيفكرنا مين العدو الحقيقي اللي غدر ومين لحد النهاردة لينا عندهم ثأر متاخدش. الأرض اللي لقوا فيها الجندي مليانة رفات جنود كتير، ووراهم عائلات بتدور على أولادها لحد النهاردة.
الجندي المصري كان معاه صور زمايله اللي محدش عارف مصيرهم. 💔🪖

- تخيل الصعاب اللي مر بيها وهو ماشي في قلب الصحراء في شهر يونيو، لحد ما خارت قواه وسلم روحه لربنا. كأنه طالع من قلب سيناء برسالة بتفكرنا هو ضحى بروحه عشان إيه ومين العدو التاريخي اللي مش ممكن هننسى أو نسامح. 😢🔥
- الوفاة: يونيو ١٩٦٧
- الجنازة: سبتمبر ٢٠٢٤

- في روايات كتير عن الحروب دي مش مكتوبة فالكتب، أجدادنا حكولنا عنها، زي دفن جنودنا أحياء أو إنهم كانوا يناموا صفوف والدبابات تمشي عليهم.
ما فيش بيت في #مصر مفقدش حد من عيلته بسبب الكيان المتطرف ده. لينا ثأر... لا تنسَ، لا تسامح، لا تغفر 💔🔥

وفي نهاية الـ #ثريد🧵📝 متنساش تعمل:
1- شير 🔄
2- لايك ✅
3- تعليق 📝
عشان يوصلك كل جديد! 🤩👇
جزاك الله خير دمت في حفظ الله ورعايته 🤲

المزيد من هذا الكاتب

مواضيع ذات صلة

الأكثر اعجابا

المزيد من هذا الكاتب

مواضيع ذات صلة

الأكثر اعجابا

فك الثريد