ما تيجوا نحكي مع بعض
حكاية مسلية
عن كفاح عصابة من قطاع الطرق
نحاول نتعلم منها حاجة.
في القرن ال١٩م
في عهد محمد علي باشا
كان فيه عصابة من قطاع الطرق
مكونة من ٣ حرامية وبعض المساعدين.
ال٣ حرامية دول كانوا بيعملوا ايه؟
كل واحد من ال٣ كان بيلبس لبس مقطع اللي هوا لبس الدراويش دول
بيتنكروا في شكل دراويش يعني وسلاسل ولبس مقطع وسبح والدقن وبتاع
وكل واحد بيقعد على باب شارع من الشوارع
وجوا الشارع نفسه باقي افراد العصابة مستنيين.
واحد كان بيقعد على ناصية درب السعادة
وواحد على بداية ابشارع اللي بقا شارع بورسعيد دلوقتي
والتالت بيقعد على ناصية الحي
اللي بقا جاردن سيتي حاليا.
المهم
كانوا بيعملوا انهم دراويش وبتوع ربنا
اللي هوا "حيييي ، الله،"
ويسبحوا ويعملوا فيها زاهدين وبهاليل وكدة، فالناس كانت بتتبرك بيهم
زي عادة المصريين زمان في التبرك بالدراويش وسايباهم قاعدين هناك
وبيعطفوا عليهم وكدة
المهم يا سيدي لما كان واحد بيعدي لوحده
من اي شارع من الشوارع التلاتة دي
ويتأكد الدرويش ده انه ماشي لوحده وشكله متأيّف وغني كدة
يقول بعلو صوته قايل "يا واااااحد"
فا افراد العصابة تعرف انه ماشي لوحده
فا اول ما يعدي من جمبهم يخرجوا عليه يكتفوه ويجروه لحارة فاضية يقتلوه ويسرقوا اللي معاه ويرموا جثته في اي خرابة.
فضل الحال على كدة شهور
والناس بدأت تختفي واحد ورا التاني
لحد ما الشرطة شمّت خبر
وبدأت تراقب الشوارع دي وحطت عينيها على الدراويش دول لحد ما عرفوا اللي فيها
فا راحوا عاملين كمين للدرويش
اللي بيقعد في درب السعادة
وجه ظابط اتنكر في صورة افندي وباقي الكمين مستخبيين، ومشي لوحده في الشارع قدام الدرويش
فا اول ما الدرويش قال "يا واااااحد"
ولسة العصابة هتهجم
قامت الشرطة طلعت من مخابئها
و"اثبت، سلم نفسك"
وقبضوا عالدرويش وكام واحد كدة
الشرطة ايام محمد علي باشا
في الظروف اللي كانت البلد فيها وقتها كانت غليظة شوية
فا خدت الشيخ ده عالمديرية وفضلوا يضربوا ويعذبوا فيه لحد ما قرّ على زمايله الاتنين شيوخ المنصر
اعترف شيخ درب السعادة
على اسم ال٢ حرامية الباقيين زمايله
وال كان اسمهم "يوسف وصالح"
اما اسم درويش درب السعادة فا ملحقش يتعرف لانه للاسف بعد الاعتراف على طول وسط التعذيب الشديد والضرب، مات
البوليس عمل كمين للدرويشين اعضاء العصابة عشان يتقبض عليهم
لكن لسوء حظ الشرطة وحسن حظ الحرامية التانيين انهم عرفوا امر الاخبارية دي فا مكنش قدامهم الا انهم يهربوا ..
- اول واحد .. يوسف :
جري بسرعة عشان يهرب والبوليس وراه
ملقاش ملجأ يهربله الا بيت كبير في القاهرة دخله واتوسل لصاحب البيت انه يحميه وقعد يعيط، ولحظّه الحلو ان صاحب البيت طلع وزير المالية الكتخدا "لاظ اوغلي"
واللي قرر انه ميردوش ويعفو عنه
في مقابل انه يتوب.
وفعلا، اختفى يوسف
وبطل سرقة او يقال انه اختفى خوفا من البوليس والتعذيب
وفضل عايش في حاله كام سنة لحد ما مات
فا "لاظ اوغلي" بناله ضريح او مقام يعني وبقا الضريح معروف ب"ضريح الشيخ يوسف"
والناس بتتبرك بيه وبتتكلم عن كراماته
وموقعه دلوقتي بين عمارة ٩٧ وعمارة ١٠٠ في شارع القصر العيني
فيما يعرف النهاردة بإسم "ميدان الشيخ يوسف"
- تاني واحد وهو صالح :
صالح هوا كمان جري،
ووراه البوليس، قدر انه يستخبى لحد ما الدنيا هديت شوية
وبعدين ملقاش في وشه غير واحدة
كانت مطربة مشهورة وقتها،
دخلها واترجاها انها تخبيه من عيون البوليس
وكان مرعوب جدا
اصل انتا لو اتقبض عليك هتتمنى الموت
من التعذيب اللي بيشوفه المجرمين وقتها،
فا صالح ده من كتر الخوف من انه هيتقبض عليه، اتجنن
واتعقد لسانه، وبقا غريب
فا المطربة دي لما خافت، اضطرت انها تقيده بالحديد عشان ميتهجمش عليها
وسلمته للبوليس وقالتلهم انه مجنون، ولما جه البوليس عشان ياخدوه لقوه عالحال ده فا اضطروا يسيبوه.
صالح بقا
فضل عالحال ده، السلاسل في اطرافه، ومبيتكلمش مجرد بس شوية همهمة زي الخرس ملهاش معنى، وهام على وجهه في الشوارع
من غير اي مكان يروحه، فا الاوباش والحرافيش بقوا يمشوا معاه يتبركوا بيه اكمنه مجنون او درويش بقا، واتذاع عنه انه بقا ليه كرامات وبيعرف الغيب، واتشهر بإسم "الشيخ صالح ابو حديد"
وابو حديد ده عشان السلاسل ال مفارقتش رجله.
فا استغل الناس دي
انه اتشهر وجابوله بيت
وبقا المشاهير يروحوله عشان يسألوه
عن غيبيات او حاجات يشوفوها هتحصل ولا لا
من اول المشاهير لحد رجال المجتمع والأمراء واغلب زواره كانوا ستات.
اما صالح نفسه
فا كان مجنون فعلا مبيمثلش
عقله طار من الخوف حقيقي
وكان بيتم استغلاله بس
حطوه على سرير ناعم كبير مبيقومش من عليه، في رجليه سلاسل حديد
وفوق جسمه صوف ابيض
وحواليه الخدم، وجمب راسه ست
هي اللي بتدور الليله دي ،
فالزوار من الامراء وغيره كانوا ..
يُتبَع
👇👇
حكاية مسلية
عن كفاح عصابة من قطاع الطرق
نحاول نتعلم منها حاجة.
في القرن ال١٩م
في عهد محمد علي باشا
كان فيه عصابة من قطاع الطرق
مكونة من ٣ حرامية وبعض المساعدين.
ال٣ حرامية دول كانوا بيعملوا ايه؟
كل واحد من ال٣ كان بيلبس لبس مقطع اللي هوا لبس الدراويش دول
بيتنكروا في شكل دراويش يعني وسلاسل ولبس مقطع وسبح والدقن وبتاع
وكل واحد بيقعد على باب شارع من الشوارع
وجوا الشارع نفسه باقي افراد العصابة مستنيين.
واحد كان بيقعد على ناصية درب السعادة
وواحد على بداية ابشارع اللي بقا شارع بورسعيد دلوقتي
والتالت بيقعد على ناصية الحي
اللي بقا جاردن سيتي حاليا.
المهم
كانوا بيعملوا انهم دراويش وبتوع ربنا
اللي هوا "حيييي ، الله،"
ويسبحوا ويعملوا فيها زاهدين وبهاليل وكدة، فالناس كانت بتتبرك بيهم
زي عادة المصريين زمان في التبرك بالدراويش وسايباهم قاعدين هناك
وبيعطفوا عليهم وكدة
المهم يا سيدي لما كان واحد بيعدي لوحده
من اي شارع من الشوارع التلاتة دي
ويتأكد الدرويش ده انه ماشي لوحده وشكله متأيّف وغني كدة
يقول بعلو صوته قايل "يا واااااحد"
فا افراد العصابة تعرف انه ماشي لوحده
فا اول ما يعدي من جمبهم يخرجوا عليه يكتفوه ويجروه لحارة فاضية يقتلوه ويسرقوا اللي معاه ويرموا جثته في اي خرابة.
فضل الحال على كدة شهور
والناس بدأت تختفي واحد ورا التاني
لحد ما الشرطة شمّت خبر
وبدأت تراقب الشوارع دي وحطت عينيها على الدراويش دول لحد ما عرفوا اللي فيها
فا راحوا عاملين كمين للدرويش
اللي بيقعد في درب السعادة
وجه ظابط اتنكر في صورة افندي وباقي الكمين مستخبيين، ومشي لوحده في الشارع قدام الدرويش
فا اول ما الدرويش قال "يا واااااحد"
ولسة العصابة هتهجم
قامت الشرطة طلعت من مخابئها
و"اثبت، سلم نفسك"
وقبضوا عالدرويش وكام واحد كدة
الشرطة ايام محمد علي باشا
في الظروف اللي كانت البلد فيها وقتها كانت غليظة شوية
فا خدت الشيخ ده عالمديرية وفضلوا يضربوا ويعذبوا فيه لحد ما قرّ على زمايله الاتنين شيوخ المنصر
اعترف شيخ درب السعادة
على اسم ال٢ حرامية الباقيين زمايله
وال كان اسمهم "يوسف وصالح"
اما اسم درويش درب السعادة فا ملحقش يتعرف لانه للاسف بعد الاعتراف على طول وسط التعذيب الشديد والضرب، مات
البوليس عمل كمين للدرويشين اعضاء العصابة عشان يتقبض عليهم
لكن لسوء حظ الشرطة وحسن حظ الحرامية التانيين انهم عرفوا امر الاخبارية دي فا مكنش قدامهم الا انهم يهربوا ..
- اول واحد .. يوسف :
جري بسرعة عشان يهرب والبوليس وراه
ملقاش ملجأ يهربله الا بيت كبير في القاهرة دخله واتوسل لصاحب البيت انه يحميه وقعد يعيط، ولحظّه الحلو ان صاحب البيت طلع وزير المالية الكتخدا "لاظ اوغلي"
واللي قرر انه ميردوش ويعفو عنه
في مقابل انه يتوب.
وفعلا، اختفى يوسف
وبطل سرقة او يقال انه اختفى خوفا من البوليس والتعذيب
وفضل عايش في حاله كام سنة لحد ما مات
فا "لاظ اوغلي" بناله ضريح او مقام يعني وبقا الضريح معروف ب"ضريح الشيخ يوسف"
والناس بتتبرك بيه وبتتكلم عن كراماته
وموقعه دلوقتي بين عمارة ٩٧ وعمارة ١٠٠ في شارع القصر العيني
فيما يعرف النهاردة بإسم "ميدان الشيخ يوسف"
- تاني واحد وهو صالح :
صالح هوا كمان جري،
ووراه البوليس، قدر انه يستخبى لحد ما الدنيا هديت شوية
وبعدين ملقاش في وشه غير واحدة
كانت مطربة مشهورة وقتها،
دخلها واترجاها انها تخبيه من عيون البوليس
وكان مرعوب جدا
اصل انتا لو اتقبض عليك هتتمنى الموت
من التعذيب اللي بيشوفه المجرمين وقتها،
فا صالح ده من كتر الخوف من انه هيتقبض عليه، اتجنن
واتعقد لسانه، وبقا غريب
فا المطربة دي لما خافت، اضطرت انها تقيده بالحديد عشان ميتهجمش عليها
وسلمته للبوليس وقالتلهم انه مجنون، ولما جه البوليس عشان ياخدوه لقوه عالحال ده فا اضطروا يسيبوه.
صالح بقا
فضل عالحال ده، السلاسل في اطرافه، ومبيتكلمش مجرد بس شوية همهمة زي الخرس ملهاش معنى، وهام على وجهه في الشوارع
من غير اي مكان يروحه، فا الاوباش والحرافيش بقوا يمشوا معاه يتبركوا بيه اكمنه مجنون او درويش بقا، واتذاع عنه انه بقا ليه كرامات وبيعرف الغيب، واتشهر بإسم "الشيخ صالح ابو حديد"
وابو حديد ده عشان السلاسل ال مفارقتش رجله.
فا استغل الناس دي
انه اتشهر وجابوله بيت
وبقا المشاهير يروحوله عشان يسألوه
عن غيبيات او حاجات يشوفوها هتحصل ولا لا
من اول المشاهير لحد رجال المجتمع والأمراء واغلب زواره كانوا ستات.
اما صالح نفسه
فا كان مجنون فعلا مبيمثلش
عقله طار من الخوف حقيقي
وكان بيتم استغلاله بس
حطوه على سرير ناعم كبير مبيقومش من عليه، في رجليه سلاسل حديد
وفوق جسمه صوف ابيض
وحواليه الخدم، وجمب راسه ست
هي اللي بتدور الليله دي ،
فالزوار من الامراء وغيره كانوا ..
يُتبَع
👇👇
يروحوا يزوروه
ومعاهم هدايا وعطايا يسيبوها في البيت
وبعدين
يدخلوا الاوضة يقعدوا جمب الست اللي قاعدة جمب راسه
يسألوها عن اي حاجة مثلا
"بنتي هتتجوز ولا لا
المصلحة هتيجي ولا لا"
فالست تميّل على راس الشيخ صالح
اللي مش دريان بالدنيا اصلا
يعمل صوت زي الاخرس مش مسموع كدة "همنمممنوممم" مثلا
فالست تقوم مميلة بودانها تسمعه
وتقوم ناقلة الكلام ومحوراه
وتقول بصوت جهوري
البنت هتتجوز
المصلحة هتقضى" وكدة.
سنة ورا سنة
كان الشيخ صالح ابو حديد شغال في الحكاية دي، واتشهر
وكان الناس بتجيله من كل حتة
وفيه رواية مش متأكدين منها اوي
بتقول ان :
الخديوي اسماعيل وهوا لسة امير
راحله والست توقعت انه هيكون الحاكم
وحصل فعلا
المهم
مات الشيخ صالح ابو حديد ك
في عهد الخديوي اسماعيل
والناس زعلت عليه
وقرر الخديوي اسماعيل انه يبني له جامع كبير
في السيدة زينب
في شارع الحنفي المتفرع من شارع مجلس الأمة
في السيدة زينب.
الجامع دا كان يتوسطه مقام بقبة
ومقصورة نحاس وفوقيه مكتب كبير
زي مدرسة كدة
بيتم تدريس المناهج بالمجان للطلاب
وسبيل ميّة كبير
وقف بإسمه
ولحد النهاردة ..
بيجيله زوار وليه مولد اسمه
مولد سيدي صالح ابو حديد.
ودي كانت نهاية عصابة
اتخصصت في قتل وسرقة عابري السبيل
كشيخين ليهم كرامات وليهم مقامات
مدرجة في هيئة الآثاركمان 😂
==================
الصورة الاولى : 🖼️
لمقام الشيخ صالح ابو حديد في السيدة زينب
الصورة التانية : 🖼️
اللوحة التعريفية في مدخل المسجد
والثالث للمسجد نفسه في السيدة زينب.
المصادر : 📚
*الخطط التوفيقية لعلي مبارك.
*شوارع لها تاريخ لعباس الطرابيلي.
*هيئة الآثار.
*اعلام الصوفية
cpd
ومعاهم هدايا وعطايا يسيبوها في البيت
وبعدين
يدخلوا الاوضة يقعدوا جمب الست اللي قاعدة جمب راسه
يسألوها عن اي حاجة مثلا
"بنتي هتتجوز ولا لا
المصلحة هتيجي ولا لا"
فالست تميّل على راس الشيخ صالح
اللي مش دريان بالدنيا اصلا
يعمل صوت زي الاخرس مش مسموع كدة "همنمممنوممم" مثلا
فالست تقوم مميلة بودانها تسمعه
وتقوم ناقلة الكلام ومحوراه
وتقول بصوت جهوري
البنت هتتجوز
المصلحة هتقضى" وكدة.
سنة ورا سنة
كان الشيخ صالح ابو حديد شغال في الحكاية دي، واتشهر
وكان الناس بتجيله من كل حتة
وفيه رواية مش متأكدين منها اوي
بتقول ان :
الخديوي اسماعيل وهوا لسة امير
راحله والست توقعت انه هيكون الحاكم
وحصل فعلا
المهم
مات الشيخ صالح ابو حديد ك
في عهد الخديوي اسماعيل
والناس زعلت عليه
وقرر الخديوي اسماعيل انه يبني له جامع كبير
في السيدة زينب
في شارع الحنفي المتفرع من شارع مجلس الأمة
في السيدة زينب.
الجامع دا كان يتوسطه مقام بقبة
ومقصورة نحاس وفوقيه مكتب كبير
زي مدرسة كدة
بيتم تدريس المناهج بالمجان للطلاب
وسبيل ميّة كبير
وقف بإسمه
ولحد النهاردة ..
بيجيله زوار وليه مولد اسمه
مولد سيدي صالح ابو حديد.
ودي كانت نهاية عصابة
اتخصصت في قتل وسرقة عابري السبيل
كشيخين ليهم كرامات وليهم مقامات
مدرجة في هيئة الآثاركمان 😂
==================
الصورة الاولى : 🖼️
لمقام الشيخ صالح ابو حديد في السيدة زينب
الصورة التانية : 🖼️
اللوحة التعريفية في مدخل المسجد
والثالث للمسجد نفسه في السيدة زينب.
المصادر : 📚
*الخطط التوفيقية لعلي مبارك.
*شوارع لها تاريخ لعباس الطرابيلي.
*هيئة الآثار.
*اعلام الصوفية
cpd
جاري تحميل الاقتراحات...