إخناتون لما حب يختار مكان لمدينته الجديدة .. ما استشارش مهندسين .. لكن ركب المركب الملكية في النيل و أخد في وشه و بحّٓر .. لحد ما جه قصاد تل العمارنة في مكان قاحل و قال للقبطان وقف يا جدع .. قد وجد إخناتون ضالته 😎😁
و من كتر ما كان المكان سيئ و تشييد مدينة فيه هايكون مكلف و مرهق .. أتباعه اعترضوا حتى نفرتيتي نفسها قالت ويحك يا ابن تي ألهذا المكان القحل جمعتنا 😁
قالهم ايش فهمكم إنتو .. ده أبويا آتون نداني و قاللي ابني مدينتك هنا يا ولدي و سأسبغ عليك النعمة 😍
و سأجعل لك علامة
قالهم ايش فهمكم إنتو .. ده أبويا آتون نداني و قاللي ابني مدينتك هنا يا ولدي و سأسبغ عليك النعمة 😍
و سأجعل لك علامة
قالوا له طيب هى فين العلامة جلالتك؟
قال لهم .. أهى.. الجبل الشرقي مشقوق عشان آتون أبويا أول ما يشرق أشعته تنزل على مدينتي طوالي 🥰
فبهت الذي سأل و كلهم قالوا آمين 😁
قال لهم .. أهى.. الجبل الشرقي مشقوق عشان آتون أبويا أول ما يشرق أشعته تنزل على مدينتي طوالي 🥰
فبهت الذي سأل و كلهم قالوا آمين 😁
إخناتون كان مستعجل جدا على تشييد المدينة فحشد كل الإمكانيات المتاحة عشان تخلص في اسرع وقت و أمر بتشييد خيمة ملكية فخمة تليق بجلالته يعيش فيها لحد ما يخلصوا القصر بتاعه و عاش في الخيمة دي حوالي سنة 😁
مكانش مسموح لحد من العامة حتى لو من أتباع آتون إنه يحصل على مسكن في المدينة .. لأنها كانت مخصصة لرجال إخناتون و أتباعه فقط .. و حتى البيوت كانت بتتفاوت في الفخامة و المساحة و القرب من مركز المدينة حسب منزلة صاحبها عند الملك
العمال و الخدم و الناس اللي هيقوموا بأعمال الصيانة و الزراعة و الذي منه .. عمل لهم حي صغير في حضن الجبل خارج المدينة و بنى لهم أكواخ صغيرة .. الأكواخ دي عثر فيها على مقاصير صغيرة فيها تماثيل الآلهة اللي كانوا بيعبدوها سرا في بيوتهم بعيد عن عين إخناتون و أتباعه 😁
بلاط إخناتون و أتباعه كانوا صنيعته حرفيا .. لأن طبقة الأرستقراطيين رفضوا ينساقوا لمغامرته الخطيرة.. جمع حواليه كل ذو طموح جارف و إداله فرصة و بقى ولي نعمته .. و كلهم لما بقى واضح حتمية سقوطه تخلوا عنه بما فيهم نفرتيتي و صديقه الصدوق حورمحب و آي اللي بقى ملك بعد توت عنخ آمون
و بعد موته بقى اسمه في السجلات و على الألسنة .. مجرم آخت آتون!
و تم تدمير المدينة الفاخرة و تدنيس مقابرها و مطاردة اللي فضل متمسك ببيته و كان في جرايم قتل على الهوية
.. و خسرت مصر أملاكها في الشرق الأدنى و ترتب على ده دخول ملوك الأسرة ١٩ من رمسيس الأول لحد مرنبتاح في حروب طويلة
و تم تدمير المدينة الفاخرة و تدنيس مقابرها و مطاردة اللي فضل متمسك ببيته و كان في جرايم قتل على الهوية
.. و خسرت مصر أملاكها في الشرق الأدنى و ترتب على ده دخول ملوك الأسرة ١٩ من رمسيس الأول لحد مرنبتاح في حروب طويلة
إخناتون لما بدأ مغامرته .. كان عنده 15 سنة 😁
أشهر مراهق في التاريخ .. ودى إمبراطورية مهولة في داهية عشان لقى حواليه عدد كافي من الإنتهازيين و المعرصين 🤡
و توتة توتة .. خلصت الحدوتة 🌷
أشهر مراهق في التاريخ .. ودى إمبراطورية مهولة في داهية عشان لقى حواليه عدد كافي من الإنتهازيين و المعرصين 🤡
و توتة توتة .. خلصت الحدوتة 🌷
آه نسيت اقولكم على حاجة مهمة .. إخناتون تغنى بالمساواة و ما طبقهاش و إرتضى الماعت اللي بتقر الطبقية بصرامة.. و أسواء رواية قريتها للأستاذ نجيب محفوظ هى رواية العائش في الحقيقة ..اللي اقتبس خطوطها العريضة من رواية إخناتون لأجاثا كريستي.. الرواية الوحيدة الغير بوليسية اللي كتبتها😁
الرواية ما هى إلا مبالغات فجة لا دعم لها سوى أناشيد الشمس اللي كتبها إخناتون .. و كاراكتر إخناتون طوباوي ساذج لا يمت للحقيقة بصلة.. الحقيقة فيها إنحلال كبير و هوس .. بالمناسبة التصور ده رسمه علماء المصريات التوراتيين .. كانوا عاوزين يدللوا على أنه أحد أنبيائهم 😁
الأستاذ نجيب قال في روايته في وصف شخصية إخناتون إنه كان بيستنكف قتل نملة .. مع إنه مصور نفسه و هو بيكسر رقبة وزة .. بالمناسبة دي طقسة دينية لاوزير .. نقلها لطقوس آتون 😁
و بردو ذكر إنه كان عفوف النفس جنسيا 🤭
و هنا سأتوقف قليلا
على ما أجيب لكم الصور
و هنا سأتوقف قليلا
على ما أجيب لكم الصور
أدي صورة إخناتون بيبوس أخوه سمنخ كارع من بؤه و ده سلوك غير معروف في الملكية المصرية .. هو جوزه بنته و حكم بعده شوية صغيرة قبل توت عنخ آمون و مصيره غامض مش عارفين راح فين..
هتلاقي مواقع بتقولك دي بنته .. ما تصدقهمش.. الأسماء مكتوبة على التمثال و سليم حسن نقده
هتلاقي مواقع بتقولك دي بنته .. ما تصدقهمش.. الأسماء مكتوبة على التمثال و سليم حسن نقده
و ده تمثال عاري لإخناتون بدون أعضاء ذكرية و جسد أنثوي .. التمثال ده و التمثال اللي فات موجودين في متحف القاهرة .. خللينا فاكرين إن التماثيل مش ديكور .. دي اجساد بديلة لأغراض سحرية
ده فاكسميلي للوحة من العمارنة بتصور موت مكت آتون بنت إخناتون.. و إنها ماتت و هي بتولد و الطفل شايلاه إحدى الوصيفات .. بدون ذكر لأبو الطفل فالعلماء بيرجحوا إنه إخناتون و إن الطفل ده توت عنخ آمون و إن ده تفسير إصطحاب نفرتيتي لتوت معاها في منف لما هجرت إخناتون..
و بعد المليطة دي يقولك ناسك عائش في الحقيقة و رائد التوحيد .. محتاجين نعيد قراءة الآثار و التاريخ و ما نعتمدش على أكلشيهات محفوظة.. عارفة إنكو ممكن تكرهوني بس هو كده الناس بتحب الأوهام اللي بتدلعها و بتكره الحقايق اللي ممكن تؤلمها 😁
و لذلك بعض كلام لمن يسعى للحقيقة فقط🌷
و لذلك بعض كلام لمن يسعى للحقيقة فقط🌷
جاري تحميل الاقتراحات...