هذا الموضوع له ١٠ سنوات في مخي وترددت اكتب عنه، وقررت اني اكتب عنه من واقع خبرتي في التسويق لأكثر من ١٧ سنة
نلاحظ في الكثير من الجهات اللي عندها ادارات او قطاعات للتسويق يصير خلط كبير بين الاعلام والتسويق ، طبعا أنا لا اقلل من الاعلام لانه مدرسة كبيرة تعلمت منها الكثير وصقلتني في مواهب ومهارات كثيرة ولا اقلل من التسويق لانه تخصصته ودرسته ومارسته وامارسه حتى الان؛ ولكن!
نقرأ الثريد سوا؟🫡
نلاحظ في الكثير من الجهات اللي عندها ادارات او قطاعات للتسويق يصير خلط كبير بين الاعلام والتسويق ، طبعا أنا لا اقلل من الاعلام لانه مدرسة كبيرة تعلمت منها الكثير وصقلتني في مواهب ومهارات كثيرة ولا اقلل من التسويق لانه تخصصته ودرسته ومارسته وامارسه حتى الان؛ ولكن!
نقرأ الثريد سوا؟🫡
🟢 الإعلام حاجة عظيمة، وأنا أول الناس اللي أقدر قيمته. اتعلمت منه كيف تبني علاقات، وتدير سمعة، وكيف تروي قصة بشكل يلفت الانتباه والسرعة في العمل وكيفية العمل تحت الضغط العالي جدا. هو مهم جدًا لأي جهة، لكن خلوني أكون صريح معاكم... وقت ما الإعلام يصير هو اللي يقود التسويق، نبدأ ندخل في متاهات تضيع فيها فرص النجاح الكبيرة. كتير أقسام تسويق تنقاد بعقلية الإعلام، وهنا تبدأ المشاكل.
⬇️
⬇️
🟢ليش المشاكل؟ لأنه الإعلام عادةً يركز على الأهداف السريعة: تغطية إعلامية، تحسين السمعة، حلول أزمة، سرعة نقل الخبر، وغيره…هذي حاجات حلوة، لكن التسويق يا جماعة لعبة طويلة. يبني البراند حقك، يسوي نمو مستدام، ويوصلك لجمهورك المستهدف عبر سنين مو أيام. لما الإعلام يقود التسويق، التركيز يصير على الانتصارات السريعة ويضيع الاستثمار اللي كان ممكن يحقق لك مكاسب أكبر على المدى الطويل.
🔅مثال بسيط: الإعلام ممكن يقول لك "ما نحتاج إعلان مدفوع، نشتغل على التغطيات الإعلامية والعلاقات". تمام، بس اللي يصير إنك بدون حملات مدفوعة ما توصل لجمهور جديد. التغطيات الإعلامية لحالها حلوة، لكن ما تكفي إذا كنت تبغى توسع السوق حقك وتكبر. التسويق الناجح يحتاج توازن بين الإعلانات المدفوعة والوصول الطبيعي اللي الإعلام يشتغل عليه، عشان ما تضيع فرص توسيع الجمهور وزيادة المبيعات والنمو
🔴نجي لموضوع الضغط العالي في العمل. الإعلام معروف بالعمل تحت ضغط كبير وبدون موارد كافية، ينجز في أوقات ضيقة وينقذ الموقف. حلو، بس لما نطبق نفس الأسلوب على التسويق، هنا المشكلة تبدأ. التسويق يحتاج موارد، يحتاج تخطيط مسبق، ويحتاج نفس طويل. لو ما عندك وقت وميزانية كافية لحملات التسويق، النتائج رح تكون أقل بكتير من المتوقع، وهذا يدخل فريق التسويق في دوامة ضغط عالي وأداء منخفض.
🟢 في الإعلام، السرعة في اتخاذ القرارات والرد على الأزمات شي أساسي. بس التسويق ما يمشي بنفس الطريقة. التسويق يحتاج وقت لدراسة السوق، فهم الجمهور، واختبار استراتيجيات متعددة عشان تحصل على أفضل النتائج. لو قاعد تدير التسويق بعقلية "الرد الفوري" اللي في الإعلام، رح تضغط على الفريق ويطلع شغل مش مدروس، وهذا في النهاية يؤدي إلى حملات ما تحقق الأهداف المطلوبة وتضر بالبراند.
🟢 الإعلام عنده دور مهم جدًا في تحسين صورة البراند وإدارة السمعة. شغلهم في التغطيات الإعلامية وإدارة الأزمات شي لا يُستهان فيه. لكن في بعض الأحيان، لما الإعلام يمسك زمام التسويق، يصير التركيز أكبر على التغطيات الإعلامية أو ردود الفعل السريعة. وهذا يخنق الإبداع والابتكار اللي محتاجه الفريق لتحقيق النجاح. التسويق بطبيعته يحتاج عمل جماعي واستراتيجيات طويلة المدى لتحقيق النمو المستدام. فالتوازن بين الاستجابة السريعة والنجاح الجماعي هو اللي يدفع البراند للأمام ويخلي كل الجهود تثمر بشكل أفضل.
📉نجي للبيانات. الإعلام طبعًا صار يعتمد على البيانات في تحليلاته للتغطية الإعلامية، بس التسويق يعتمد على بيانات أكثر تعمق: ROI، التحويلات Conversion، الأداء المالي، وتحليل الجمهور بشكل دقيق. بدون الاعتماد على بيانات التسويق، الاستراتيجيات اللي يقودها الإعلام ممكن تفوت عليها فرص كبيرة لتحسين الحملات وتحقيق نتائج أقوى.
🔥 واللي ما نتكلم عنه كثير هو الإرهاق والاحتراق الوظيفي. فرق الإعلام تعودت على تحقيق نتائج سريعة، بس التسويق مو دايماً يمشي بنفس السرعة. لما تبدأ تضغط على فرق التسويق لتحقيق نتائج فورية بدون خطة طويلة المدى، يصير فيه إرهاق، توقعات غير واقعية، واحتراق وظيفة يرفع من معدل الاستقالات. التسويق لازم يكون عنده نفس طويل واستراتيجية مستدامة عشان تضمن نتائج قوية ومستدامة.
طيب والحل؟؟
💡 الحل هو التوازن. الإعلام له دوره الكبير في تحسين سمعة البراند ورواية القصة، والتسويق له دوره الأساسي في توسيع النمو من خلال استراتيجيات طويلة المدى تعتمد على البيانات وتحليل الجمهور. لازم يكون فيه توازن بين الاثنين، ما ينفع الإعلام يمسك زمام الأمور لحاله، ولا التسويق يشتغل بمعزل عن الإعلام.
😌 لما الإعلام والتسويق يشتغلوا سوا، البراند يحقق أقصى استفادة. الإعلام يدير السمعة ويروي القصة اللي تبغاها الناس تسمعها، والتسويق يشتغل على النمو، جذب العملاء، وتحليل البيانات اللي تساعدك تطور حملاتك بشكل مستمر وتوصل لجمهور أكبر. التوازن هذا هو اللي يحقق النجاح على المدى الطويل ويخلي البراند دايما يكبر ويحقق نتايج .
🟢 الكلام هذا مو تقليل من أهمية الإعلام، أبدًا. الإعلام جزء أساسي في بناء البراند وإدارة السمعة. لكن اللي نبغاه هو تحقيق التوازن بين الإعلام والتسويق عشان نوصل لنتائج أقوى. الإعلام يركز على السمعة والتواصل الإعلامي، بينما التسويق دوره إنه يدعم النمو المستدام ويعتمد على تحليل البيانات. الاثنين لازم يكملوا بعض، وكل واحد فيهم يساهم بطريقته في تحقيق الأهداف الكبيرة بشكل فعال.
اذا انت حاسس انك تمر في هذا الشي؛ فكر فيها كدة: هل إحنا قاعدين نركز على الأهداف القريبة وننسى البعيدة؟
شكرا ✌🏼
شكرا ✌🏼
جاري تحميل الاقتراحات...