ازاي تتعامل مع والدتك النرجسية لما تبدأ تمارس عليك الألاعيب عشان تسيطر عليك؟
١ - لما تمارس عليك الصمت العقابي و تتجاهلك لما تيجي تتكلم معاها؟ ما تتكلمش معاها عشان تلفت إنتباهها أو تسألها اذا هي منزعجة منك لإنها مش هتستجيب لك بشكل يرضيك، ف لما تمارس عليك الصمت العقابي؟ ما تعلقش.
١ - لما تمارس عليك الصمت العقابي و تتجاهلك لما تيجي تتكلم معاها؟ ما تتكلمش معاها عشان تلفت إنتباهها أو تسألها اذا هي منزعجة منك لإنها مش هتستجيب لك بشكل يرضيك، ف لما تمارس عليك الصمت العقابي؟ ما تعلقش.
مهما طولت في الصمت العقابي عشان تضغطك؟ ما تعلقش و ما تروحش تفتح معاها كلام أو تحاول تفهم هي بتمارسه عليك ليه لإن زي ما قلتلك هي مش هتستجيب لك بشكل كويس و مش هتجاوبك و هتضغطك أكتر. ف ركز على إنك تسكت، تسكت و بس و لو محتاج منها حاجة؟ اعمل حاجتك بنفسك او اطلب مساعدة من حد غيرها.
٢ - لما تبدأ تتهمك بحاجات و تقول إنك عملت حاجات إنت ماعملتهاش؟ ما تدافعش عن نفسك و ما تبررش لإن دفاعك عن نفسك مش هيفرق لها، بالعكس إنت لما بتدافع عن نفسك بتحفزها إنها تدخل معاك في جدالات و دة اللي هي عايزاه لإنها بتحتاج وجود دراما، دماغها ما بتتقبلش الإستقرار.
اسحب نفسك من المكان لما هي تبدأ تتهمك و تهاجمك و فكر نفسك إن أي إحتكاك بيها و هي في الحالة دي مش هيوصلك لنتايج كويسة، ف مهما كان كلامها قاسي و مستفز؟ ما تعلقش عليه و انسحب من المكان.
٣ - لما تلاقيها بدأت تربط بر الوالدين بحاجات مالهاش علاقة ببر الوالدين زي إنها تتحكم ف حياتك؟
٣ - لما تلاقيها بدأت تربط بر الوالدين بحاجات مالهاش علاقة ببر الوالدين زي إنها تتحكم ف حياتك؟
ما تستجيبش لكلامها و افتكر انه سهل اوي بالنسبة لها إنها تستخدم الدين ضدك و تخوفك بيه و تقنعك بحاجات مش موجودة أو تقولك كلام من نوع " أنا هغضب عليك لو ماعملتش الحاجة الفلانية" و الحاجة الفلانية دي بتبقى بتخص حياتك اصلًا، او " انا هتبرى منك" او ايًا كان الكلام اللي هي بترعبك بيه،
هي عارفة كويس إن إستخدامها للدين ضدك بطاقة ناجحة ف ما تستسلمش لألاعيبها، إنك تسيبها تتحكم في حياتك و تفرض عليك حاجات إنت مش راضي عنها؟ دة مش بر والدين، دة أذى لك. ف ما تخليهاش تتحكم فيك بإسم الدين لإنها هتعرف تستخدمه ضدك كويس اوي لو لاحظت عليك الخوف و الخضوع.
ف لما تبدأ تستخدم الدين ضدك؟ ما تدخلش معاها في جدال و لا تحاول تقنعها بالعكس، قولها ماشي و امشي من المكان.
٤ - لما تمرض و تقولك إنه إنت السبب في مرضها و إنه إنت اللي زعلتها و وصلتها للمرض؟ ما تحاولش تغير رأيها و لا تدافع عن نفسك، هي هتبقى متمسكة بالفكرة دي عشان تجلدك،
٤ - لما تمرض و تقولك إنه إنت السبب في مرضها و إنه إنت اللي زعلتها و وصلتها للمرض؟ ما تحاولش تغير رأيها و لا تدافع عن نفسك، هي هتبقى متمسكة بالفكرة دي عشان تجلدك،
ف ما تتكلمش لما هي تعمل معاك دة، ركز دايمًا على إنك تقفل الكلام و تمشي، أوعى تقع في فخ التبرير و الدفاع عن الذات عشان هي مش مهتمة تسمعك و عايزة تطلع نفسها ضحيتك و عايزة تشيطنك و دي حاجة إنت مش هتقدر تسيطر عليها و تغيرها، ف ما تحاولش معاها و ما تتكلمش.
٥ - لما تحاول تستفزك عشان تطلع أسوأ مافيك و تحاول تغضبك؟ ما تديلهاش مجال، هي دماغها مشحونة و عندها طاقة تكفي مدينة ف مُجرد ما تديلها مجال و تستجيب لكلامها؟ هي مش هتسكت، هي عندها قدرة إنها تتكلم لساعات و تستنزفك و تجيب أخرك و إنت اللي هتُرهق نفسيًا و هتتعب على الفاضي.
ملاحظة مهمة: كلامي مالهوش أي علاقة بعقوق الوالدين و لا بشجع على دة، إنك تحمي نفسك من أذى والدتك لما تأذيك دة مش عقوق، دي حماية. لكن إنت في العادي هتعاملها كويس و تلبي طلباتها طالما طلباتها ما تخصش حياتك الشخصية و هتدعي لها و مش هتضايقها عمومًا و هتبقى ليّن معاها.
جاري تحميل الاقتراحات...