رتبها

"خوف+كذب"
بيان صحفي صادر عن الخارجية الأثيوبية
بخصوص الأوضاع الحالية في القرن الإفريقي
هقدم نص البيان مترجم و بعدها نفند بنوده بالتحليل، دا في حالة إن وجد له بنود !
مع إثيوبيا كل شيء متوقع😏
١-تابع
#شيرين_هلال

تشعر إثيوبيا بالقلق من أن الانتقال من بعثة الاتحاد الأفريقي الانتقالية في الصومال (ATMIS) إلى بعثة جديدة لدعم السلام محفوف بالمخاطر على المنطقة. وبينما يستعد الاتحاد الأفريقي والأمم المتحدة لهذا التحول، تدخل المنطقة في مرحلة لا يعلم أحد مآلتها الغامضة.
-٢تابع

حيث لم يتم أخذ النداءات المتكررة من قبل إثيوبيا والدول الأخرى المساهمة بقوات على محمل الجد. ومن المتوقع أن تتجاهل إثيوبيا التصريحات العدائية، والمحاولات المستمرة لتقويض تضحيات قوات الدفاع الإثيوبية.
-٣تابع

ولا يمكن لإثيوبيا أن تقف مكتوفة الأيدي بينما تتخذ الجهات الفاعلة الأخرى تدابير لزعزعة استقرار المنطقة. وتراقب إثيوبيا عن كثب التطورات في المنطقة التي يمكن أن تهدد أمنها القومي.
لقد عملت إثيوبيا بلا كلل من أجل السلام والأمن في الصومال والمنطقة، ومن أجل النمو المشترك،
-٤تابع

وعززت الروابط الوثيقة بين شعوب المنطقة. كما شاركت إثيوبيا في مناقشات ميسرة لحل الخلافات مع الحكومة الصومالية. وقد تم إحراز تقدم ملموس في هذه المحادثات. وبدلاً من مواصلة هذه الجهود من أجل السلام، تتواطأ الحكومة الصومالية مع جهات خارجية تهدف إلى زعزعة استقرار المنطقة.
-٥تابع

يجب على جميع المسؤولين عن إعداد وتفويض مهمة جديدة لدعم السلام أن يأخذوا في الاعتبار المصالح المشروعة لدول المنطقة والدول المساهمة بقوات.
ويجب على القوى التي تحاول تأجيج التوتر من أجل أهدافها القصيرة الأمد والعبثية أن تتحمل عواقب وخيمة.
-٦تابع

ولا يمكن لإثيوبيا أن تتسامح مع هذه التصرفات التي تهدد المكاسب التي تحققت ضد الإرهابيين الإقليميين والدوليين
وتظل إثيوبيا ملتزمة بالحل السلمي للخلافات وبالعمل مع شعب الصومال والمجتمع
الدولي لتجنب المخاطر التي تهدد السلام والاستقرار في المنطقة.

انتهى البيان😇
-٧تابع

نرد على البنود الموجودة في البيان:
بداية بتعبر إثيوبيا عن قلقها من الإنتقال الجديد للبعثة المُكلفة من الإتحاد الإفريقي برعاية ودعم من الأمم المتحدة و بحسب تعبير البيان "منطقة محفوفة بالمخاطر"
من الذي تطوع و حف المنطقة بالمخاطر الأن؟
-٨تابع

x.com
في أول يناير 2024 وقعت إثيوبيا معاهدة مع إقليم أرض الصومال بتمنح منفذ بحري على ميناء بربرة مع قاعدة عسكرية لإثيوبيا في مقابل اعتراف إثيوبيا بقيام دولة في الإقليم منفصلة عن الصومال، بما يشكل تهديد أمني صريح لوحدة وسيادة الصومال على أراضيه!
-٩تابع

Loading tweet...

وجود إثيوبيا في الصومال و تدخلها العنيف مع اطماعها المعلنة قديم قدم الزمان لكن هنركز من بداية بعثة الإتحاد الإفريقي في ابريل 2022 اللي ساعد على تزايد هجمات حركة الشباب لأنها بتنظر لإثيوبيا كمحتل و بينهم عداء قديم مش وقت حكاية هذا المجال، له عرض منفصل نوضح بيه عجب العجاب😱
-١٠تابع

يكفي أقول لحضرتك إن بفضل اتفاق إثيوبيا مع أرض الصومال(العدائي بكل المقاييس)ولأول مرة في تاريخ الحركة الإرهابية تتفق وجهات نظر الشباب الارهابية مع الحكومة على أمر!
أيوة عزيزي القارئ،الموقف الرافض للإتفاقية تبنته الدولة الصومالية وأيضا أعلنت عن رفضها للإتفاقية الجماعة الإرهابية
-١١

ودا هيدي فرصة لتمدد الجماعة الإرهابية بحجة "المقاومة" وهتقدر تستقطب أعضاء جدد من الشباب للدفاع عن أرض الوطن من إثيوبيا وعشان بس نقرب الصورة ، شباب المجاهدين جماعة مش هينة على الإطلاق ، جماعة شباب المجاهدين الفرع الرسمي لتنظيم القاعدة الإرهابي في شرق إفريقيا
-١٢تابع

(حاليا بتتأرجح بين القاعدة وداعش لإبتزاز الطرفين لزيادة التمويل) هي واحدة من أغنى الجماعات المسلحة في العالم، تتراوح ثروتها بين 100 مليون و150 مليون دولار سنويا عن طريق الابتزاز، وتسهيل التجارة غير المشروعة، وتحصيل الرسوم على البضائع في نقاط التفتيش على الطرق والموانئ
-١٣تابع

في الأراضي اللي بتسيطر عليها، ووفق مراقبين. الحركة بتسيطر على مساحات شاسعة من وسط البلاد وجنوبها، حيث تقوم أنشطة التجارة و الزراعة
And guess what?!
دي مناطق تمركز القوات الإثيوبية طول فترة وجودها في بعثة أتميس!!
-١٤تابع

يعني وجودها لم يساهم في احداث أي نوع من السلام بالعكس، الحركة نشطت و انتعشت للغاية!! لدرجة إن تقارير بعض الاستخبارات الإفريقية اتكلمت عن وجود علاقة بين هذا التمركز الجغرافي و نمو التمويل والنشاط المسلح في الصومال!
-١٥تابع

بعيدا عن بعثات الإتحاد الأفريقي، إمتى كانت إثيوبيا بترعى الأمن في الصومال؟
خلوني أقول لحضراتكم إن إثيوبيا إدخلت في الانتخابات الصومالية في 2018 لحماية مرشحها لرئاسة الصومال عبدالله فرماجو وبأوامر منه شخصيا كما كشفت التقارير، لما اعتقلت خصمه السياسي مختار روبو،
-١٦تابع

دخلت قبضت عليه من ولاية جنوب غرب الصومال و دا تطور إلى مواجهات مسلحة بين الجيش الإثيوبي و مقاتلي روبو. كمان في 2019 نشرت قوة عسكرية في ولاية جلمدغ. و في نفس السنة برضو دخلت ولاية جوبا لاند عشان تقضي على مرشح كينيا في الانتخابات الصومالية و اللي كان غريم قوى لفرماجو برضو
-١٧تابع

وهو أحمد مدوبي و مكتفتش بيه ، لا قبضت على عدد من مسؤولي الولاية تحت رعاية و تسهيل الحكومة الصومالية ذات الولاء الإثيوبي
عن أي أمن يتحدث البيان الإثيوبي يا سادة؟

كان معلوم بإنتهاء بعثة الإتحاد في ديسمبر2024، و بدأت إثيوبيا بالفعل تسحب قواتها المشاركة في البعثة من مايو الماضي
-١٨

مش بس كدة: إثيوبيا كانت بتعتبر إنسحابها من البعثة نوع من تهديد الأمن لمقديشيو في وقت حرج بتتعرض فيه الصومال لتهديدات أمنية خطيرة بسبب تصاعد الهجمات الإرهابية . أو بالأحرى بتعاقبها على رفضها لقبول الإتفاقية. و بالرغم من مناشدات الصومال للاتحاد بعدم إنهاء مهمة البعثة
-١٩تابع

اللي كان متكفل بيها الإتحاد الأوروبي ، إلا إن الكل أجمع على ضرورة قيام الصومال بالإعتماد على قواته الذاتية بشكل أكبر. ولما إتشكلت البعثة الجديدة مكنش في إقبال كبير من الجهات المانحة لدعمها بل أوصت بتخفيض عددها، و الحدق يفهم!
-٢٠تابع

ونرجع للبيان اللي بتقول فيه إثيوبيا إنها بتراقب عن كثب التطورات اللي بتهدد أمنها القومي و بتستنكر "تواطؤ" الحكومة الصومالية مع جهات خارجية بتهدف لزعزعة أمنها. من ناحية إنها تراقب فقط فدا مش حقيقي، إثيوبيا بدأت حركات محمومة مع القوى الدولية والإقليمية (نتكلم عنها في سرد آخر)
-٢١👇

و نشرت قواتها على الحدود الصومالية تحسبا لأي حركة عسكرية ضدها. الجهات الخارجية المقصودة هي مشاركة القوات المصرية في البعثة الجديدة للاتحاد الإفريقي ب5000 جندي و كمان تفعيل إتفاقية الدفاع المشترك بين مصر والصومال اللي بالمناسبة منعرفش لحد دلوقتي هي هتشارك بكام جندي على الأرض
-٢٢👇

أو نوع التسليح أو حتى طبيعة التدريبات القتالية اللي ممكن يتلقاها الجيش افراد الجيش الصومالي لرفع كفاءته بحسب الإتفاقية (دي ملحوظة كدة عشان إثيوبيا تراقب كويس).😜
أما فكرة إعتبار مصر جهة أجنبية على الإقليم أو على المشاركات في بعثات عسكرية خارج حدودها فأحب أوضح نقاط بسيطة:
-٢٣تابع

هو مين قال اصلا ان مصر كانت بعيدة عن الصومال سواء بمشاركات و تعاون مدني او عسكري؟
معلش يا جماعة اثيوبيا ضلالية لان برغم شراءها لبعض رجالات الصومال في حقب قريبة الا ان مصر عمرها ما غابت عن الصومال وسبق وضحت دا في اكتر من موضع احنا اللي مش متابعين لمصر😢 x.com
-٢٤

Loading tweet...

مصر عضو في الإتحاد الإفريقي وفي تكتل الكوميسا اللي هو تجمع دول شرق وجنوب القارة وعضو في جامعة الدول العربية وبتشترك مع الصومال في وحدة الدين واللغة والثقافة وحاليا وحدة "الأهداف"كمان مصر بتشترك مع الصومال بالتشاطؤ على البحر الأحمر يا عديم المنافذ. يعني كمية المشتركات والأهداف
-٢٥

بين الدولتين أكبر بكتير من إنك تسمي مصر جهة أجنبية!
معلومة مهمة للجميع هنا و هي طبيعة مشاركات مصر العسكرية خارج القطر المصري اللي بتحتل المركز السابع على مستوى العالم في المشاركة ببعثات حفظ السلام و خصوصا داخل القارة:
تساهم مصر حالياً بـ2569 من الجيش و الشرطة
-٢٦تابع

في بعثات حفظ السلام داخل إفريقيا لوحدها (بعيدا عن ال5000 في الصومال قريبا)
شاركت مصر في قوات حفظ السلام في مالي و استشهد 2 من رجالها في 3 يونيو 2022.
مصر بتشارك حاليا في بعثات في الكونغو وافريقيا الوسطى وغيرهم
كمان بتحتل مصر المرتبة الثالثة عالميا في المشاركات الشرطية الاكبر
-٢٧

بلغ إجمالي عدد شهداء البعثات العسكرية المصرية في إفريقيا 28 شهيد، و تلقينا عدد من الإشادات بجهودنا و تضحياتنا من أجل القارة. يعني مصر مش جهة أجنبية و لكنها أيوة جهة فاعلة و فاعلة بإمتياز.
ودي ملخص لبعض من البعثات اللي شاركت فيها مصر من الستينات عشان مطولش على حضراتكم.
-٢٨تابع

ونرجع للبيان اللي بتذكر فيه إثيوبيا إنخراطها في مفاوضات بناءة مع الصومال على غير الحقيقة، لأنها بتقصد المفاوضات اللي تمت برعاية تركية في أنقرا على مرحلتين الأولى في يوليو و التانية منتصف هذا الشهر ، الاتنين باءوا بالفشل الذريع-مش هندخل في تفاصيلها-
-٢٩تابع

لكن كان مفترض يكون في مرحلة تالتة مقررة في سبتمبر نفس التوقيت اللي أعلنت فيه إثيوبيا تفعيل إتفاقيتها مع أرض الصومال ، ما خلاص بقى إنتوا عارفين باب التفاوض دايما مفتوح بس ‘إثيوبيا تمضي عادي في خطواتها الأحادية. كانت عايزة الصومال تكمل تفاوض "أزعر"وتكمل نقل معداتها لأرض الصومال
-٣٠

و يشتغلوا سوا سوا على خطتهم في فصل الإقليم عن الصومال! (مفاوضات تركيا لها قصص ساخرة و مسخرة الحقيقة الإثنين معا-قكروني نحكيها كمستند للأجيال القادمة في ظروف أخرى).
و بتطالب أثيوبيا القوى الدولية أن يأخذوا في الاعتبار المصالح المشروعة لدول المنطقة والدول المساهمة بقوات سابقا.
-٣١

ويجب على القوى التي تحاول تأجيج التوتر من أجل أهدافها القصيرة الأمد والعبثية أن تتحمل عواقب وخيمة. ولا يمكن لإثيوبيا أن تتسامح مع هذه التصرفات التي تهدد المكاسب التي تحققت ضد الإرهابيين الإقليميين والدوليين.
مكاسب ضد الارهابين 😅دا الارهابيين سففوكي التراب جوا وبرة اثيوبيا
-٣٢👇

واضح التهديد للقوى الفاعلة اللي هى مصر طبعا- مش محتاج شرح ولا يفرق معانا ما هو مفيش برص بيهدد تمساح يا جماعة، و لا عمرنا سمعنا عن صرصار هيخوف أسد ، عمرك سمعت عن نمر بيوقف مسيرته عشان ضفدعة صوتها عالي؟
بس هقف عند جملتين:
-٣٣تابع

"يأخذوا في الاعتبار المصالح المشروعة لدول المنطقة والدول المساهمة بقوات سابقا"
هنا إثيوبيا حسبت لنفسها مصالح بما إنها دولةمن دول الجوار بناءا على مشاركتها بقوات في البعثة السابقة!
يعني منطق مغلوط:ايه الحق لدول مشاركة بقوات"برغبتها وارادتها"وبتمويل ودعم من قوى خارجيةفي الصومال؟
٣٤

يُعنَى بتبني سياستها مع الصومال على استحقاقية فارغة لا وجود لها مستندة على مجهود هى مبذلتوش لا ماديا و لا عسكريا بس هو كدة تحميل جمايل او تخن جلد يمكن رمي بلا!!
بدليل خروج تصريحات على لسان مسؤولين من المستوى الرفيع😜 بيقولوا قال مش خارجين طالما مصر داخلة الصومال
-٣٥تابع

هنوافق على جملة مصالح الدول المجاورة بس نسأل سؤال مشروع
دلوقتي الخارجية الإثيوبية بتستجدي مصالحها في دول الجوار و بتستغيث من القوى الفاعلة (مصر) بالرغم من إن مصر لم تقدم على أي عمل عدائي ضد إثيوبيا؟
كانت فين مصالح مصر المشروعة في مياه النيل و هي بتبني سد
-٣٦تابع؟

يهدد حقوق مصر اللي كفلها لها رب الكون في المياه ، بدون الاتفاق المشروع، لحرمان الملايين من البشر من حقوقهم في المياه، و كان الرد الإثيوبي دايما : سيادة إثيوبيا على أراضيها؟
أين لغة الإستفزاز و الوعيد بتاعة النيل بحيرة إثيوبية و لابد أن تدفع مصر ثمن المياه مثلما تدفع للبترول؟
-٣٧

و أخيرا و ليس آخرا مصر دخلت الصومال بحسب القانون الدولي: يعني حصلت على رضا بلد المهمة العسكرية، بعكس خطوات إثيوبيا الخارجة عن بنود وأعراف القانون الدولي مع الجميع. مصر داخلة لحماية الصومال من الهجمات الإرهابية و أي تهديد محتمل على أراضيها،
-٣٨تابع

لكن إثيوبيا عملت إتفاق عشان تتمدد عسكريا خارج أراضيها لتقويض سيادة دول الجوار.
مصر كان عندها فرص كتير لإستخدام العنف ضد عمليات إثيوبيا العدائية و لكنها لم تفعل و فضلت السلم والدخول في مفاوضات محترمتهاش إثيوبيا عشان بعد 14 سنة بتخطط و تبني جدارها الخرساني،
-٣٩تابع

تفشل في إستكماله و ملءه واستخراج كهرباء و تفشل حتى في تشغيله- و دا كمان له مجال آخر للحديث عنه. تحرك إثيوبيا بإتجاه البحر الأحمر هو تحرك عدائي بإمتياز بيهدد مصالح مصر في المجرى الملاحي من الجنوب و دا مش هتسمح بيه القاهرة مهما كان لإثيوبيا من حلفاء. مصر مكانتش بتتسلح من فراغ
-٤٠👇

والسلاح له وقته في حماية الإتنين:حق المصريين الأصيل والمشروع في مياه النيل وحقهم في سلامة البحرالأحمر من التهديد الإثيوبي. وزي ما شوفنا إثيوبيا مش بتتواجد في جوار بدون إحداث خسائر بهدف السيطرة وبسط الوجود.
اللغة الموجودة في البيان بتكشف خوف وتخبط شديد لدى الخارجية الإثيوبية
-٤١👇

لمجرد مشاركة مصر المقننة والرشيدة وبطلب من الصومال، فكان ليه من الأول الإقدام على زعزعة أمن و سيادة حلفاء مصر و استدعاء الجيش المصري بالقرب للحدود الأثيوبية؟ طيب لما دا الحال مع قوات مش جاية لحرب على أراضي إثيوبيا هيكون الرعب واصل فين لو كانت القوات قادمة لأراضي إثيوبيا؟
-٤٢تابع

ولا الفزع دا كله عشان توقيت وصول القوات قبل توقيت استكمال نقل المعدات الإثيوبية المرصودة في أرض الصومال، فقطع الطريق على تنفيذ الخطة؟ ولا عشان الأفراد اللي شحنتهم صومالي لاند للتدريب العسكري في إثيوبيا الشهر دا مش هيصدوا أمام المارد المصري، لا هما و لا القوات الإثيوبية
-٤٣تابع

ولا اللهو الخفي اللي ورا إثيوبيا. معلومة صغيرة يا ريت مننسهاش:
الجيش المصري هو الجيش الوحيد في العالم اللي انتصر في حربه على الإرهاب، فشوية المليشيات اللي عندكم هتبقى حشرات أمام تمدد أقدام الجيش المصري في "الشرق الإفريقي"والله أعلم ممكن يتمدد فين تاني لحماية مصالحه وحلفاءه.
-٤٤👇

وحياة اللي مصرفش على تعليمكم ربع جنيه،أناشد الخارجية الإثيوبية يبطلوا عصبية في كتابة البيانات ويراجعوا ال
Grammer & Punctuation
عيب ميصحش بيانات دبلوماسية تطلع بأخطاء في اللغة،ولا نبعتلكم مدرسين دبلوماسية ولغة من مصر؟
إحنا هنلم ورا أكاذيبكم ولا أخطاءكم اللغوية!
بقلم
#شيرين_هلال

المزيد من هذا الكاتب

مواضيع ذات صلة

الأكثر اعجابا

المزيد من هذا الكاتب

مواضيع ذات صلة

الأكثر اعجابا

فك الثريد