الشيخ الشعراوي الله يرحمه وهو بيفسر آية "لكيلا تأسوا على ما فاتكم ولا تفرحوا بما آتاكم"، قال قصة جميلة لشخص كان عنده حصان بيحبه والحصان ده مشي وما رجعش فالناس جم يواسوه في حزنه على الحصان فقالهم: "ومَن أدراكم أن ذلك شر؟"، وبعد فترة الحصان ده رجع ومعاه مجموعة تانية فالناس جم يهنوه

فقالهم: "ومَن أدراكم أن ذلك خير؟"، وبعد فترة ابنه ركب الحصان ووقع من عليه اتكسـر فالناس جم يواسوه قالهم: "ومَن أدراكم أن ذلك شر؟"، وبعد فترة حصلت حرب وماخدوش ابنه من بين الناس الكتير اللي خدوها عشان كان مكسـور.

انت رغم قلقك وضيقك وحزنك مش متأكد يقينًا إيه الموجود في الخطوة الجاية، ما تستهلكش وقتك في الضيق من اللي ما حصلش وانتهى، ما تخليش الألم يكسرك لوقت جايز ما يكونش زي توقعاتك، اللي تشوفه خير يمكن ما يكونش، واللي تشوفه شر يمكن يكون أكبر خير، واللي تشوفه تعب يمكن راحة،

واللي بتتمنى به الراحة جايز يكون مصدر تعبك الأكبر، سلِّم أمورك لله واطمّن لحِكمته ♥️
منقول