#العائد_علي_المواطن_من_الإستثمار
لما بيجى مستثمر ، يعمل مشروع ما بيبقى الرد التقليدى حاليا ايه الفايده طالما مش بينعكس على المواطن و حياته؟
طيب ايه المتوقع اصلا من الناحيه العلميه انه ينعكس على المواطن وحياته لما مستثمر يعمل مثلا مصنع محابس غاز؟
1-انك هتقلل استيراد محابس الغاز 👇
لما بيجى مستثمر ، يعمل مشروع ما بيبقى الرد التقليدى حاليا ايه الفايده طالما مش بينعكس على المواطن و حياته؟
طيب ايه المتوقع اصلا من الناحيه العلميه انه ينعكس على المواطن وحياته لما مستثمر يعمل مثلا مصنع محابس غاز؟
1-انك هتقلل استيراد محابس الغاز 👇
بالتالى هتقلل الطلب على العمله الصعبه ، بس انت اصلا ممكن تكون بتستورد محابس ب 10 مليون دولار ( مثلا ) و ده رقم صغير بالنسبه للدوله كلها ، انما هى طوبه صغيره فى بناء كبير اسمه احلال الواردات ، وانت نفسك مش بتلاقى اى مشكله تعاير البلد بانها بتستورد محابس غاز !!👇٢
رغم ان واردتها ممكن تبقى تافهه ، ورغم ان تصنيعها اصلا مسئوليتك انت مش الحكومه !! لما هى سهله و بسيطه وبتكسب ، اعملها ! بالتالى فانعكاس ده على المواطن هيحصل ، بس بشكل طفيف جدا ، لان الرقم غالبا هيبقى صغير لما يتوزع على عدد المواطنين !! ملهاش حل احنا كتير 👇٣
2- انك تزود الوظائف !! المصنع ممكن يشغل مثلا 300 واحد ( اه امال انت فاكر هيشغل مائة الف يعنى ؟ عصر الصناعات كثيفة العماله ده انتهى ) ، والعدد اللى هيشتغل ده هيفتح بيوت ، و برضه فيه ضعهم هيستفيدوا من المصنع بشكل غير مباشر ، زى سواقين الميكروباصات اللى بيوصلوا العمال 👇٤
و اصحاب الميكروباصات دى ، وبتاع القهوه والشاى اللى ساكن جنبه عامل فى المصنع ، و بتاع السوبر ماركت لانه هيبيعله طالما معاه فلوس ، و طبعا اللى بيوردوا الخامات للمصنع ، نحاس و الومنيوم وبلاستيك !! كل ده مستفيد ، بس برضه انت مش هتحس بيهم الا لو انت واحد منهم !! 👇٥
ولو حسبتهم على بعض كنسبه من عدد السكان ، مش هيكملوا 0.01% ، هنعمل ايه ؟ مهو المقام كبير ، ومفيش مصنع واحد هيغير حاجه ضخمه !!
3-الضرائب ، و دى بتوصلك بشكل شبه مباشر ، يعنى لو المصنع كسب مثلا مليون دولار صافى ، هيدفع للحكومه اقل قليلا من ربع مليون دولار ضرائب عليهم !!👇٦
3-الضرائب ، و دى بتوصلك بشكل شبه مباشر ، يعنى لو المصنع كسب مثلا مليون دولار صافى ، هيدفع للحكومه اقل قليلا من ربع مليون دولار ضرائب عليهم !!👇٦
يعنى تقريبا 12 مليون جنيه !! وده لو اتوزع على الشعب المصرى ، هيبقى نصيبك مثلا عشر قروش !!! انما هتشوف الفائده بشكل افضل لو الرقم ده دخل فى مشروع عام ، زى طريق او كوبرى او مركز صحى ، بس للاسف ممكن ده يتعمل مثلا فى مركز الحمام بمرسى مطروح ، وانت تعيش وتموت فى سوهاج مركز ساقولته👇٧
ومتشوفش الاستفاده من الضرائب بتاعة المصنع ده بشكل مباشر ابدا !! وشىء طبيعى ، لان الدوله بتعمل لصالح العدد كله ، مش لصالح معاليك انت تحديدا !!
كل ده تقريبا لا يتجاوز 50% من المكسب !! بيعود عليك بشكل ما ، بس غالبا بشكل غير مباشر و تاثير طفيف ، لكل مشروع على حده !!👇٨
كل ده تقريبا لا يتجاوز 50% من المكسب !! بيعود عليك بشكل ما ، بس غالبا بشكل غير مباشر و تاثير طفيف ، لكل مشروع على حده !!👇٨
باقى المكسب المؤثر ، بيعود على مالك المصنع !! انت مش شريك ليه عشان تطالب باكتر من اللى فوق !!
لما بتساعد الاف المستثمرين انهم يعملوا الاف المصانع و شركات المقاولات ، و المدن السكنيه ، والمزارع ، تدريجيا الفوائد اللى فوق بتتراكم ، و تشوف نتائجها👇٩
لما بتساعد الاف المستثمرين انهم يعملوا الاف المصانع و شركات المقاولات ، و المدن السكنيه ، والمزارع ، تدريجيا الفوائد اللى فوق بتتراكم ، و تشوف نتائجها👇٩
( على الهيئه اللى قولناها فوق ، وظائف ، بيع وشراء ، بيوت مفتوحه ، مشاريع الدوله بتعملها من تمويل الضرائب و غيره ) ، انما مش هتشوف فائدتها بشكل كبير على ( اسعار السلع ، الا لو بتحل محل واردات ، ساعتها بتبقى عادة ارخص قليلا من المستورد ، بس برضه عادة ده مش بيملأ عينك👇١٠
انت عاوزها تبقى بنص السعر ، بدون اى منطقيه ، هو مجرد افتراض وهمى عندك ان ده المفروض يبقى التسعير ) ، ولا هتشوف تحسن كبير فى ( القوه الشرائيه ) ، لان الاخيره مرتبطه بحاجات تانيه خالص ، زى طلب معاليك على المستورد ، او تخزين الدولار والدهب ، وقبل كل ده احوال وظروف عالميه !!👇١١
فلما بعد كل ده تقول المهم ينعكس ، فده يدل انك مش بس مش فاهم ايه اللى المفروض يحصل ، و ايه المتوقع من المشروع بشكل واقعى ، لا انت مصر تماما انك مش تفهم ، وقررت تحبس نفسك جوه فقاعه من الوهم ، وعدم الرضا ، واللى للاسف هيضرك انت اول واحد
#الوعي_طوق_النجاة
#حفظ_الله_مصر
د.سلوي السوبي
#الوعي_طوق_النجاة
#حفظ_الله_مصر
د.سلوي السوبي
جاري تحميل الاقتراحات...