عشان بس في رسائل كتير جت لي فانا اكيد مش هعرف ارد على كل الكم ده في الانبوكس فانا في التويت دي هوضح ايه اللي حصل معايا بالظبط ودي مش من حد خبير تاخد منه كلمه بس ده تجربه شخصيه حصلت معايا يعني فلعل و عسى لو حد ممكن يستفيد يعني منها، /١
في البدايه خالص الموضوع بدا في اواخر ثانويه عامه وانا حبيت ان يكون في شغل جنب الدراسه ينفعني وابقى معتمد على نفسي لان دي حاجه اكيد هتفرحني بعيدا بقى عن الفلوس اكيد هتفرق بس حته اللي انا هكون معتمد على نفسي تعني لي الكثير فبدأت ادور عن ايه المجالات المتاحة الي ممكن اتعلمها /٢
و تكون حاجة حاببها نوعا ما بردو فلقيت كتير جدا بصراحه فأنت ممكن تسيرش ع كل المجالات و تشوف انت ممكن تبدع في ايه، فلقيت بقا ان حرفيا أنا مش حابب حاجة 😂، كل حاجة فيها ضباب بالنسبالي مش شايف نفسي هبدع في شيء، فركزت ع حاجة و ياريت اغلب الناس تعمل كدا، /٣
متروحش تتعلم مهارة ما شغلها كتير، بمعنى متتعلمليش جرافيك ديزاين و لوجو ديزاين و الكلام دا، بصراحة مش مقتنع بيه، هقولك ليه، عشان المنافسة فيه عالية جدا جدا، و تعلمه مش سهل بردو، او ع الاقل عشان توصل لمستوى محترف يعني، فأنت حرفيا بتضيع وقت و خلاص /٤
اتعلم حاجة سوقها مطلوب و نوعا ما الكل مش عارف عنها حاجة
عشان اول ما تقدم ع شغل يبقى معاك max ٥ او ١٠، فساعتها تقدر تتميز و يختارك العميل
فأنا لقيت أني نوعا ما حابب الموشن جرافيكس و الحاجات الي بتتحرك دي و الكرتون وكدا، بس لقيت انه صعب جدا و محتاج وقت طويل عشان تتعلمه /٥
عشان اول ما تقدم ع شغل يبقى معاك max ٥ او ١٠، فساعتها تقدر تتميز و يختارك العميل
فأنا لقيت أني نوعا ما حابب الموشن جرافيكس و الحاجات الي بتتحرك دي و الكرتون وكدا، بس لقيت انه صعب جدا و محتاج وقت طويل عشان تتعلمه /٥
او تاخد كورس محترم بفلوس و بردو هياخد وقت بس اقل شوية، فأنا قولت ايه، امسك العصاية من النص و اتعلم حاجة مش سهلة اوي ولا صعبة اوي، و خصوصا ان اول ترم في حياتي الجامعية كان بدأ، فأنا مكنتش متأقلم ع النظام و كنت تايه، فحتة تنظيم الوقت دي كانت ضايعة عندي حبتين، /٦
فاخترت ال whiteboard animation، حسيته لذيذ و حلو و ممكن اوصل فيه في مستوى كويس، و فعلا حصل كدا، انا شوفت حوالي كام فيديو طولهم ٤ ساعات مش اكتر من كدا و اتعلمت كل حاجة فيه، و المصادر كتير علفكرة اليوتيوب مليان، فبعدها بدأت اعمل كام فيديو كدا لوحدي عشان احطهم في البورتفوليو بتاعي/٧
و كنت بستخدم سايت اسمه eleven labs عشان يعملي فويس اوڤر، حرفيا اختراع بجد، اكن حد حقيقي بيتكلم مش AI، و كنت بعمل حركة فيها حنكة كدا، ان كل ما ال free trail تخلص اقوم داخل ع موقع temp mail و اسجل بايميل جديد عشان اخد free trail كمان، و الموضوع كان بيمشي كدا من غير ما ادفع جنيه، /٨
فالمهم بعد ما عملت كذا فيديو حلوين كدا حطيتهم ع upwork و بقيت ابعت proposals للناس الي عاوزين الشغل دا و كنت بنقي الشخص الي طالب الخدمة دي مثلا من وقت قريب مش عدا يومين مثلا و كدا لا، كان يدوبك لسه منزلها و مش مقدم عليها اكتر من ٥ مثلا، /٩
بحيث لو هو متسرع ولا حاجة ابقى اوبشن موجود قدامه و يكلمني و تبقى فرصتي اعلى، فقعدت اقدم اقدم و مفيش حد بيقبل و ايام تعدي و مفيش حاجة بردو، لحد ما جه واحد قبلني و عاوز يتعامل معايا و قالي هنشتغل لمدة طويلة و هتبقى معايا، ففرحت انها ممكن تكون اول فرصة جاتلي، بعد حوالي شهر تقريبا/١٠
بس لقيت انه حرفيا بيستغلني عشان انا مكانش عندي تعامل مع عملاء قبل كدا و بيقول هتعمل كل فيديو ٥ دقايق و كل فيديو ب١ دولار، طبعا تنحت لللاب توب كدا مش مصدق ان في ناس اجانب جلدة للدرجادي، فا قولتله لا الموضوع دا مينفعش ولازم تزود وكدا فرفض و قالي دي ال budget بتاعي فقلتله /١١
مع السلامة ينجم شوفلك واحد عبيط يقبل طلبك، و بقيت بقدم بعدها و مستمر بس بدون جودة و حسيت انه خلاص كدا و فكك بقا يمعلم من الموضوع دا دلوقتي و هنبقى نتعلم مهارة اصعب في الاجازة و الدنيا هتبقى احسن ان شاء الله
جات الاجازة و الحمدلله مفيش بنس آدم مصري بيخطط لحاجة /١٢
جات الاجازة و الحمدلله مفيش بنس آدم مصري بيخطط لحاجة /١٢
و بيعملها فمتعلمتش حاجة و انشغلت في حاجات كتير ملهاش لازمة و كل ما الاجازة يخلص منها حبة افقد الشغف و اقول هلحق يعني اتعلم؟ اكيد لا، و انام في الخط و مش بعمل حاجة..
لحد امبارح بالظبط، لقيت حد باعتلي ع Upwork بيقولي ازيك يا يوسف عامل ايه انا عاوزك تعملي فيديو فيه كذا كذا /١٣
لحد امبارح بالظبط، لقيت حد باعتلي ع Upwork بيقولي ازيك يا يوسف عامل ايه انا عاوزك تعملي فيديو فيه كذا كذا /١٣
و باعت تفاصيل فعلا دقيقة الي هو انت جاهز ع الشغل حرفيا، فأنا زعلت وقتها بصراحة مفرحتش، لأن Videoscribe البرنامج الي كنت بعمل عليه الفيديوهات كان باشتراك و انا كان اشتراكي خلص و كان المفروض اجدده و طبعا مكنتش هجدده لأني بردو مش واثق في العميل لانه ممكن يضحك عليا زي الي فاتو، /١٤
فقلتله اني والله كان نفسي اخدمك بس البرنامج عندي فيه مشكلة و الاشتراك و كذا كذا، قام بعدها باعتلي الاكونت بتاعه ع Videoscribe وانا متنح بجد هو ازاي بالسرعة دي استجاب، فقلت فرصة و جتلك يعم، قومت عامله كله الي هو عاوزه و مكنتش كتير خالص، خلصت كل حاجة في ٤ ساعات تقريبا و بعتهوله /١٥
و انا هموت من الخوف، خايف يقول عليه وحش او مش احسن حاجة و الموضوع يطير، بس لقيته فرح و قالي كويس جدا و بشكرك و بتاع و حولي الفلوس و انا لحد دلوقتي مش مستوعب عامة ان الموضوع مش بالسلاسة دي
فالي حابب اوصله بعد كل الرغي دا ان اول عميل جالي /١٦
فالي حابب اوصله بعد كل الرغي دا ان اول عميل جالي /١٦
ولا هو جالي عشان انا شاطر و لا مفيش مني اتنين، لا حرفيا دا ربنا بس و دي تدخلات من قوى اكبر مني و من اي حد، يعني مين يتخيل ان عميل هو الي يبعتلي و ميبعتش لحد غيري مع ان في ناس شغلها جامد موت و فاتحة ٢٤ ساعة و جاهزين و بلص كمان يديني الاكونت بتاع اشتغل عليه!!
فالموضوع بصراحة /١٧
فالموضوع بصراحة /١٧
انا مش شايف غير انه معجزة، و انها عمرها ما كانت بشطارة حد ولا بدماغه، انما بتوفيق ربنا بس و انت بتسعى مش اكتر، ومع ان المبلغ مش كبير اوي بس انا فرحان بيه اكنه حاجة كبيرة بالنسبالي لانها اول فلوس اعملها بنفسي في حياتي فدي حاجة افخر بيها. /١٨
و كام نصيحة مني عشان الي تايه
متاخدش كورس و يكون اسمه كورس فريلانسينج و الكلام الفاضي دا، مش هيعلمك حاجة، حرفيا المنصات مفيش اسهل منها و لو لقيت حاجة صعبة اقسم بالله اليوتيوب مليان بالعبيط تقدر تماستر كل دا في يوم، فمحدش يضحك عليك
تاني حاجة انت بردو مش محتاج /١٩
متاخدش كورس و يكون اسمه كورس فريلانسينج و الكلام الفاضي دا، مش هيعلمك حاجة، حرفيا المنصات مفيش اسهل منها و لو لقيت حاجة صعبة اقسم بالله اليوتيوب مليان بالعبيط تقدر تماستر كل دا في يوم، فمحدش يضحك عليك
تاني حاجة انت بردو مش محتاج /١٩
تاخد كورس عشان تتعلم مهارة ايا كان هي ايه، اليوتيوب مليان موت بردو، هو بس عاوز منك شوية مجهود انك تلاقي road map تمشي عليها و هتتعلم اي حاجة حرفيا و ببلاش، بلص اتعلم من الكتب بردو، اغلب الناس بيركزوا ع الفيديوهات و سايبين الكتب مع انها افضل و مترتبة اكتر، /٢٠
و طبعا مش كل المجالات لها كتب بس دور و هتلاقي، اقرألك كام كتاب و شوف كام كورس ع يوتيوب او كورسيرا و خد ال financial aid و سهل جدا الموضوع دا بردو شوف اليوتيوب هيعلمك ازاي تاخده ببلاش و هتتعلم اي حاجة
تاخد كورس في حالة انك مستعجل و مش بتعرف تتعلم لوحدك و بتووه بسهولة فمحتاج /٢١
تاخد كورس في حالة انك مستعجل و مش بتعرف تتعلم لوحدك و بتووه بسهولة فمحتاج /٢١
محتوى سريع و متخلص نوعا ما و فيه و الزتونة و بردو مقتدر، ففي الحالة دي اشطا، لكن غير كدا مش محتاج
نوصل بقا لأهم حاجة و هي انك لو احتست في اي حاجة ارجوك متجودش، اسأل Chat GPT او Gemini، انا الحاجات دي بقالي اكتر من سنة مش بستغنى عنهم حتى في تفاصيل حياتي الشخصية، /٢٢
نوصل بقا لأهم حاجة و هي انك لو احتست في اي حاجة ارجوك متجودش، اسأل Chat GPT او Gemini، انا الحاجات دي بقالي اكتر من سنة مش بستغنى عنهم حتى في تفاصيل حياتي الشخصية، /٢٢
و بستفاد بشكل مرعب و مش بسأل ولا بحتاج لمخلوق في اي حاجة، فأنت اعمل كدا في الموضوع الي احنا بنتكلم فيه سواء عاوز تسأله ع road map هتلاقي، ع أشخاص مشهورين في مجال معين بيشرحوا كويس هتلاقي، كتب تقييمها عالي هتلاقي، انك تقوله اكتبلي proposal للشغل الي العميل طالبه و فيه كذا كذا /٢٣
بردو هتلاقي و حتى والله كنت ساعات بسأله عن ايه السعر المناسب مثلا لواحد مبتدئ بيقدم الخدمة الفلانية لو هو عمل فيديو لمدة كذا ع منصة كذا، بيجيب اجابات و موثوقة عادي، فأنت متعتمدش ع نفسك خالص و سيب Chat GPT وهو هيرفعك حرفيا /٢٤
و في النهاية معرفش مين هيقرأ كل دا بس لو وصلت لهنا متنسانيش في دعوة حلوة كدا، و ربنا يحققلكم كلكم الي بتتمنوه دايما 💖💖 /٢٥
أطول ثريد كتبته و هكتبه في حياتي
جاري تحميل الاقتراحات...